E Le Pei o Isi Tagata Uma

Luis V., 16 tausaga, Matagaluega a Kuatemala, Kuatemala

E fiafia e ta le piano ma fau ni Lego.

E tele faaosoosoga a le autalavou i aso nei, e pei o ni faiga taatele patino, o nisi ituaiga o ala o faasalalauga faaagafesootai ma musika, gagana le talafeagai, ma le ’ava malosi ma fualaau faasaina. E leai ni faamoemoega leaga o tamaiti o la’u vasega i le aoga, ae o nisi taimi latou te valaaulia ai au e faataitai nei mea.

Sa tatau ai ona ou aoao e fai atu leai. A o faasolo ina iloa lelei au e tamaiti o la’u vasega, ua latou iloaina ai ou te le pei o isi tagata uma. Sa ou maua lo latou faaaloalo e ala i le faaali atu ia i latou e mafai ona avea au ma se talavou masani e aunoa ma le i ai o ni gagana po o ni amioga leaga.

I le avea ai ma talavou, e tatau ona tatou liliu atu i le Tama Faalelagi i aso uma ma ole atu mo Lana fesoasoani. E tatau ona tatou manatua pea mea na aoaoina ai i tatou. E tatau ona tatou faaali atu o i tatou o ni tagata o Le Ekalesia a Iesu Keriso o le Au Paia o Aso e Gata Ai. Nai lo le faatosinaina e isi, e manaomia ona tatou faatosina isi ina ia suia. E mafai e lena mea ona faaleleia atili ai le lalolagi.