Mauaina o le Alofa e Le I’u

O leMo Le Malosi o le Autalavou: O Se Taiala mo le Faia o Filifiliga ua folafola mai ai “o le a faalolotoina lau sootaga ma le Atua a o e faailoa atu lou alofa e ala i le usiusitai i Ana poloaiga ma tausia au feagaiga ma Ia” ([2022], 12). E mafai ona e:

• Faia ni talanoaga ma le Atua e ala i le tatalo.

• Aoao e uiga ia te Ia e ala i le faitauina o tusitusiga paia.

• Mafaufau loloto po o le a Lona faamoemoega mo oe ma saili se faamanuiaga faapeteriaka.

O le faia o mea faapenei o le a fesoasoani ia te oe e aoao ai le auala e alofa ai i le Atua ma iloa ai Lona alofa e le gata mo oe.

Afai o loo e tauivi e lagona le alofa o le Atua, ia faamafanafanaina oe i le iloaina e leai se mea “e mafai ona tuueseeseina [oe] mai le alofa o le Atua” (Roma 8:38–39). Eleai se mea o le a taofia ai le alofaina o oe e le Atua. Talitonu i ai! E mafai lava ona e ole atu i le Atua e fesoasoani ia te oe ia e iloa Lona alofa.

E alofa le Atua i tagata uma! E mafai ona tatou alolofa i isi e ala i le:

• Tatalo mo i latou.

• Faalogologo ma le alofa iā i latou o loo tauivi ma le soifua mālōlōina o le mafaufau ma isi faafitauli.

• Ia faauo atu i tagata o foliga popole pe tuuatoatasi.

Ua folafola mai e le taiala Mo Le Malosi o le Autalavou e faapea “o le a faalolotoina lau sootaga ma isi a o e faailoa atu lou alofa e ala i auaunaga faaKeriso. O le a e maua le olioli i le faia o le lalolagi o se nofoaga e sili atu ona agaalofa” (12).

O le alofa i le Atua ma lou tuaoi o le a fesoasoani ia te oe e iloa ai le alofa e le gata o le Atua mo oe ma maua ai Lona alofa e le gata mo isi!

E mafai faapefea ona e alofa i le Atua ma lou tuaoi?