Eliot L.

Ata na pueina e Barbara Leite

O se tasi o o’u tofotofoga sili ona faigata o le taimi na maua ai lo’u tina i le kanesa o le susu. Sa ou mafaufau, “Pe o le a maliu lo’u tina? Aisea na tupu ai lea mea?”

E o’o lava a’o mafatia o ia, sa manao lo’u tinā ia o matou lototetele. E fai mai o ia, ‘Aumai ou te tautaua le tagamea!” Ae sa le mafai ona ia faia. Sa tatau lava ona matou fesoasoani atu. Sa ou aoaoina ni vaega se tele e uiga i le auauna atu mai lena aafiaga. O le asō, ua faamaloloina atoatoa lo’u tina, ma ou te faafetai ai i le Tama Faalelagi i aso uma.

Ua ou aoaoina foi e uiga i le auaunaga mai lo’u tamā. I se malaga faaleaiga i São Paulo, na tuuina atu ai e lo’u tamā se taga apu i se alii talavou sa talosagaina se meaai. Mulimuli ane i lena aso, na tuu atu ai e lo’u tamā a matou sanuisi i se isi alii. Sa fai mai o ia, “E tele atu lona manaomia o nei mea.”

Ia te a’u lava ia, o le avea ma soo o Iesu Keriso o lona uiga o le fai ma sui o Ia i soo se mea, i taimi uma—ia avea ma se faataitaiga i isi ma faaali atu mea ou te iloa e uiga ia te Ia.