Faalagolago i le Alii

Ata na tusia e Katelyn Budge

Ina ua faatoa aoaoina e faifeautalai tamaitai lo’u aiga e uiga i le fuafuaga o le faaolataga ina ua maliu lo’u tama, o nisi taimi sa ou popole ma ou te lei iloa pe ou te talitonu i ai. Ae sa to’a lava o’u tuagane ma fesoasoani ia te a’u e talitonu, ma aua le soona mafaufau tele i mea uma.

O nisi taimi ou te le lagonaina ai le malosi tele i le Ekalesia. Ae afai e i ai se mea ou te popole i ai, po o se faafitauli o loo ou feagai ai, ou te taumafai lava e mafaufau i le mea e tasi: Faalagolago i le Alii. Na te taialaina a’u i le mea e tatau ona ou i ai.

O le mafuaaga lena ou te fia alu ai i se misiona—ia malamalama atili ia te Ia ma malamalama i le mea e finagalo o Ia ou te faia. Pe a ou vaai i faifeautalai ma le agaga o loo ia i latou, ou te manao ia pei o i latou. O i latou o ni faataitaiga lelei o soo o Iesu Keriso. Ona o a latou faataitaiga, ua ou matuā fiafia lava e alu i se misiona pe a uma ona ou faauu mai le aoga maualuga. Ou te manao e tuuina atu le fiafia ma le malamalama ua ia te au i a’u uo ma isi.