Sa Ou Lē Mana’o e Faaita La’u Uo

Ata na tusia e Katelyn Budge

Sa i ai se taimi sa tatau ai ona ou filifili i le va o le auai i se gaoioiga a le Ekalesia ma le alu i se pāti a se uo. Sa o se filifiliga faigata. Ou te le’i manao e faatupu se lagona lē fiafia o la’u uo, ae sa ou lagonaina o le auai i le gaoioiga a le Ekalesia e sili atu ona taua. Sa ou tatalo e uiga i ai, ma sa ou lagonaina le filemu e uiga i le filifilia o le gaoioiga a le Ekalesia.

Sa le fiafia la’u uo i le taimi muamua, ae sa malamalama o ia i la’u filifiliga ina ua ou faamatala atu a’u mafuaaga. O lo’u aafiaga na faaalia ai ia te a’u, pe a ou faamuamua le Atua, e faatulagaina lelei isi mea uma lava. Na faamalosia ai foi lo’u talitonuga o le a taialaina a’u e le Atua pe a ou sailia Lana fesoasoani e ala i le tatalo.

O le i ai o le faatuatua ma le faalagolago i le Atua ua aumaia ai ia te a’u le filemu ma le fiafia tele. E oo lava i taimi faigata, ou te iloa o loo i ai pea iina le Atua mo a’u. Ou te faamoemoe o le faasoaina atu o o’u aafiaga, e mafai ai ona ou musuia isi ia faalagolago i le Atua ma ola i lo latou faatuatua.