« សកម្មភាព ចូរមកតាមខ្ញុំ » ប្រិយមិត្ត ខែកញ្ញា ឆ្នាំ២០២៥ ទំព័រ ២២–២៣ ។
សកម្មភាព ចូរមកតាមខ្ញុំ
ថ្ងៃទី១–៧ ខែកញ្ញា ៖ គោលលទ្ធិ និងសេចក្ដីសញ្ញា ៩៤–៩៧
កសាងព្រះវិហារបរិសុទ្ធមួយ
ព្រះវិហារបរិសុទ្ធគឺជាកន្លែងដែលព្រះអាចប្រទានពរដល់យើង ( សូមមើល គោលលទ្ធិ និងសេចក្ដីសញ្ញា ៩៥:៨ ) ។ សាងសង់ព្រះវិហារបរិសុទ្ធផ្ទាល់ខ្លួនរបស់ប្អូនដោយប្រើដុំស្ករ ឬរបស់ពីធម្មជាតិ ! បន្ទាប់មកសូមផ្ញើរូបព្រះវិហារបរិសុទ្ធរបស់ប្អូនមកកាន់ពួកយើង ! សូមបើកទៅ ក្របខាងក្រោយ ដើម្បីដឹងអំពីរបៀបផ្ញើ ។
ថ្ងៃទី៨–១៤ ខែកញ្ញា ៖ គោលលទ្ធិ និងសេចក្ដីសញ្ញា ៩៨–១០១
ចូរបង្អង់សិន
បទគម្ពីរបង្រៀនថា « ចូរបង្អង់សិន ឲ្យបានដឹងថាយើងជាព្រះ » ( គោលលទ្ធិ និងសេចក្តីសញ្ញា ១០១:១៦ ) ។ នោះមានន័យថា នៅពេលដែលយើងចំណាយពេលដើម្បីមានគារវភាព យើងអាចមានអារម្មណ៍ជិតស្និទ្ធជាមួយនឹងព្រះវរបិតាសួគ៌ ។ លេងហ្គេមនេះអំពីការនៅស្ងៀម ។ បុគ្គលម្នាក់រត់ ហើយព្យាយាមចាប់អ្នកផ្សេងទៀត ។ នៅពេលនរណាម្នាក់ត្រូវគេចាប់បាន នោះពួកគេឈរនៅឲ្យស្ងៀមកុំរើ ។ មុនពេលពួកគេអាចរត់ម្តងទៀតបាន ពួកគេនិយាយរឿងមួយដែលពួកគេដឹងអំពីព្រះវរបិតាសួគ៌ ។
ថ្ងៃទី១៥–២១ ខែកញ្ញា ៖ គោលលទ្ធិ និងសេចក្ដីសញ្ញា ១០២–១០៥
សិប្បកម្មទៀន
យើងអាចក្លាយជាពន្លឺសម្រាប់អ្នកដទៃបានដោយការធ្វើតាមគំរូរបស់ព្រះយេស៊ូវគ្រីស្ទ និងការបម្រើដល់អ្នកដទៃ ( សូមមើលគោលលទ្ធិ និងសេចក្ដីសញ្ញា ១០៣:៩ ) ។ បើកទៅ ទំព័រ ១៣ ដើម្បីធ្វើសិប្បកម្មទៀនដោយខ្លួនឯង !
ថ្ងៃទី២២–២៨ ខែកញ្ញា ៖ គោលលទ្ធិ និងសេចក្ដីសញ្ញា ១០៦–១០៨
សកម្មភាពនានា នៃសន្និសីទ
វាជារឿងសំខាន់ណាស់ក្នុងការស្តាប់ព្យាការី និងពួកសាវករបស់ព្រះ ( សូមមើល គោលលទ្ធិ និងសេចក្ដីសញ្ញា ១០៧:២២–២៣ ) ។ សូមអានដំណើររឿងនៅលើ ទំព័រ ៤ អំពីការទទួលបានចម្លើយមកពីសន្និសីទទូទៅ ។ សរសេរសំណួរមួយចំនួនរបស់ប្អូនផ្ទាល់នៅលើ ទំព័រ ៦ ។ ប្អូននឹងរកឃើញសកម្មភាពដែលអ្នកអាចធ្វើបានខណៈពេលអ្នកកំពុងស្តាប់សន្និសីទបានផងដែរ ។
រូបថតដោយ គ្រីស្ទីណា ស្ម៊ីធ