Pe o E Faamoemoeina ea Oe Lava ia e Sili Atu nai lo le Mea o Faamoemoeina e le Faaola?

• Ioe

• Leai

• Masalo

Faataitaiga: Ta’uta’u atu o agasala laiti po o agasala na e ta’uta’u atu muamua. Masalosalo i lou o’o atu i le malo selesitila. Fefe i le i ai o ni “mafaufauga leaga” po o le avea ma se “tagata leaga.” Mafaufau e le lava le malosi o lou faatuatua ma le molimau.

O le agavaa e lē faapea o le lē faia lava o ni mea sese. E lē o lona uiga o le amiotonu atoatoa i taimi uma. O lona uiga e te taumafai e ola i au feagaiga ma faalagolago i le Faaola. E pei ona saunoa mai Peresitene Russell M. Nelson, “Ia onosai ia te oe lava ia. O le atoatoa e le oo mai i lenei olaga, ae o le olaga a sau.”

• Ioe

• Leai

• Masalo

Faataitaiga: Aloese mai le tatalo ona e te manatu e le fia faafofoga mai le Atua ia te oe. O le aloese mai le malumalu ona e te lagona le lē agavaa. O le tauivi ma konafesi aoao po o sauniga faalelotu ona e te lagona ai le ta’usalaina.

Na saunoa mai Peresitene Thomas S. Monson (1927–2018) e faapea: “Ua i ai le alofa o le Atua iina mo outou e tusa lava pe ua outou lagona lo outou manaomia o le alofa pe leai foi. E i ai lava iina i taimi uma.” E tusa lava po o le a se mea ua e faia, e alofa lava le Tama Faalelagi ia te oe i taimi uma . Taimi uma lava. E le finagalo o Ia e te tumau i lagona o le maasiasi po o le leai o se faamoemoe. O Ia o lou Tamā! E finagalo o Ia ia e sau ia te Ia, ia maua le filemu ma le faamoemoe.

• Ioe

• Leai

• Masalo

Faataitaiga: Lagonaina e pei o oe o se tuusaunoaga i le mana o le Faaola e laveai ai i tatou. Mafaufau e tatau ona e galue ia maua lou ala i le lagi.

Na fai mai Moronae, “O mai ia ia Keriso, ma faaatoatoaina ia te ia” (Moronae 10:32, faaopoopo le faamamafa; tagai foi i le Alema 26:12). O le lava o lou lelei na o oe lava sa le mafai lava. Ae e mafai ona lava lou lelei ia Iesu Keriso. Ia e faatuatua e mafai e le Faaola ona laveai oe.

• Ioe

• Leai

• Masalo

Faataitaiga: Tatalo faatasi ma ni lisi o mea e “tatau” ona e fai atu ai. Anapogi umi pe sili atu foi ona fai soo nai lo le mea na faamoemoeina. Totogiina o le silia ma le 10 pasene i le sefuluai. O le lagonaina e tatau ona e suesue “sa’o lelei” le talalelei pe mo se taimi faapitoa a leai e le taulia.

Manatua, o poloaiga ua tuuina mai ia i tatou mai se Tama Faalelagi alofa mo lo tatou lelei. Vaavaai mo faamanuiaga e oo mai i le ola ai i poloaiga nai lo le vaavaai vale pe o e ola atoatoa ai i na vaega.