« ទីបន្ទាល់អំពីតន្ត្រីរបស់ខ្ញុំ » ប្រិយមិត្ត ខែកញ្ញា ឆ្នាំ២០២៥ ទំព័រ ១៩ ។
សំណេរដោយប្អូនៗ
ទីបន្ទាល់អំពីតន្ត្រីរបស់ខ្ញុំ
នៅក្នុងប្រទេសរបស់ខ្ញុំ មនុស្សភាគច្រើនកាន់សាសនាកាតូលិក ។ ខ្ញុំទៅរៀននៅសាលាកាតូលិកមួយ ។
នៅពេលខ្ញុំនៅថ្នាក់ទីពីរ គ្រូបង្រៀនរបស់ខ្ញុំបានលេងតន្ត្រីខណៈពេលដែលយើងធ្វើការលើសកម្មភាពរបស់យើងសម្រាប់ថ្ងៃនោះ ។ មានរសៀលមួយ គាត់បានសួរថា តើមាននរណាម្នាក់ចង់ជ្រើសរើសបទចម្រៀងដើម្បីស្តាប់ទេ ។ ខ្ញុំឈានចូលដល់អាយុប្រាំបីឆ្នាំក្នុងឆ្នាំនោះ ហើយកំពុងរៀបចំខ្លួនសម្រាប់ពិធីបុណ្យជ្រមុជទឹករបស់ខ្ញុំ ។ ទំនុកច្រៀង « ខ្ញុំចូលចិត្តរកមើលឥន្ទនូ » បានចូលមកក្នុងគំនិតរបស់ខ្ញុំ ។ ខ្ញុំបានស្នើសុំគ្រូបង្រៀនរបស់ខ្ញុំឲ្យលេងបទចម្រៀង « ពេលខ្ញុំបានជ្រមុជទឹក » មកពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ គ្រូបង្រៀនរបស់ខ្ញុំបានយល់ព្រម និងបានរកមើលបទនោះ ។
មិនយូរប៉ុន្មានបទចម្រៀងនេះបានលេងឲ្យអ្នករាល់គ្នានៅក្នុងថ្នាក់រៀនរបស់ខ្ញុំស្តាប់ ។ ពីដំបូង មិត្តរួមថ្នាក់របស់ខ្ញុំខ្លះមើលមកខ្ញុំយ៉ាងចម្លែក ប៉ុន្តែក្រោយមកខ្ញុំអាចទទួលអារម្មណ៍ពីព្រះវិញ្ញាណបរិសុទ្ធក្នុងចិត្តរបស់ខ្ញុំ ។ វាបានធ្វើឲ្យខ្ញុំពេញដោយភាពសុខសាន្ត ។
ថ្ងៃនោះនៅពេលដែលខ្ញុំចាកចេញពីសាលារៀន ខ្ញុំមានអារម្មណ៍សប្បាយរីករាយណាស់ ដែលខ្ញុំបានចែកចាយដំណឹងល្អជាមួយមិត្តរួមថ្នាក់របស់ខ្ញុំតាមរយៈបទចម្រៀងអង្គការបឋមសិក្សាដែលខ្ញុំចូលចិត្ត ។ ខ្ញុំគិតថាវាជាវិធីដ៏ល្អក្នុងការរៀបចំខ្លួនខ្ញុំដើម្បីអញ្ជើញមិត្តភក្តិរបស់ខ្ញុំឲ្យចូលរួមពិធីបុណ្យជ្រមុជទឹករបស់ខ្ញុំ ។
រចនាដោយ ស៊ីមីនី ប្លកឃើរ