“Ou te lagona le lē mautonu i le faasoaina atu o o’u talitonuga. E mafai faapefea ona ou faia ia pei lava o se mea masani?”

“E mafai ona avea a’u ma se faataitaiga i taimi uma e ala i le faia o le pine a Tamaitai Talavou, hamuina o viiga i le aoga, ma le tuuina i luga o le initoneti o mau mai tusitusiga paia ma ata o le malumalu. O nei mea e faaosofia ai le lagona fiailoa i a’u uo. Ona latou fesili mai lea po o le a le mea e faatatau i ai, ma o le a ou lagona le mafanafana e faasoa atu o’u talitonuga ia i latou—o lenei mea ou te matua fiafia ai lava!”

Marjorie Y., 12, Fortaleza, Pasila

“O nisi taimi ou te lagona ai le lē mautonu e faasoa atu o’u talitonuga pe a ou talanoa i isi. Ae peitai, ua faamanatu mai e le 1 Korinito 2:13 ia te a’u, e tatou te faasoa atu a tatou molimau i lalo o le taitaiga a le Agaga Paia. E ala i le valaauliaina o le Agaga, e mafai ai ona tatou faasoa atu o tatou talitonuga ma mea o i o tatou loto i isi tagata.”

Roshemin B., 18, Bauang, Filipaina

“E faigata ona ou faasoa atu o’u talitonuga ona o le fefe nei i ai se tulaga o le teenaina po o le lē amanaiaina. Pe a oo mai fesili, ou te taumafai ia ou fiafia, talia la’u molimau, ma faamoemoe ia Iesu Keriso. Sa aoaoina a’u e lo’u tina afai o loo ou taumafai e avea faapei o Keriso, e tusa lava pe ou te le mafai ona fai atu ni tala se tele, o le a iloa e isi mea ou te talitonu i ai i le ala ou te ola ai.”

Eddy A., 19, Vila Nueva, Kuatemala

“E faigofie ona ou talanoa e uiga i o’u talitonuga pe a fesili mai tagata o loo siomia a’u i fesili e uiga i mea ou te tautala ai ma mea ou te faia. Mo se faataitaiga, latou te fesili mai pe aisea ou te le faia ai ni upu leaga pe aisea ou te le taalo ai i Aso Sa, pe aisea foi e moeiini ai o’u mata ma punou lo’u ulu ae ou te le’i ‘ai i le faleaiga.”

Tomas H., 13, Cholet, Farani

“O le faasoaina atu o le talalelei e mafai ona faigofie e pei o le faaalia o le alofa faaKeriso ia i latou o loo siomia oe—o le faasoaina atu o se mau mai tusitusiga paia i se uo o loo feagai ma se taimi faigata po o le faaaofia ai o se tasi. Tau lava o le avea ma se faataitaiga lelei ma mulimuli i le faataitaiga a Iesu ma o le a sili atu ona e toafimalie e faasoa atu le talalelei i aso uma.”

Mya S., 17, Texas, ISA