O le Tatalo e Faatoilaloina le Ulagia

Ata na tusia e Katelyn Budge

Sa toatele tamaiti i la’u aoga o e na amio e pei o ni uo faafoliga. I le ala savali, latou te faapea mai, “Ua a mai, uo?” Ona latou taliē lea ma femusua’i e uiga ia te a’u. O isi tagata sa ula mai i o’u foliga. Sa matuai faigata lava ma sa ou lagona ai se tulaga popole tele mo a’u lava.

Sa masani ona ou le tatalo soo. Ae na amata ona o’u tatalo soo, ina ua amata ona ulagia a’u i le aoga. I le amataga, sa ou le mautinoa po o le a se tala e fai atu. Ae i le aluga o taimi, sa ou lagona le fiafia e talanoa atu i le Tama Faalelagi auā ua ou fausia se sootaga ma Ia.

I le taimi nei, afai e i ai se mea o tupu i le aoga, ou te faia se tatalo i lo’u mafaufau. Ou te iloa o loo faatasi Iesu Keriso ma a’u, ma o Ia o le Uo sili e mafai ona ou maua. O le tatalo ma le manatuaina o Keriso ua fesoasoani ia te a’u ia ou iloa ai o mea e fai mai ai isi tagata e le afaina. O le mea e taua o le manatu o le Tama Faalelagi ma Iesu Keriso ia te a’u.