ការលេងជាមួយគ្នា

ដោយ ជេន ម៉ាកប្រាយដ៍

ដំណើររឿងពិតមកពី ស.រ.អា. ។

ឌៀអេហ្គោបានមានអារម្មណ៍ឯកោ ។ គ្រួសាររបស់គាត់បានផ្លាស់ទៅរស់នៅកន្លែងថ្មី ។ គាត់នឹកមិត្តភក្តិនៅជិតផ្ទះចាស់របស់គាត់ ។

ក្មេងប្រុសម្នាក់មើលទៅសោកសៅ ពេលគាត់លេងជាមួយប្អូនស្រីរបស់គាត់

ឥឡូវនេះ ឌៀអេហ្គោលេងជាមួយប្អូនស្រីតូចរបស់គាត់ឈ្មោះខារ៉ា ។ ប៉ុន្តែគាត់ក៏ចង់បានមិត្តថ្មីផងដែរ ។

បុរស និងស្ត្រីម្នាក់ណែនាំកូនប្រុសរបស់ពួកគេឲ្យស្គាល់គ្នាទៅវិញទៅមក

មិនយូរប៉ុន្មានមានគ្រួសារមួយបានផ្លាស់មកនៅក្បែរផ្ទះគាត់ ។ ពួកគេមានកូនប្រុសតូចមួយដូចគាត់អ៊ីចឹង ! គាត់ឈ្មោះសាម ។

ឌៀអេហ្គោ និងសាមលេងជាមួយគ្នាជារៀងរាល់ថ្ងៃ ។

ក្មេងប្រុសម្នាក់កំពុងលេងជាមួយរថភ្លើង ក្មេងប្រុសម្នាក់កំពុងលួងប្អូនស្រីកំពុងយំ

ថ្ងៃមួយខណៈពេលដែលពួកគេកំពុងលេង ឌៀអេហ្គោបានឃើញថា ខារ៉ាមានការសោកសៅ ។ ប្រហែលជានាងក៏ឯកោដែរមើលទៅ ។

ក្មេងប្រុសកំពុងញញឹម និងក្មេងស្រីដែលរីករាយកំពុងត្រដាងដៃ

« តើឯងចង់លេងជាមួយយើងដែរទេ ? » ឌៀអេហ្គោបានសួរ ។

ខារ៉ា បានញញឹមយ៉ាងខ្លាំង ។ « លេង ! »

ក្មេងប្រុសពីរនាក់ និងក្មេងស្រីម្នាក់លេងរថភ្លើងជាមួយគ្នា

ឌៀអេហ្គោ សាម និង ខារ៉ា បានលេងរថភ្លើងជាមួយគ្នា ។ ពួកគេបានរុញរថភ្លើងទៅវិញទៅមក ។ « ចូ-ចូ ! » ឌៀអេហ្គោ បានញញឹម ។ គាត់កំពុងសប្បាយរីករាយ ហើយខារ៉ាក៏ដូចគ្នា !