Fesoasoani a le Atua i le Alofa i Lo’u Tuagane

Jesse S., 16 tausaga, Minnesota, ISA

E fiafia e tietie solofanua, ta piano ma kitara, faasee i le aisa, ma tamoe i le auala ma tuuga i le atunuu atoa.

E fai si faigatā o le ma mafutaga ma lo’u tuagane o Mikaele. O mea masani a le tuagane ma le tuafafine, e pei o le faatiga o le isi i le tasi. Ae sa ou tatalo i le Atua mo ni nai vaiaso e faamanuia ia Mikaele ma fesoasoani mai ia te au e alofa ia te ia ma agalelei ia te ia.

Ona oo lea i se tasi Aso Sa i le sauniga faamanatuga, sa i ai lo’u tuagane i le laulau faamanatuga ina ia mafai ona ia faamanuia le falaoa. A o tufaina mai le falaoa, sa ou faia se isi tatalo laitiiti i lo’u mafaufau: “Le Alii e, faamolemole ia faamanuia lo’u tuagane o Mikaele ia maua le fiafia.”

I lena taimi, sa ou lagonaina ai lenei lagona tele o le alofa mo lo’u tuagane, ma sa ou iloa ai le alofa tele o le Atua ia te ia. Sa filemu ma migao le lagona, ae sa matuai mamana lava ia te au.

Ina ua uma le faamanatuga, sa sau Mikaele ma nofo i lalo. Sa matuai faigata lava, ae sa ou liliu atu ia te ia ma ta’u atu ia te ia e alofa le Atua ia te ia.

Ua ou lagonaina le alofa o le Atua mo tagata o loo siomia ai au, ma ua ou lagonaina lava mo au lava ia. Ou te iloa e alofa foi o Ia ia te oe.