Aking mga Salita sa Ebanghelyo

Ang kautusan ay isang bagay na ipinagagawa sa atin ng Ama sa Langit dahil mahal Niya tayo. Ang mga kautusan ay mga tagubiling ibinibigay Niya sa atin upang maging masaya tayo at makabalik sa Kanya balang-araw. Pinagpapala tayo kapag sumusunod tayo sa Kanyang mga utos.

Sa pamamagitan ng Espiritu Santo, binibigyan ng Ama sa Langit ang bawat isa sa atin ng mga espirituwal na kaloob para pagpalain ang iba. Hindi lahat ay magkakapareho ng mga kaloob, pero lahat ay may espirituwal na kaloob mula sa Diyos. Mababasa mo ang ilan sa mga kaloob na ito sa Doktrina at mga Tipan 46:11–26.

Ang patotoo ay ang pinaniniwalaan o alam mong totoo tungkol sa Ama sa Langit, kay Jesucristo, at sa Kanilang ebanghelyo.

Dahil sa Pagbabayad-sala at Pagkabuhay na Mag-uli ni Jesucristo, maaari tayong magkaroon ng buhay na walang hanggan, na nangangahulugang mabubuhay tayo magpakailanman sa piling ng Ama sa Langit, ni Jesus, at ng ating pamilya.