Misionao Mea Uma
Tali ma Fautuaga
E mafai ona manaia ma ofoofogia misiona—ae e fou foi ma e le mailoa. O tali nei mai faifeautalai i nisi o a outou fesili masani.
Ata na tusia e Mike Mullan
Sa ou auauna atu i masina muamua e 11 o la’u misiona i Iuta nai lo le mea na tofia ai au. O lenei toe tofiaina na oo mai ona o le faama’i o le KOVITI-19. Sa ou tautala i la’u lava gagana, ai meaai sa ou fiafia i ai, ma asiasi i foliga ma nofoaga masani. Sa ofoofogialava!
Ina ua aveesea le faatapulaa o femalagaaiga, sa ou faaaluina le fitu masina na totoe o la’u misiona i le atunuu matagofie o Ripapelika Tominika (o l’u uluai tofiga). Sa ou savalivali mo le tele o itula i auala susulu malamalama ma olaola, tautala faaSipaniolo, ’ai le anoanoai o fa’i palatana ma mago, ma aoao atu le talalelei a Iesu Keriso i nisi o tagata sili ona lotomaualalo, mālie, ma faamaoni ua ou feiloai i ai. Sa matuai ofoofogiafoi lenei mea!
E le mafai ona tutusa ni misiona se lua. E pei lava ona eseese uma i tatou, e eseese foi a tatou misiona! Pe i ai ni au fesili e uiga i misiona? E faapeī, pe faapefea ona saunia, ma e te ono auauna atu i se misiona?
F&T o le Misiona
O talavou fiailoa (e pei lava o outou!) na auina mai ia i matou a latou fesili e uiga i misiona. Sa ma talosagaina faifeautalai i le Misiona a Arisona Gilbert e tali mai ia i latou.
F: O le a le eseesega i le va o se misiona auauna atu ma se misiona e aoao atu?
T: “O faifeautalai o auaunaga ma faifeautalai e aoao atu o loo i ai se seti o tulaga faatonuina e mulimuli ai e fai ma sui o Iesu Keriso. O faifeautalai o auaunaga e masani ona nonofo faatasi ma o latou aiga ma fai ma sui o Iesu Keriso e ala i le auauna atu i o latou lava nuu. E talia tutusa e le Alii le auaunaga a faifeautalai e aoao atu ma faifeautalai o auaunaga. E tutusa lava lo latou pule ma e tutusa lo latou taua ia te Ia.”
Elder Joseph Duncan
F: E faapefea ona e vavalalata ma fiafia i lau soa pe afai e itiiti ni mea e tutusa ai oulua?
T: “Ia naunau e aoao e uiga ia i latou ma mai ia i latou. Talanoa i soo se mea ma mea uma. Fatu faatasi ni aafiaga. Tatalo mo i latou ma o latou aiga i o latou igoa.”
Sister Riley Johnson
F: E faapefea ona e taulimaina le misia o lou aiga?
T: “Ou te taulimaina le misia o lo’u aiga e ala i le faia o le galuega, alofa i tagata, ma vaai i le mamao ua ou oo i ai ma le tele o faamanuiaga ua ou maua. E lei i ai lava se taimi na sili atu ai lo’u lagonaina o le faamalieina, lagonaina le sili atu ona vaaia mai le Atua, ma maua ai le olioli sili atu nai lo la’u misiona.”
Sister Lucy Chapman
F: Na faapefea ona suia lou olaga talu ona e i ai i se misiona?
T: “Ua fesoasoani le misiona ia te au e suia ai le taulaiga o lo’u olaga. A o lei faia la’u misiona, sa na ona ou popole lava i manatu o isi e uiga ia te au. Ua aoaoina au e la’u misiona e faapea, a ou faamuamuaina le Tama Faalelagi ma Iesu Keriso, o le a pauu atu isi mea uma i le tulaga e tatau ai.”
Elder Jakob Blad
F: E faapefea ona ou saunia au lava ia e alu i se misiona?
T: “A o ou sauniuni mo la’u misiona, o se tasi o punavai sili o le malosi mo au o le auai e le aunoa i le malumalu ma faitauina le Tusi a Mamona. O le faaaluina o le taimi i le maota o le Alii o le a tuuina atu ai ia te oe le mana mai luga e alu ai ma auauna atu ma le lototoa!”
Elder Amona Runger
F: E faapefea ona e taulimaina luitau patino?
T: “Pe a ou feagai ma luitau patino, e fesoasoani ia te au le vaai i ai ma se vaaiga e faavavau. Na saunoa Peresitene Nelson, “Pe a fetaomi atu uunaiga o le olaga i ou luga, mafaufau faaselesitila!’ O le mafaufau faaselesitila e fesoasoani ia te au ia ou iloa ai e ala mai ia Iesu Keriso e mafai ona ou faatoilalo soo se luitau aua ua Ia silafia tonu lava mea o loo ou oo i ai ma e mafai ona tuu mai ia te au le malosi.”
Elder Benjamin Baker
F: O le a le vaega sili ona faigata o lau misiona?
T: “O le fetuunaiga o faamoemoega. E le o taimi uma e foliga tonu ai misiona e pei ona e faamoemoe ai, ae ua i le tulaga tonu lava lea e manaomia ona i ai i latou. O loo i ai le Atua i auiliiliga.”
Sister Taylee Martinez
F: O le a le vaega sili lelei o le i ai i se misiona?
T: “O tagata. Ona e popole le Atua i sootaga o loo i ai i lou olaga, o lea na te auina atu ai ia oe soa, isi faifeautalai, taitai misiona, tagata o le uarota, ma tagata i le auala o e o le a aoaoina oe i lesona, fesoasoani ia te oe e tuputupu ae, ma avea ma sootaga o le a e maua mo lou olaga atoa. E auina mai e le Atua ia te oe tagata e tatau ona e pa’i atu i ai, ma tagata e manaomia ona pa’i mai ia te oe.”
Sister Sarah Mueller
F: Na faapefea ona faamalosia oe e le misiona?
T: “O la’u misiona ua faamalosia ai a’u e ala i la’u sootaga ma Iesu Keriso ma le Atua le Tama. Ae ou te lei auauna atu, sa tau le mafai ona ou iloa le lagona o Lo La alofa. Talu ona avea au ma se faifeautalai, ou te vaaia i aso uma e ala i vavega, le alofa o isi, ma le mea e sili ona taua, o Iesu Keriso. Ou te le’i manatu o le a ou iloaina Lona alofa e ala i soo se auala e ese mai le auauna atu ia te Ia.”
Elder Ethan Withers
F: O le a la’u mea e fai pe afai ou te le o lagona le agavaa e alu i se misiona?
T: “E faigata i le toatele o i tatou ona lagona le agavaa moni e fai ma sui o Iesu Keriso i taimi uma o o tatou olaga. Ou te maua le faamafanafanaga i le iloaina sa Ia fa’aagavaaina i taimi uma i latou o e na lagonaina lenei lagona a o latou faia laasaga e tatau ai e faaali atu ai i le Atua o loo latou taumafai ma suia! Ua mafai ona ou lagona le agavaa a o ou oo i le mana faamalolo o le Togiola a le Faaola i lo’u olaga. Ou te iloa o le a agavaa i tatou uma pe a tatou tuu atu lo tatou faalagolago ia te Ia ma ola i Lana talalelei!”
Elder Matthew Hollingsworth
F: E faapefea ona e pulea sootaga i le fale a o e i ai i lau misiona?
T: “Ou te faaaogaina sootaga ua ou maua i le aiga e fesoasoani ai ia te au e faataunuu lo’u faamoemoega faafaifeautalai aua o nisi ia o a’u faataitaiga silisili! Ou te faia le mea sili ou te mafaia e aua nei faatagaina i latou e faalavelave ia te au ae ia faaaoga lo latou alofa, olioli, ma le lagolago e fai ai le mea sili ou te mafaia mo lo’u Faaola, o Iesu Keriso!”
Sister Kimberly Pannell
F&Faaopoopoga Faaeletonika
F: E faafia ona e feiloai/aoao tagata?
T: “O aso uma lava e te maua ai le avanoa e feiloai ai i tagata fou ma faasoa atu le alofa o Iesu Keriso mo i latou, pe o se fesootaiga i le auala po o tagata o le uarota. O se avanoa le ’au maua le avanoa e feiloai ai ma aoao mai le toatele o fanau a le Atua.”
Sister Nicole Hatch
F: O le a le umi e te i ai i le nofoaga autu mo le aoaoina o faifeautalai?
T: “O le aofaiga o le taimi e te faaaluina i le NAF o le a faalagolago lea i le mea e te sau ai ma le mea o loo e alu i ai. O le aofaiga aupito itiiti e tusa ma le 2 vaiaso ae o le aofaiga umi e tusa ma le 9 vaiaso. O le umi o le nofo ai e faailoa mai ai o le a e aoaoina se gagana fou.”
Elder Samuel Martin
F: E faapefea ona e pulea le taimi ina ia mafai ai ona kuka se taumafataga?
T: “Ou te fuafuaina au meaai mo le vaiaso i le aso o sauniuniga. Ou te faia ni meaai lelei e faigofie ma vave ona kuka. Ou te fiafia e aoao e kuka ma faataitai ni meaai fou!”
Elder Tyson Burr
F: E i ai sou taimi e faamalositino ai?
T: “I le avea ai ma faifeautalai, matou te maua ai se taimi i aso uma e faamalositino ai. O le taimi lena, e mafai ona e alu e tamoe, pe faaaoga soo se masini toleni e te ono maua pe maua foi i isi faifeautalai.”
Elder Ethan Gibson
F: O le a le umi na e faamasani ai i le i ai i se misiona?
T: “Ia te au lava ia, sa na o ni nai vaiaso na alu ai aua sa ou lafoaia o’u lava manaoga patino i le taimi lava na ou ofuina ai le pine. Sa ou vave faia le faaiuga e tuuina atu lo’u loto i le Alii ma faatagaina o Ia e liliu mai au i le tagata e finagalo o Ia ou te avea ai.”
Elder Nathan Meyers
F: Pe na e lagonaina le saunia e tuua lou aiga ma uo ae e te lei alu i lau misiona?
T: “Sa ou manao e alu i se misiona mo se taimi umi lava, ae sa ou iloaina e tele mea o le a ou misia. A o ou tuuina lo’u faatuatua ia Iesu Keriso, ma pipiimau i a’u feagaiga o le malumalu, aemaise lava le tulafono o le faapaiaga, ua ou vaaia le tele o mea ua teuina e le Alii mo au.”
Sister Elanor Eden Van Slyke
F: Na faapefea ona e iloa sa e manao e auauna atu?
T: Sa ou filifili ao i ai i lo’u taimi i le Peraimeri o le a ou auauna atu i se misiona! I le aluga o lo’u talavou sa tele ni aafiaga faaleagaga na ou maua lea na faamautu ai e tatau ona ou alu e ta’u atu i isi e uiga i lenei talalelei!
Elder Carter Seeman
F: E i ai se mea e te fai atu ai i le mea e te alu i ai?
T: O le mea moni lava, e pule lava le Alii. E leai sou manatu i le mea e te alu i ai. O le mea e te alu i ai o le mea lea e manaomia e le Alii e te i ai, ma e manaomia e Ia ou uiga faaletagata ma po o ai tonu lava oe iina i lena misiona.
Elder Denis McLaughlin