Malakas-ang-Loob sa Primary

Ni Rebekah Jakeman

Isang kuwento sa tunay na buhay mula sa Austria.

Natatakot si Emily na mag-isang magpunta sa Primary. Hiniling niya kay Inay na samahan siya.

“Pumupunta ako sa klase ko at natututuhan ko kung paano ako matutulungan ni Jesus,” sabi ni Inay.

“At makakapunta ka sa Primary at malalaman mo kung paano ka matutulungan ni Jesus.”

Niyakap ni Inay si Emily. “Matutulungan tayo ni Jesus, kahit mahirap ito.”

Hinatid ni Inay si Emily sa Primary at kumaway para magpaalam.

Natutuhan nila ang isang kanta tungkol kay Jesus. Gusto ni Emily ang musika. Nadarama niyang ligtas siya at masaya siya.

Wala si Inay sa Primary. Pero tinutulungan ni Jesus si Emily na maging malakasang-loob!