« ព្រះចេស្តារបស់ព្រះគឺជាអំណោយមួយ ! » ប្រិយមិត្ត ខែកញ្ញា ឆ្នាំ២០២៥ ទំព័រ ២០–២១ ។
ព្រះចេស្តារបស់ព្រះគឺជាអំណោយមួយ !
កែសម្រួលពី « រស់នៅឲ្យស្របតាមអភ័យឯកសិទ្ធិរបស់ក្មួយៗ » លីអាហូណា ខែវិច្ឆិកា ឆ្នាំ២០២៤ ទំព័រ ៧–១០ ។
ថ្មីៗនេះខ្ញុំបានទៅលេង ភូមិហាម៉ូនី រដ្ធផែនសិលវែនញៀរ ស.រ.អា ។ នៅទីនោះនៅក្រោមដើមម៉េផល បព្វជិតភាពត្រូវបានស្ដារឡើងវិញដល់ យ៉ូសែប ស៊្មីធ និង អូលីវើរ ខៅឌើរី ។ ខ្ញុំក៏បានទៅដល់ផ្ទះដែល យ៉ូសែប និង អិមម៉ា ស្ម៊ីធ បានរស់នៅផងដែរ ។ នៅខាងក្នុង ខ្ញុំបានឈរនៅបង្អួចហើយឆ្ងល់ថាតើ អិមម៉ា គិតអ្វីខ្លះនៅពេលដែលនាងមើលតាមបង្អួចនេះ ។
ព្រះអម្ចាស់បានប្រទានឲ្យ អិមម៉ា នូវសារលិខិតដ៏សំខាន់មួយតាមរយៈព្យាការីរបស់ទ្រង់ យ៉ូសែប ។ យើងអាចអានសារលិខិតនេះនៅក្នុង គោលលទ្ធិ និងសេចក្ដីសញ្ញា ២៥ ។
ទីមួយ ព្រះអម្ចាស់បានបង្រៀន អិមម៉ា ថានាងមានកន្លែងមួយនៅក្នុងផែនការរបស់ទ្រង់ ។ ទ្រង់បានរំឭកនាងថា នាងគឺជាបុត្រីមួយរូបនៅក្នុងនគររបស់ទ្រង់ ។
ទីពីរ ព្រះអម្ចាស់បានប្រទានឲ្យនាងនូវគោលបំណងមួយ ។ អិមម៉ា បានដើរតួជាផ្នែកមួយដ៏សំខាន់នៃការស្តារឡើងវិញនេះ ។ នាងត្រូវបានគេស្នើសុំឲ្យបង្រៀនបទគម្ពីរ និងបង្កើតសៀវភៅទំនុកតម្កើងដំបូងគេឡើង !
ចុងក្រោយ ព្រះអម្ចាស់បានបង្រៀនអិមម៉ា អំពីសេចក្តីសញ្ញារបស់គាត់ ។ ការរក្សាសេចក្តីសញ្ញានឹងជួយគាត់ទទួលអារម្មណ៍ពីព្រះវិញ្ញាណ ប្រែក្លាយកាន់តែប្រសើរ និងទទួលបានការណែនាំសម្រាប់ជីវិតរបស់គាត់ ។
ក្តីសង្ឃឹមរបស់ខ្ញុំគឺថា ប្អូនៗនឹងរៀនពីរបៀបដែលពិធីបរិសុទ្ធនៃបព្វជិតភាព និងការសន្យានៃសេចក្តីសញ្ញាទាំងឡាយនឹងអនុញ្ញាតឲ្យព្រះចេស្តារបស់ព្រះចូលទៅក្នុងជីវិតរបស់ប្អូនៗ ។ យើងទាំងអស់គ្នាមានសិទ្ធិទទួលបានអំណោយទាននៃព្រះចេស្ដារបស់ព្រះ ។ រាល់ពេលដែលយើងទទួលទានសាក្រាម៉ង់ ។ រាល់ពេលដែលយើងចូលទៅក្នុងព្រះវិហារបរិសុទ្ធ ។
ល្បែងបោះបាល់តាមតន្រ្តី
អិមម៉ា ស្ម៊ីធ ត្រូវបានគេស្នើសុំឲ្យបង្កើតសៀវភៅទំនុកតម្កើងដំបូង ។ យើងនៅតែច្រៀងទំនុកតម្កើងសព្វថ្ងៃនេះ ! ប្ដូរវេនគ្នាបោះកាក់ ឬរបស់តូចៗផ្សេងទៀតទៅលើក្តារ ។ នៅពេលដែលវាចំនៅលើរូបភាពមួយ សូមគិតពីបទចម្រៀងមួយអំពីប្រធានបទនោះ ។ បន្ទាប់មកច្រៀងចម្រៀងនោះជាមួយគ្នា !
រចនារូបភាពដោយ ឆ័រណា ជេ ស៊ី ធេននី