« ការកសាងទីក្រុងណៅវូ » ប្រិយមិត្ត ខែកញ្ញា ឆ្នាំ២០២៥ ទំព័រ ២៦–២៨ ។
ដំណើររឿងព្រះគម្ពីរ
ការកសាងទីក្រុងណៅវូ
ព្រះអម្ចាស់មានបន្ទូលប្រាប់ពួកបរិសុទ្ធឲ្យប្រមូលផ្តុំគ្នានៅកន្លែងថ្មីមួយ ។ វានៅក្បែរទន្លេធំមួយ ដែលជាកន្លែងដែលមានដីសើម និងភក់ ។ វាដូចជាមិនមែនជាកន្លែងល្អដើម្បីកសាងទីក្រុងមួយនោះទេ ។ ប៉ុន្តែព្យាការី យ៉ូសែប ស្ម៊ីធ បានដឹងថា ដោយមានជំនួយពីព្រះអម្ចាស់ ពួកគេអាចធ្វើឲ្យវាស្រស់ស្អាតបាន ។
ពួកបរិសុទ្ធបានធ្វើការយ៉ាងស្វិតស្វាញដើម្បីធ្វើឲ្យវាក្លាយជាកន្លែងរស់នៅដ៏ល្អ ។ យ៉ូសែប បានហៅទីក្រុងនេះថា ណៅវូ ដែលមានន័យថា « កន្លែងដ៏ស្រស់ស្អាតមួយ » ។
ព្រះអម្ចាស់ចង់ឲ្យពួកបរិសុទ្ធរបស់ទ្រង់សាងសង់ព្រះវិហារបរិសុទ្ធមួយនៅទីក្រុងណៅវូ ។ ប្រជាជនបានចាប់ផ្តើមធ្វើការយ៉ាងឆាប់រហ័ស ។
ព្រះអម្ចាស់មានពរជ័យដ៏អស្ចារ្យដើម្បីប្រទានដល់រាស្រ្តរបស់ទ្រង់ ។ នៅក្នុងព្រះវិហារបរិសុទ្ធ ពួកគេនឹងចុះសេចក្តីសញ្ញា ឬការសន្យាពិសេសជាមួយនឹងព្រះអម្ចាស់ ។ ពួកគេក៏នឹងរៀនអំពីផែនការនៃសុភមង្គលរបស់ព្រះវរបិតាសួគ៌សម្រាប់បុត្រាបុត្រីទាំងអស់របស់ទ្រង់ផងដែរ ។
ពួកបរិសុទ្ធបានខិតខំប្រឹងប្រែងដើម្បីសាងសង់ព្រះវិហារបរិសុទ្ធមួយឡើង ។ វាបានចំណាយពេលយូរ ប៉ុន្តែពួកគេរំភើបក្នុងការរៀនសូត្រអំពីការសន្យាពិសេសដែលព្រះអម្ចាស់មានសម្រាប់ពួកគេនៅក្នុងព្រះវិហារបរិសុទ្ធរបស់ទ្រង់ ។