O Le Auala na Fesoasoani ai Keriso ia te Au i Lo’u Faaletonu Faalemafaufau

Sa masani ona ou matuai tauivi lava ma le faaletonu faalemafaufau, lea e pei lava o le Faaletonu o le Faananau-Faamalosia i tulaga faalelotu, i se isi itu. Sa ou tauivi tele ma mau o loo poloaiina ai i tatou ia atoatoa. Sa ou le malamalama pe mafai faapefea lena mea.

Mo sina taimi, sa pei lo’u tiutetauave o le alu i le Lotu ma faitau tusitusiga paia o se avega mamafa. Ma o le faia o na mea na avea ma mausa le lelei ae o se faananau faamalosia ia te au. Ae sa ou faaauau pea ona faia na mea aua na iu lava ina ou iloa e lelei ma o le mea e tatau ona ou faia.

Mulimuli ane, sa ou aoao e aua nei mafaufau i le faitauina o tusitusiga paia o se mausa ae ia ou leiloa moni lava i upu o tusitusiga paia. Ou te le’i taofia lava le faitauina, ae na faaitiitia ai le faamalosia o au ae sili atu i se mea ou te fiafia e fai ina ia lagona ai afioga a le Atua.

Sa ou iloaina o Iesu Keriso e suitulaga i o tatou lē atoatoa uma. O le sini sili lava o le nonofo faatasi ma le Tama Faalelagi ma lagona le atoatoaga o le olioli lea e na o Ia lava e mafai ona tuuina mai. A e tuuina atu ia Keriso mea uma ua ia te oe, e te tuuina atu ia te Ia lou loto atoa, ma le lē taofia o se mea. Ona mafai lea ona Ia tuuina atu ia te oe mea uma i se uiga faaleagaga. Sa ou aoao e tuu atu lo’u loto ia Keriso, ma o isi mea na aofia ai le avea ma se soo na mulimuli i ai.