« ដោយសារតែព្រះវិហារបរិសុទ្ធ » ប្រិយមិត្ត ខែកញ្ញា ឆ្នាំ២០២៥ ទំព័រ ៣០–៣១ ។
អ្នកត្រួសត្រាយផ្លូវនៅគ្រប់ដែនដី
ដោយសារតែ ព្រះវិហារបរិសុទ្ធ
ដំណើររឿងពិតមកពីវ៉ានូអាទូ
« ពួកអ្នកផ្សព្វផ្សាយសាសនាមកដល់ហើយ ! » ហ្គា្រហាំ បានហៅ ។ គាត់បានបក់ដៃហៅពួកអ្នកផ្សព្វផ្សាយសាសនានៅពេលដែលពួកគេដើរឆ្ពោះទៅផ្ទះរបស់ពួកគេ ។
ម្តាយ ឪពុក និងបងប្រុសរបស់ ហ្គា្រហាំ ឈ្មោះនូនូ បានទទួលបុណ្យជ្រមុជទឹកកាលពីឆ្នាំមុន ។ ហ្គា្រហាំ និងប្អូនប្រុសរបស់គាត់ ឈ្មោះ យ៉ូប នៅក្មេងពេកមិនអាចទទួលបុណ្យជ្រមុជទឹកបាននៅឡើយ ។ ប៉ុន្តែពួកគេនៅតែចូលចិត្តរៀនពីពួកអ្នកផ្សព្វផ្សាយសាសនា ។
អែលឌើរ ហេល បាន និយាយថា « ថ្ងៃនេះយើងចង់និយាយអំពីព្រះវិហារបរិសុទ្ធ » ។ « វាគឺជាដ៏អគារពិសេសមួយដែលអ្នកអាចធ្វើការសន្យាជាមួយនឹងព្រះ ហើយនិងបានផ្សារភ្ជាប់នឹងគ្រួសាររបស់អ្នកបាន ។ នោះមានន័យថា យើងអាចរស់នៅជាមួយគ្នាជានិរន្តរ » ។
« ព្រះវិហារបរិសុទ្ធមួយដែលនៅជិតបំផុតគឺ នៅក្នុងប្រទេសនូវែលសេឡង់ » ។ អែលឌើរ ស៊ីង បានលើករូបភាពនៃអគារពណ៌សដ៏ស្រស់ស្អាតមួយឡើង ។ « ការធ្វើដំណើរគឺឆ្ងាយ ។ ប៉ុន្តែពរជ័យដែលទទួលបានគឺស័ក្ដិសមនឹងតម្លៃណាស់ » ។
ម្តាយបាននិយាយថា « ពួកយើងចង់ទៅ » ។
ឪពុកម្តាយរបស់ ហ្គា្រហាំ បានរៀបចំផែនការធ្វើដំណើរទៅព្រះវិហារបរិសុទ្ធរបស់ពួកគេជាមួយគ្រួសារផ្សេងទៀតពីព្រះវិហារ ។ ពួកគេនឹងក្លាយជាគ្រួសារពីរដំបូងគេមកពីប្រទេសវ៉ានូទូ ដែលចូលទៅក្នុងព្រះវិហារបរិសុទ្ធ !
ប៉ុន្មានខែក្រោយមក ពួកគេដល់ថ្ងៃត្រូវធ្វើដំណើរ ។ វាជាការជិះយន្ដហោះលើកដំបូងរបស់ហ្រ្គាហាំ ហើយវាសប្បាយណាស់ ។ គាត់បានសម្លឹងមើលពពក និងមហាសមុទ្រនៅខាងក្រោមពួកគេ ។ គាត់បាននឹកស្រមៃពីអគារពណ៌សខ្ពស់នៅក្នុងចិត្តរបស់គាត់ ។ គាត់ទន្ទឹងរង់ចាំដើម្បីឃើញព្រះវិហារបរិសុទ្ធ !
នៅពេលដែលពួកគេចុះចត ពួកគេបានចូលទៅជិះឡានក្រុង ។ ផ្លូវរលាក់ណាស់ ហើយ ហ្គា្រហាំ អស់កម្លាំងខ្លាំង ។ ប៉ុន្តែពួកគេជិតទៅដល់នៅទីនោះហើយ ។
« មើលន៏ ! » ហ្គា្រហាំ ចង្អុលទៅក្រៅបង្អួច ។ ព្រះវិហារបរិសុទ្ធនៅទីនោះ ! វាស្រស់ស្អាតជាងរូបថតទៅទៀត ។
នៅខាងក្នុងព្រះវិហារបរិសុទ្ធ វាមានភាពស្ងប់ស្ងាត់ និងភាពសុខសាន្ត ។ ពួកគេស្លៀកពាក់ពណ៌សទាំងអស់គ្នា ។ ហ្គា្រហាំ និងបងប្អូនប្រុសរបស់គាត់អង្គុយនៅក្នុងបន្ទប់រង់ចាំមួយសន្ទុះ ហើយមើលរូបភាពរបស់ព្រះយេស៊ូវគ្រីស្ទ ។
បន្ទាប់មកអ្នកធ្វើការក្នុងព្រះវិហារបរិសុទ្ធម្នាក់បាននាំពួកគេទៅកាន់បន្ទប់ផ្សារភ្ជាប់ ។ ឪពុកម្តាយរបស់ ហ្គា្រហាំ បានលុតជង្គង់នៅក្បែរអាសនៈមួយដែលគ្របដោយក្រណាត់ទន់ៗ ។ ពួកគាត់មើលទៅរីករាយណាស់ !
ហ្គា្រហាំ និងបងប្អូនប្រុសរបស់គាត់បានលុតជង្គង់នៅក្បែរម៉ាក់ និងប៉ា ។ ពួកគេបានសម្លឹងមើលទៅកញ្ចក់ធំខ្ពស់មួយនៅលើជញ្ជាំង ។ រូបរបស់ពួកគេនៅក្នុងកញ្ចក់របស់ពួកគេមានបន្តគ្នាឥតឈប់ ។
អ្នកធ្វើការក្នុងព្រះវិហារបរិសុទ្ធបាននិយាយថា « កញ្ចក់គឺដើម្បីរំឭកយើងថាយើងអាចនៅជាមួយគ្នាជារៀងរហូតបាន » ។
ហ្គា្រហាំមានអារម្មណ៍សប្បាយរីករាយ និងមានសុវត្ថិភាព ។ វាមានអារម្មណ៍ហាក់បីដូចជាព្រះអង្គ សង្រ្គោះកំពុងឱបគាត់យ៉ាងណែនអ៊ីចឹង ។
មិនយូរប៉ុន្មានក៏ដល់ពេលទៅផ្ទះវិញ ។ នៅលើឡានក្រុង និងនៅលើយន្តហោះ ហ្រ្គាហាំបានបន្តគិតពីអារម្មណ៍ពិសេសនេះដែលគាត់មាននៅក្នុងព្រះវិហារបរិសុទ្ធ ។
ប៉ុន្មានថ្ងៃក្រោយមក មានព្យុះខ្យល់ធំមួយបានមកដល់ ។ ដើមត្នោតមើលទៅហាក់ដូចជាចង់បាក់ជាពីរ !
ហ្គ្រាហាំភ័យណាស់ ។ « តើយើងនឹងមិនអីទេមែនទេ ? »
ប៉ាបាននិយាយថា « វាមិនអីទេ » ។ « ប៉ុន្តែខ្យល់ទាំងនេះគឺបក់បោកខ្លាំងណាស់ ។ ពួកអ្នកផ្សព្វផ្សាយសាសនាបាននិយាយថា ត្រូវប្រមូលផ្តុំគ្នានៅក្នុងអគារព្រះវិហាររហូតដល់ព្យុះបានឈប់ » ។
ហ្រ្គាហាំបានជួយម្តាយយកអាហារ និងភួយមួយចំនួនទៅកាន់ព្រះវិហារ ។ ខ្យល់បានបក់ខ្លាំងណាស់ !
នៅខាងក្នុង ហ្រ្គាហាំ មានអារម្មណ៍ល្អប្រសើរបន្តិច ។ មិត្តភក្តិទាំងអស់មកពីព្រះវិហាររបស់ពួកគេនៅទីនោះផងដែរ ។ ប៉ុន្តែគាត់នៅតែអាចឮ សំឡេងខ្យល់បក់ខ្លាំង ។
« ចុះផ្ទះរបស់យើងវិញនោះ ? » ហ្គា្រហាំបានសួរ ។
« យើងនឹងត្រូវរង់ចាំរហូតដល់ព្យុះបាត់ទៅដើម្បីទៅមើល » ។ ម៉ាក់បានឱបគាត់ ។ « អ្វីដែលសំខាន់បំផុតគឺគ្រួសាររបស់យើងមានសុវត្ថិភាព ។ តើកូនចងចាំពីអារម្មណ៍ដែលកូនមាននៅក្នុងព្រះវិហារបរិសុទ្ធទេ ?
ហ្គា្រហាំងក់ក្បាល ។ « កូនមានអារម្មណ៍កក់ក្តៅ និងមានសុវត្ថិភាព » ។
ប៉ាបានញញឹម ។ « ហើយដោយសារតែព្រះយេស៊ូវគ្រីស្ទ និងពិធីផ្សារភ្ជាប់ក្នុងព្រះវិហារបរិសុទ្ធរបស់យើង នោះយើងអាចនៅជាមួយគ្នាជារៀងរហូត » ។
ហ្គ្រាហាំបានគិតអំពីភាពកក់ក្តៅ អារម្មណ៍សុខសាន្ត ដែលគាត់បានទទួលនៅក្នុងព្រះវិហារបរិសុទ្ធ ។ ប៉ានិយាយត្រូវ ។ ដោយសារតែព្រះយេស៊ូវគ្រីស្ទ និងសេចក្តីសញ្ញាក្នុងព្រះវិហារបរិសុទ្ធ នោះពួកគេអាចក្លាយជាគ្រួសារជារៀងរហូត ។ ហើយដោយសារតែគាត់បានដឹងការណ៍នេះ អ្វីៗគ្រប់យ៉ាងពិតជានឹងមិនអីនោះទេ ។
រូបភាពដោយ អេដ្វោឌូ ម៉ាទីខូរេណា