E Faapefea Ona E Maua le Faamalieina Pe a Gaogao Totonu o Lou Tagata?

Sa ou mafatia i le atuatuvale ma le i ai o ni faafitauli i lo’u aiga. Sa o se tasi lea o taimi sili ona faigata i lo’u olaga. Sa le toe fesootai lo’u aiga, ma sa leai sa matou fegalegaleaiga. Sa ou mafaufau i mea e pei o le, “O le a le mafuaaga e faaauau ai ona ola? Aisea ua ou i ai iinei?” Sa ou lagona le gaogao.

Ona faailoa mai lea ia te a’u o Le Ekalesia a Iesu Keriso o le Au Paia o Aso e Gata Ai. O la’u uo o lē na valaauliaina a’u i le lotu, e taumafai lava e ola i le talalelei ma faasoa atu i isi. Sa mulimuli o ia i le Agaga Paia e ala i le valaauliaina o a’u i le lotu. O le taimi sa ou faaaluina i le lotu o se taimi manaia tele lea. O le auai faatasi ma tamaiti o la’u vasega i le seminare na faatumulia ai a’u i le alofa tele. Ina ua mavae le valu masina o lo’u faamasani ma iloa le Ekalesia ma aoao e uiga ia Iesu Keriso, sa ou papatiso loa.

Sa ou lagonaina e pei na laveaiina a’u e Iesu Keriso mai le tele o mea faigata sa ou oo i ai i lena taimi. Ou te iloa o Ia lea na tosoina mai a’u i totonu o nei faigata.