“Faaopoopoga: Mataupu Faavae e Tusi ai se Suesuega Aoga,” Faamalologa e ala i le Faaola: O Le Polokalama o le Toe Faaleleia Mai Mea ua Fai ma Vaisu Taiala e 12-Laasaga o le Toe Faaleleia (2023)
“Mataupu Faavae e Tusi ai se Suesuega Aoga,” O Le Polokalama o le Toe Faaleleia Mai Mea ua Fai ma Vaisu Taiala e 12-Laasaga o le Toe Faaleleia
Mataupu Faavae e Tusi ai se Suesuega Aoga
Pe a amata le laasaga 4, e taua le iloa e leai se auala sa’o e faia ai lenei suesuega. O se suesuega o se faagasologa e patino tele. E toatele tagata e lotovaivai pe le fiafia i le taumafai e fuafua pe faapefea ona fatu se suesuega, ae matou te uunaia oe e amata, e tusa lava pe o lona uiga o le tusia i lalo o se lisi o mea na tutupu.
E tatau ona tatou sailia le taitaiga a le Alii. O le a fesoasoani o Ia ia i tatou ia faamaoni ma alolofa a o tatou faavasegaina o tatou manatuaga ma lagona ma faatautaia se suesuega faamaoni o le tagata lava ia. E mafai foi ona tatou feutagai ma a tatou tagata lagolago po o isi ua uma ona faia se suesuega. O le a latou fesoasoani iā i tatou e iloa ai le auala sili e faaauau ai.
O le faamoemoega o le suesuega o le fesoasoani lea ia i tatou ia faasa’o mea ma le Atua, i tatou lava, ma isi. O le suesuega tatou te maua ai se avanoa e toe laa ai i tua ma vaai i o tatou olaga. A o tatou faia, tatou te vaaia mamanu i auala na tatou tali atu ai i o tatou aafiaga i le olaga, faailoaina o faaletonu o uiga ma amioga mama. O nisi nei o mataupu faavae faigofie o le a fesoasoani ia i tatou e amata ai a tatou suesuega.
A. Saunia e Fai a Tatou Suesuega
A o amata a tatou suesuega, e taua le faaauau pea ona galulue faatasi ma a tatou tagata lagolago. E fesoasoani le au lagolago ia i tatou e galueaiina lelei lenei laasaga. E masani lava o le faatonuga muamua lava e tuuina mai e le au lagolago o le amata lea o vaega uma o le suesuega i le tatalo ma ole atu i le Atua e taitai i tatou i le upumoni. E mafai ona tatou faatuatuaina uunaiga ma mafaufauga e oo mai ia i tatou.
O le a fesoasoani foi le tatalo ia i tatou e faatumau ai le faamoemoe i le faagasologa atoa. Sa matou feagai uma lava ma le galuega lofituina e tasi ma le tauiviga lava e tasi o le matuai faamaoni. Matou te molimau atu o lenei faagasologa o le ala mautinoa lea ua toe taitai atu ai i matou i se sootaga faamaoni ma le olioli ma i matou lava, isi, ma le Atua.
E. Tusi a Tatou Suesuega
O le a sili atu ona aoga ia suesuega o o tatou olaga pe afai tatou te tusiaina. E mafai ona tatou uuina se lisi tusitusia i o tatou lima, toe iloilo, ma faasino i ai pe a manaomia. E faigofie ona galo mafaufauga e le’i tusia. A o tatou tusia a tatou suesuega, o le a mafai ona tatou mafaufau manino atili e uiga i mea na tutupu i o tatou olaga ma taulai atu i ai ma le faaitiitia o faalavefau.
O nisi o i tatou e mumusu e tusi a tatou suesuega ona tatou te lagona le maasiasi pe fefefe i o tatou tomai tusitusi po o se isi tagata e faitauina mea ua tatou tusia. Ae tatou te le faatagaina nei taufaafefe e taofi i tatou. E le afaina lau sipela, kalama, tusitusi, po o le tomai faalomitusi.
I. Faailoa Mea Autu na Tutupu
Tatou te tusitusi e uiga i taimi autu i o tatou olaga na aafia ai i tatou. A o tatou galulue i a tatou suesuega, tatou te vaavaai i tala atu o mea na tutupu ma iloilo o tatou mafaufauga, lagona, ma talitonuga. O faapogai moni nei o a tatou amioga ua fai ma vaisu. Ua tatou iloa ai ina ia faamaloloina atoatoa ma toe faaleleia, e manaomia ona tatou iloiloina lo tatou fefe, faamaualuga, faatautee, ita, loto faapito, ma le alofa ia i tatou lava.
O nisi taimi tatou te lagona ai le lofituina i le taumafai e filifili po o le a le mea e tusi muamua. O nisi tagata e latou te faavasegaina o latou olaga e tusa ai ma tausaga, tausaga i le aoga, nofoaga sa nonofo ai, po o mafutaga. O isi e amata i manatu palepalealuga. Masalo tatou te le manatuaina mea uma i le taimi e tasi. E tatau ona tatou faaauau pea ona tatalo ma faataga le Alii e aumaia mea ia tatou manatua. Tatou te tuua lenei faagasologa e le faamutaina ma faaopoopo i a tatou suesuega a o tatou manatuaina aafiaga ma tulaga.
Tatou te iloa o nisi o manatuaga e ono faaseseina ma femilosa’i ona o le aafiaga loloto o le taufaasese o le tagata lava ia ma le mafatiaga e mafai ona i ai i o tatou manatuaga. O nisi o manatuaga e matua tiga ma maasiasi ma atonu tatou te mumusu ai e faailoa atu ma tusi i lalo. O le a taialaina i tatou e le Agaga a o tatou tatalo e le aunoa ma saili ni manatu faaalia mai a tatou tagata lagolago. O nei punavai o le lagolagosua o le a fesoasoani ia i tatou e iloa ai le upumoni.
O. Ia Faamaoni ma le Le Fefe i a Tatou Suesuega Faaletagata Lava Ia
O le isi laasaga taua i a tatou suesuega o le malamalama lelei lea i o tatou taimi ua tuanai. O le faamatalaina o le mea na tupu, o o matou lagona, pe aisea na tupu ai, ma po o ai na aafia ai o se faagasologa o le iloaina o le tagata lava ia. E ala i se suesuega faamaoni ma le le fefe o i matou lava, na matou faailoa atu ai le moni o o matou taimi ua tuanai ma le uiga o lena mea mo le lumanai. O le faamaoni i la matou suesuega faaletagata lava ia na fesoasoani ia i matou e salamo ai, saili le faamagaloga, ma faamalolo atoatoa atili ai.
Atonu o le vaega sili lea ona faigata o le faagasologa o le suesuega. E tiga le vaaia o la tatou vaega i sootaga le lelei ma aafiaga le lelei. Ae e mafai e o tatou tagata lagolago ona lagolagoina i tatou ma fesoasoani e faatumauina lo tatou taulai atu ma le faamaoni. E mafai ona tatou faaauau pea ma faailoa atu o lenei faagasologa o le iloaina o le tagata lava ia e taua i lo tatou toe faaleleia. E pei ona saunoa mai Elder Bruce D. Porter, “O le mauaina o le tagata lava ia o se aafiaga faaleagaga loloto, o se aafiaga e mafai e soo se tasi e naunau e aoao. … Afai e tuliloaina ma le faamaoni le sini, o le a [tatou] maua oa i le faaiuga o le malaga” (“Searching Inward,” Ensign, Nov. 1971, 63, 65).
Faamolemole tagai i le vaega ua faaulutalaina “Faataitaiga 1—Faatulagaga o Fesili” mo faataitaiga o fesili e fesoasoani e taiala ai oe i se suesuega faamaoni o oe lava ia.
E. Patipatia a Tatou Taumafaiga
Ua tatou iloa o se suesuega tusitusia faamaoni o se faagasologa faifai pea lea i le toe faaleleia. Na matou iloa ai e tatau ona matou toe iloiloina a matou suesuega ma faaopoopo atu i ai. O lenei faagasologa na fesoasoani e faamalosia ai lo matou malamalama ma le tomai e faatumauina ai le toe faaleleia ma fesoasoani ai ia i matou e atiina ae ni sootaga fou ma faaleleia.
O le laasaga 4 o se faagasologa. E mafai ona tatou faamanatuina a tatou taumafaiga uma i le tusiaina o a tatou suesuega. O le ataata o i tatou lava ia o le a tatou vaaia a o tatou galueaiina lenei laasaga e mafai ona musuia i tatou e sui le tulaga o o tatou olaga pe a tatou faatagaina. Ona o le alofa ma le alofa tunoa o le Faaola, e le tatau ai ona tatou i ai i le mea sa tatou i ai muamua. Pe a tatou valaau atu i le Alii mo se taitaiga a o tatou suesueina o tatou olaga, o le a tatou iloa ai o tatou aafiaga o ni avanoa e aoao ai.
O le faagasologa o le suesuega e faamamanaina ai i tatou e faailoa atu ma le lotomaualalo o tatou vaivaiga ma saili le fesoasoani a le Atua e liua ai na mea i ni malosiaga. “Ma afai e o mai tagata ia te au o le a ou faaali atu ia te i latou o latou vaivaiga. Ou te avatu i tagata ia vaivaiga, ina ia faalotomaualalo ai i latou; ma ua lava lo’u alofa tunoa mo tagata uma o e e latou te faalotomaualaloina i latou lava i o’u luma; aua afai latou te faalotomaualaloina i latou lava i o’u luma, ma faatuatua mai ia te au, ona ou faia lea o mea vaivai ia avea ma mea malolosi ia te i latou” (Eteru 12:27).
F. Atonu Tatou te Manaomia se Fesoasoani Faapolofesa
Atonu na tatou maua ni aafiaga faigata tele po o ni mea na tutupu ia i tatou. O nisi o nei mea e ono aofia ai aafiaga matautia, e pei o le sauaina, limatete po o le tiga ogaoga o le mafaufau. A o tatou tusia a tatou suesuega, o le manatuaina o nei aafiaga faigata e mafai ona toe aumaia ai le tiga, fefe, ma lagona e fesootai ma nei mea na tutupu. O le toe ola ai i nei aafiaga ma lagona tiga e mafai ona atili faatamaiaina ai i tatou e aunoa ma le lagolago ma le fesoasoani talafeagai. E tatau ona tatou mafaufau e saili se fesoasoani faapolofesa mai se fomai faapitoa, faufautua, po o se fomai e faagaoioia ai nei ituaiga o mea. E mafai ona fesoasoani tagata tomai faapitoa ia i tatou e faagaoioia ma le saogalemu ia mafatiaga i se saoasaoa talafeagai. Afai e te le o mautinoa pe e te manaomia lenei fesoasoani, faamolemole ia talanoaina lenei mea ma se tasi e te faatuatuaina. E mafai foi ona e feiloai ma se tagata atamai mo se faavasegaga ma mafaufau i la latou fautuaga.
Faataitaiga o le Tusiaina o se Suesuega i le Laasaga 4
E tele faatulagaga faamanuiaina mo le fatuina o se suesuega i le laasaga 4. Ae peitai, ua tatou aoaoina o elemene nei e sili atu ona aoga ai se suesuega mo le toe faaleleia.
-
Atua—O le faia o se suesuega o se galuega faigata, ma e le mafai ona tatou faataunuuina na o i tatou. Tatou te manaomia le lagolago a le Atua. O le tatalo o se vaega taua o lenei taumafaiga taua. A o tatou liliu atu i le Atua i le tatalo, o le a Ia faamalolosia i tatou ma fesoasoani ia i tatou e faia lenei galuega taua.
-
Faamaoni—O suesuega o ni iloiloga faaeteete o o tatou olaga ma e tatau ona aofia ai mea na tutupu, tulaga, ma sootaga tatou te manatuaina ma le le mautonu pe ma le faigata. E tatau ona tatou faamaoni ma auiliili i le mea e mafai ai. Ua matou iloaina o le loloto o lo matou naunau e suesue o matou agaga, o le tele foi lena o le aoga o le galueaiina o le laasaga 4.
-
Tusitusi—O le faagasologa o le tusitusi e aumaia ai ia i tatou le malamalamaaga, vaaiga anoa, ma le manino. O nisi o o tatou tulaga ua faigata ai ona tusia a tatou suesuega. E ui lava e eseese o tatou tomai ma faanaunauga, ae o le a faamanuiaina e le Alii a tatou taumafaiga uma e tuu o tatou aafiaga sili ona faigata i Ona luma i le tusiaina. Afai o e tauivi ma le tusitusi, fai i lau lagolago po o se isi tagata e fesoasoani ane.
-
Tagata Lagolago—O se tagata lagolago e tatau ona avea ma se tasi na galueaiina laasaga e 12 ma faamaeaina lana lava suesuega. O tagata lagolago e mafai ona fesoasoani tele i le taialaina o i tatou i le faagasologa ma le tuuina o o tatou olaga i se vaaiga anoa. Afai e te le’i faia, matou te fautuaina malosi oe e amata ona oulua galulue ma se tagata lagolago.
A uma ona tusia a tatou suesuega, tatou te teuina ina ia faaaoga e fai ma mau faasino mo isi laasaga e sosoo ai i le toe faaleleia. O a tatou suesuega e fesoasoani ia i tatou e faailoa ai vaivaiga ma malosiaga o o tatou tagata i laasaga 6 ma le 7, ma o tagata po o faalapotopotoga tatou te ta’ua i a tatou suesuega o i latou ia e manaomia ona tatou faamagaloina pe faia ni suiga i laasaga 8 ma le 9. A oo i le taimi e tatau ai, e mafai ona tatou faaumatia vaega o a tatou suesuega e aofia ai faaupuga le lelei po o le ita, tala o soligatulafono patino, ma soo se isi lava mataupu maaleale e le tatau ona tatou faasoa atu i isi. O le faatama’iaina o nei tusitusiga e mafai ona avea o se faatusa o lo tatou salamo ma o se auala mamana e lafoai ai o tatou taimi ua tuanai.
E pei ona ta’ua muamua, e tele auala e tusi ai se suesuega. O loo i lalo ifo ni faataitaiga se tolu. E tele isi auala e tusi ai se suesuega e le o lisiina iinei. O nei faataitaiga o le a fesoasoani ia i tatou e amata ai. E tusa lava po o le a le auala po o le tuufaatasiga o auala tatou te faaaogaina, e taua lo tatou faatagaina o le Atua e faaali mai ia i tatou le auala e silasila mai ai o Ia ia i tatou ma tulaga taitasi. Afai tatou te faia faapea, o le a tuuina mai e le Atua ia i tatou le malosi faateleina ma le faamoemoe i lenei faagasologa.
E faapefea ona tatou amata? O nisi tagata e galulue i le faasologa o taimi i o latou olaga e tusa ai ma tausaga o le matua, tausaga aoga, nofoaga na nonofo ai, po o sootaga. O isi e amata i manatu palepalealuga. O le a tatou le manatuaina mea uma i le taimi e tasi, o lea tatou te faaauau ai pea ona tatalo ma faataga le Alii e aumaia mea i o tatou manatuaga. E mafai lava ona tatou faaopoopo atu i taimi uma i a tatou suesuega a o tatou manatuaina tulaga ma aafiaga.
-
Faataitaiga 1—Faatulagaga o Fesili. O lenei auala e faaaoga ai fesili e iloilo ai mea faigatā o le olaga. E fesoasoani ia i tatou e su’esu’e loloto ai i tulaga taitasi.
-
Faataitaiga 2—Faatulagaga o le Pepa o Galuega. O lenei metotia e fesoasoani ia i tatou e faatonufolau ma faatulaga tagata po o faalapotopotoga na tatou faaleagaina. E fesoasoani ia i tatou e iloa ai vaivaiga o o tatou uiga ma tuuina mai ai faamatalaga taua mo laasaga o loo loma.
-
Faataitaiga 3—Faatulagaga o le Api Talaaga. O se auala e tusia ai api talaaga e mafai ona faasusulu atu ai le malamalama i o tatou olaga. E aumaia ia i tatou le avanoa e mafaufau loloto ai ma faagaoioia ai faamatalaga auiliili o o tatou olaga.
Faataitaiga 1—Faatulagaga o Fesili
A o tatou toe iloiloina o tatou olaga, o le luitau muamua lava o le iloaina lea o tulaga ua tuanai ma le taimi nei e tatou te lagona ai le le mautonu. O le mea moni, o loo tatou taumafai e vaai i o tatou lava vaivaiga o uiga ma faailoa mai tagata e manaomia ona tatou faamagalo atu i ai po o e e manaomia ona tatou faia ni suiga. O le faataitaiga lenei o loo faaaoga ai fesili e fesoasoani ia i tatou e faia ai se suesuega le fefe ma le maeaea o le tagata lava ia. O nei fesili e fesoasoani ia i tatou e faailoa ai tagata autu, tulaga, mataupu faavae, faalapotopotoga, po o mea na tutupu. E fesoasoani ia i tatou e faamatala mai ai le mea na tupu, o o tatou lagona, pe aisea na tupu ai, ma po o ai na aafia ai. Tatou te tuuto atu se itulau se tasi i tagata taitoatasi po o tulaga. I itulau taitasi, tatou te tusia ai a tatou lava tali i fesili. Tatou te taumafai e tausia a tatou tali i lalo ifo o le 15 upu—ua lava fasifuaitau pupuu.
O le faataitaiga lenei e faatatau i le na o le tasi le mea na tupu, o le maliu faafuasei o se tuafafine.
Fesili Muamua
-
O le a le mea na tupu? Tuu atu se faamatalaga puupuu o le tulaga.
Na maliu lo’u tuafafine i se faalavelave tau taavale.
-
Aisea na faalavelaveina ai au i lenei mea na tupu?
O se mea sili ona leaga lea ua tupu ia te au.
-
Na faapefea ona aafia au ma a’u sootaga i le mea na tupu (i mea tautupe, faalelagona, faaletino)? Na faapefea ona tuua a’u ua manu’alia i lenei mea?
Sa ou aluese mai isi. Ou te le o maua lava se to’a. Na amata ona ou inuina le ’ava malosi e faagase ai lo’u tiga, ma na faateleina ai lo’u lapoa. Sa leai so’u manao e faaauau la’u aoga. Ou te le o fia latalata lava i se tasi. Ou te fefe e i ai i se mafutaga tumau.
-
O a ni o’u lagona muamua ina ua tupu? O a fesili o loo i ai pea ia te a’u pea e uiga i lenei mea na tupu?
Sa ou lagona le te’i ma le tiga ina ua tupu. Sa ou lagona le ita i le Atua. O lea lava ou te lagonaina le faamanu’alia.
-
O le toe tepa i tua, o a nisi o vaivaiga o o’u uiga na saofagā i lenei tulaga? (E tatau ona tatou saili ma le agaga tatalo le fesoasoani a le Atua ina ia lotomaualalo ma faafesagai ma le upumoni, e ui lava atonu e matua tiga lava.)
-
Pe sa ou lē faamaoni ea? O ai na ou pepelo i ai?
O le tele lava o taimi sa ou pepelo ai ia te au lava ia. Sa ou tuuaia le Atua ma lo’u aiga mo lo’u lava le mafai ona faatuatua ia Iesu Keriso.
-
Pe sa ou fefe?
Ioe, sa ou le malamalama pe aisea na le puipuia ai o ia e le Tama Faalelagi. Afai e mafai ona tupu se mea leaga faapena i le taimi e tasi, e ono toe tupu foi.
-
Pe sa ou faatautee?
Ioe, e tele lava i le Atua ae faapea foi i lana tane ma le avetaavale o le taavale na lavea ai o ia. Ou te lei manatu sa talafeagai lona maliu.
-
O le a se faamaoniga o le faamaualuga ua ou vaaia i lo’u olaga? Pe ua ou vaaia faailoga o le taufaasese o le tagata lava ia, faafia-amiotonu, po o le alofa ia te au lava ia i o’u uiga ma amioga?
Sa ou faamoemoe ia fiafia pea lo’u olaga. Ou te lei manatu e tatau ona tupu ni mea leaga ia te au po o lo’u aiga. Sa ou popole alofa lava mo au.
-
-
Pe na tiga pe leaga a’u amioga pe na aafia leaga ai se isi tagata? Afai o lea, o ai?
O a’u amioga na faatiga ai i isi i lo’u aiga, e pei o lo’u tuagane faaletulafono. Sa ou le mautu i o’u lagona ma sa ou ita ai i lo’u aiga. Sa ou le faamagaloina le isi avetaavale. O lo’u ita i le Atua na tiga ia te a’u.
-
O le a se mea na ou faia e faafoefoe ai le tulaga? O a gaoioiga sa ou faia pe ave ese ia maua le mea sa ou manao ai?
A le o lo’u aluese po o le osofaia isi. Sa ou matua’i ita lava ma amio faatamaitiiti. Sa na o lo’u manao lava ia aua nei moni. Sa ou manao e toe foi i tua i le taimi. Sa ou manao i le Atua e toe faaola mai o ia. Sa ou fai atu foi i o’u matua e tatalo mo ia ina ia toe foi mai. Sa matuai fenumia’i o’u mafaufauga!
-
Na faapefea ona ou amio e pei o se tagata na aafia fua e faaseseina isi (mo se faataitaiga, manaomia le gauai atu, tigaalofa, ma isi mea faapena)? Pe sa ou finau atu o au e sa’o? Pe na ou lagona le faatauvaaina pe le amana’iaina?
Sa ou matua’i ita, faaesea au lava, ma musu e talanoa i se faufautua o le faavauvau. Sa na o o’u lava lagona ma o’u lava tiga sa mafai ona ou vaaia. Sa na ona ou manao lava i se isi tagata ia faaleleia mea uma mo au.
-
Pe o se mea sa tatau ona ou aafia ai? O lagona o ai na ou le amanaia e ala i le mafaufau na o au lava?
O la’u matafaioi. O ia o lo’u uso, ma sa ou lagonaina le tiga tele. Peitai, ou te lei tu lava e mafaufau i tiga o loo lagonaina e isi—o’u matua, o’u tuagane ma uso, o a matou uo, o lona toalua.
-
Pe sa ou teena le fesoasoani mai le Atua ma isi?
Ioe, sa ou ita i le Atua, o lea ou te le tatalo ai. Ou te lei fia talanoa i se tasi pe faatagaina foi au ia faamafanafanaina.
Faataitaiga 2—Faatulagaga o le Pepa o Galuega
O le isi auala e fai ai se suesuega o le faatumu lea o le siata o loo i lalo. Muamua, faatumu le koluma muamua i le itu tauagavale, sosoo ai ma le koluma lona lua, tolu, fa, ma faapena ai lava. O le faatumuina o lenei siata e mafai ona faaalia ai mamanu e tatau ona tatou vaavaai i ai i a tatou suesuega. Tatou te mafaufau i uiga lelei e tatau ona tatou atiina ae pe ua uma ona tatou maua, ia manatua pea e mafai e le Alii ona liliuina o tatou vaivaiga i malosiaga (tagai Eteru 12:27). Tatou te faaaluina se taimi e faitau ai ma mafaufau loloto i fautuaga a le Alii.
Tagata, faalapotopotoga, tulaga, mea na tupu, po o le mataupu faavae lea e i ai ou lagona le lelei
O le a le mea na tupu ma o le a le mea na ou faia? Tuu atu se faamatalaga puupuu o le mea na tupu. Mafaufau e lisi aitema mai lo’u olaga i le faasologa o taimi, atonu i ni vaevaega e 5 i le 10 tausaga.
Aafiaga
Aisea na faalavelave ai lenei tagata, faalapotopotoga, tulaga, mea na tupu, po o le mataupu faavae ia te au? Pe na aafia ai lo’u saogalemu faalelagona, faaletino, po o mea tautupe? Pe na aafia ai a’u sootaga, lagona o le taua o le tagata lava ia, po o faanaunauga mo le lumanai?
Lagona
O a o’u lagona i lena taimi? O a lagona o loo ia te au pea e uiga i ai? Pe ou te lagona le faanoanoa mo la’u vaega i le faafitauli po o le ita i se tagata, faalapotopotoga, tulaga, mea na tupu, po o se mataupu faavae?
Vaivaiga o le tagata
O le a se faamaoniga o le faamaualuga ua ou vaaia i lo’u olaga? Pe o ou vaaia faailoga o le taufaasese o le tagata lava ia, faafia-amiotonu, alofa ia te au lava, po o le loto faapito i o’u uiga ma amioga? O a ni o’u atuatuvalega manatu faapito na saofaga i lenei tulaga po o se mea na tupu po o ou lagona e uiga i lenei tagata, faalapotopotoga, po o le mataupu faavae?
Faamagalo ma faia ni faaleleiga
O ai e manaomia ona ou faamagaloina? O ai e manaomia ona ou faia i ai suiga? Manatua e faaopoopo lo’u lava igoa i le koluma lenei.
Uiga lelei
Pe a faia la’u suesuega, atonu ou te taulai atu i itu faigata o lo’u olaga. Ae peitai, e tatau foi ona ou mafaufau i o’u malosiaga ma uiga lelei. O a malosiaga o lo’u tagata? O a malosiaga o lo’u tagata e manaomia ona ou atiina ae atili? O le taulai atu i o’u malosiaga lelei e mafai ona faamanatu mai ai ia te au lo’u taua paia e le gata ma le le mafaataumaoia.
0 i le 10 tausaga
|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) |
Aafiaga faalelagona, faaletino, po o mea tautupe; sootaga, taua o le tagata lava ia, po o faanaunauga) |
Lagona (ita, fefe, faanoanoa, tiga, ma isi mea faapena) |
Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) |
Faamagalo ma faia ni faaleleiga (O ai e manaomia ona ou faamagalo atu pe fai i ai ni faaleleiga?) |
Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) |
O a uiga e tatau ona ou atiina ae atili? |
|---|---|---|---|---|---|---|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) O Samu, o se tamaitiiti i le aoga, sa faaauau pea ona ula mai ia te au ma valaau mai ma faipona mai ia te au. | Aafiaga faalelagona, faaletino, po o mea tautupe; sootaga, taua o le tagata lava ia, po o faanaunauga) O lenei mea na aafia ai ou lagona e uiga ia te au lava ia ma a’u sootaga ma uo. Sa ou manao ia ou lototoa, ae sa le mafai. | Lagona (ita, fefe, faanoanoa, tiga, ma isi mea faapena) Sa ou fefe, ma sa ou lagona foi le maasiasi i lo’u fefe. Maimau pe ana tau lava ina ou fasia o ia. | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) alofa ia te oe lava, faafia-amiotonu | Faamagalo ma faia ni faaleleiga (O ai e manaomia ona ou faamagalo atu pe fai i ai ni faaleleiga?) E tatau ona ou faamagalo ia Samu. I le lumanai, ou te manao e avea ma se tagata e agalelei ae faamaoni foi. | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) O a’u o se tagata lelei. E masani lava ona ou vaaia le lelei o isi. | O a uiga e tatau ona ou atiina ae atili? faamagaloga, lototele |
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) Sa ou faia se meaai mama i se gaoioiga a le Peraimeri. Sa ou manao e ave i le fale e faaali atu ia Tina ma Tama, ae sa faaauau pea ona fai ni nai ū laiti a o ou savali. Mulimuli ane, sa uma ona ou ‘aia. | Aafiaga faalelagona, faaletino, po o mea tautupe; sootaga, taua o le tagata lava ia, po o faanaunauga) O lenei mea na aafia ai lo’u lagona o le taua o le tagata lava ia. Sa ou manao e faasoa atu mea na ou ausia i o’u matua, ae sa ou toilalo. | Lagona (ita, fefe, faanoanoa, tiga, ma isi mea faapena) I le ala atoa i le fale sa ou faanoanoa ai i le mea sa ou faia. Sa ou lagona le maasiasi, lapo’a, ma le vaivai. Sa ou lagonaina na ou toilalo. | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) faamaualuga, alofa ia te oe lava, ‘ai faaatuatuvale, leai se pulea o le loto | Faamagalo ma faia ni faaleleiga (O ai e manaomia ona ou faamagalo atu pe fai i ai ni faaleleiga?) a’u | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) Ou te manao e fai le mea sa’o. Ou te manatu e lelei lo’u loto. | O a uiga e tatau ona ou atiina ae atili? lotomaualalo, faatuatua ia Iesu Keriso, pulea o le tagata lava ia i meaai |
10 i le 20 tausaga
|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) |
Aafiaga faalelagona, faaletino, po o mea tautupe; sootaga, taua o le tagata lava ia, po o faanaunauga) |
Lagona (ita, fefe, faanoanoa, tiga, ma isi mea faapena) |
Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) |
Faamagalo ma faia ni faaleleiga (O ai e manaomia ona ou faamagalo atu pe fai i ai ni faaleleiga?) |
Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) |
O a uiga e tatau ona ou atiina ae atili? |
|---|---|---|---|---|---|---|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) Sa ou iloaina le pule i le tino a o talasua ai tamaiti i le aoga e uiga i ai. Ina ua ou fesili i lo’u tina e uiga i ai, sa le mautonu o ia ma fai mai ia te au e aua lava ne’i faia ma aua lava ne’i toe talanoa e uiga i ai. | Aafiaga faalelagona, faaletino, po o mea tautupe; sootaga, taua o le tagata lava ia, po o faanaunauga) Sa ou feteenai i totonu ona sa lelei le lagona ae na faalavelaveina ai au. A matou faatasitasi ma uo i le lotu, sa ou lagonaina e pei ua na o au lava le tagata o loo tauivi ma lena mea talu ai e leai se tasi na talanoaina. | Lagona (ita, fefe, faanoanoa, tiga, ma isi mea faapena) Sa ou lagona le maasiasi, vavae ese e lo’u tina, tuua toatasi, le faamaoni, ma palapala. | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) loto faapito, le faamaoni, le mama, leai se puleaina o le tagata lava ia | Faamagalo ma faia ni faaleleiga (O ai e manaomia ona ou faamagalo atu pe fai i ai ni faaleleiga?) a’u, lo’u tina. | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) Ou te matea e lelei lo’u lotofuatiaifo. Ou te manao ia ou lelei. | O a uiga e tatau ona ou atiina ae atili? naunautaiga e tatala atu au lava ia i isi, faamaoni, ola mama, salamo |
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) Pe tusa ma le 14 masina, sa masani ona ou gaoi tinoitupe mai le masini ta faatau pe faaaoga oloa e aunoa ma le totogiina i le nofoaga sa ou faigaluega ai. | Aafiaga faalelagona, faaletino, po o mea tautupe; sootaga, taua o le tagata lava ia, po o faanaunauga) Sa ou popole lava i taimi uma pe a i ai lo’u pule. Ua ou lagona le tausalaina i le taimi nei ae ou te le iloa pe faapefea ona faasa’o talu ai ua le toe i ai lena pisinisi. | Lagona (ita, fefe, faanoanoa, tiga, ma isi mea faapena) fefe, matapeapea, manatu faapito | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) le faamaoni, loto faapito, taufaasese o le tagata lava ia | Faamagalo ma faia ni faaleleiga (O ai e manaomia ona ou faamagalo atu pe fai i ai ni faaleleiga?) o le nofoaga sa ou faigaluega ai, o lo’u pule | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) O au o se tagata galue malosi. | O a uiga e tatau ona ou atiina ae atili? faamaoni, tali atu mo oe lava ia |
20 i le 30 tausaga
|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) |
Aafiaga (faalelagona, faaletino, po o mea tautupe; sootaga, taua o le tagata lava ia, po o faanaunauga) |
Lagona (feteenai, fefe, faanoanoa, tiga, ma isi mea faapena) |
Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) |
Faamagalo ma faia ni faaleleiga (O ai e manaomia ona ou faamagalo i ai pe fai i ai ni faaleleiga?) |
Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) |
O a uiga e tatau ona ou atiina ae atili? |
|---|---|---|---|---|---|---|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) Sa ou onā i se pati ma ala ae ma se tasi sa ou tau le iloaina. | Aafiaga (faalelagona, faaletino, po o mea tautupe; sootaga, taua o le tagata lava ia, po o faanaunauga) O lenei mea na aafia ai ou lagona o le malupuipuia saogalemu, ma le taua o le tagata lava ia. Sa ou manao e faaipoipo i le malumalu, ae e foliga mai e le mafai ona tupu lena mea. | Lagona (feteenai, fefe, faanoanoa, tiga, ma isi mea faapena) Ua ou lagona le palapala, leai se faamoemoe, ma le faanoanoa. Ou te faamalie atu ona sa ou alu i lena pati. Aisea na tupu ai lenei mea ia te a’u? | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) le faatuatuaina, inoino ia te au lava ia ma i latou ua ta’ua o uo, alofa ia te au lava | Faamagalo ma faia ni faaleleiga (O ai e manaomia ona ou faamagalo i ai pe fai i ai ni faaleleiga?) a’u, a’u uo | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) O au o se tagata agalelei. Ou te fia faatoilaloina lenei mea. Sa ou galue malosi e atiina ae a’u taleni. | O a uiga e tatau ona ou atiina ae atili? faautauta, tiutetauave, usiusitai, faamuamua le Atua, ola mama |
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) Na maliu lo’u tuafafine i se faalavelave tau taavale. Sa ou lagona le latalata atu i lana tane ma lana fanau, ae sa ia vavae ese o ia lava mai lo matou aiga. | Aafiaga (faalelagona, faaletino, po o mea tautupe; sootaga, taua o le tagata lava ia, po o faanaunauga) O se mafatiaga tele lenei i lo’u olaga. Ua ou le mautonu faaletino ma faalelagona. Ua matuai leai lava se ma mafutaga ma lo’u tuafafine ma lona aiga. | Lagona (feteenai, fefe, faanoanoa, tiga, ma isi mea faapena) Ua matuai tele le taimi ua ou atuatuvale ai. Ou te iloa e le fesoasoani le ava malosi i le tulaga, ae e mou atu ai mo sina taimi. | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) popole, fefe, le faamalieina, alofa ia te oe lava | Faamagalo ma faia ni faaleleiga (O ai e manaomia ona ou faamagalo i ai pe fai i ai ni faaleleiga?) O le Atua, o a’u, o le tane a lo’u uso, o tagata na ou faatiga i ai i lo’u inupia | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) O au o se tagata aoga lelei ma o se tagata galue malosi. Ou te alofa i tagata ma fegalegaleai ma isi i le galuega. | O a uiga e tatau ona ou atiina ae atili? faatuatua ia Iesu Keriso, faamoemoe, faautauta |
30 i le 60 tausaga
|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) |
Aafiaga (faalelagona, faaletino, po o mea tautupe; sootaga, taua o le tagata lava ia, po o faanaunauga) |
Lagona (feteenai, fefe, faanoanoa, tiga, ma isi mea faapena) |
Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) |
Faamagalo ma faia ni faaleleiga (O ai e manaomia ona ou faamagalo i ai pe fai i ai ni faaleleiga?) |
Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) |
O a uiga e tatau ona ou atiina ae atili? |
|---|---|---|---|---|---|---|
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) Ou te ita i lo’u atalii faaletulafono. E manaomia e ia tupe i taimi uma, ae e le mafai ona tumau i se galuega. E faatamala o ia. Ou te popole ua ia faia mea e faanoanoa ai lo’u afafine. | Aafiaga (faalelagona, faaletino, po o mea tautupe; sootaga, taua o le tagata lava ia, po o faanaunauga) Ou te popole i mea tautupe. Pe a i ai ni o’u lagona le lelei ia te ia, e aafia ai le ma mafutaga ma lo’u afafine. | Lagona (feteenai, fefe, faanoanoa, tiga, ma isi mea faapena) Ua ou lagona le le fiafia. Ou te lagona le faatautee, ma ou te ita ia te au lava ia ona o le lagonaina o le faatautee. Ua ou lagona le lavea i se mailei, ma ua le mafai ona ou mafaufau i se vaifofo lelei. | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) faafia-amiotonu, alofa ia te oe lava, faamaualuga, ita | Faamagalo ma faia ni faaleleiga (O ai e manaomia ona ou faamagalo i ai pe fai i ai ni faaleleiga?) o lo’u atalii faaletulafono, o lo’u afafine, o lo’u toalua | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) E masani lava ona ou agalelei. Ou te galue malosi i le fale ma le Ekalesia. | O a uiga e tatau ona ou atiina ae atili? alofa mama, faamagaloga, mauaina o faaaliga patino |
Tagata, faalapotopotoga, tulaga, mea na tupu, po o le mataupu faavae (O le a le mea na tupu? O ai na tiga? ma isi mea faapena) O loo talanoa lo’u toalua e uiga i le tete’a po o le tatalaina o le faaipoipoga. Ou te iloa ou te lei atoatoa, ae e le o taimi uma o a’u e mafua ai faafitauli. | Aafiaga (faalelagona, faaletino, po o mea tautupe; sootaga, taua o le tagata lava ia, po o faanaunauga) E matuai leaga lava a’u mafutaga. Ua aafia lo’u taua faaletagata lava ia faapea foi ma lo’u saogalemu tautupe ma faalelagona. | Lagona (feteenai, fefe, faanoanoa, tiga, ma isi mea faapena) Ua ou matuai fefe lava. Ae faapefea pe afai e le mafai ona ou vaai i tamaiti? Ou te le iloa pe faapefea ona ou ola pe a tatala le faaipoipoga. | Vaivaiga o le olaga (loto faapito, faamaualuga, le faamaoni, faafia-amitonu, alofa ia te oe lava, taufaasese o le tagata lava ia, ma isi mea faapena) fefe, alofa ia te oe lava, ita, popole | Faamagalo ma faia ni faaleleiga (O ai e manaomia ona ou faamagalo i ai pe fai i ai ni faaleleiga?) o a’u, o lo’u toalua, o la’u fanau | Uiga lelei (alofa mama, lotomaualalo, faamaoni, lototele, faatuatua ia Iesu Keriso, ma isi mea faapena) Sa ou taumafai malosi e sui. Sa ou alu foi i faufautua. | O a uiga e tatau ona ou atiina ae atili? alofa mama, alofa, filemu, ma le faatuatuaina sili atu o le Atua |
Faataitaiga 3—Faatulagaga o le Api Talaaga
O le tusitusi e mafai ona avea ma se meafaigaluega mamana mo le malamalama ma le faamalologa. O le tusiaina ma le agaga tatalo o api talaaga a o lei faia pe a uma foi ona galue i a tatou suesuega e mafai ona fesoasoani tele. A o tatou toe iloiloina o tatou olaga, e na ona tatou amata lava ona tusitusi e uiga i tulaga na tatou iloaina ma o tatou lagona. E leai se polokalama i lena mea. Na o lo tatou fetagofi lava i se peni, fai se tatalo, ma amata ona tusitusi. Tuu la’ia e sosolo! A o tatou mafaufau i o tatou olaga e faaaoga ai le tusiaina o api talaaga, tatou te vaavaai mo tagata, faalapotopotoga, tulaga, mea na tutupu, po o mataupu faavae tatou te le fiafia i ai. Tatou te tusitusi e uiga i le auala e aafia ai o tatou lagona ma manatu, ma tatou taumafai ia malamalama po o a o tatou vaivaiga o uiga faaletagata ma po o a malosiaga tatou te mananao e atiina ae. Tatou te tatalo foi ia iloa po o ai e tatau ona tatou faamagalo atu i ai ma po o ai e manaomia ona tatou faia ni suiga. O nai faataitaiga nei o tusiga i api talaaga:
-
Sa ou mafaufau talu ai nei i o’u aafiaga faatamaitiiti. Ou te manatua lena tamaitiiti—ou te le manatua lona igoa—ae sa lapoa atu o ia nai lo au, ma sa matuai faalealofa lava o ia. Sa ia faaigoaina pea au o se pepe e oo lava i igoa sili ona leaga. Sa tatau ona ou tamoe i le fale mai le aoga i le vave ou te mafaia i aso uma. Ou te le iloa pe o le taimi lena na amata ai ona ou lagona e pei e leai ni a’u uo ma e le mafai foi ona ou faia ni uo. Ou te inoino pe a ou sola ese mai faafitauli. Ou te inoino e fefe, ae e le fetaui le lapopoa ma le faalealofa o nisi tagata. Sa ou taumafai lava e faauo. Ou te matea ou te faanoanoa mo au lava. Ou te le malamalama pe aisea e le agalelei ai tagata ia te au. O au o se tagata lelei.
-
Sa pei a’u o se tamaitiiti puta. O loo ou lapoa teisi lava, ae e faigata ia te au ona taofi le ‘ai i se mea ou te fiafia i ai. E oo lava foi i le taimi na ou i ai i le Peraimeri, sa le mafai lava ona ou avea se meaai i le fale e faasoa atu i lo’u aiga. Sa ou lagona ai le pei ua toilalo. Sa ou maasiasi lava i taimi uma i lo’u ‘ai ma lo’u mamafa. O nisi tagata e mafai ona aai i soo se mea latou te mananao ai, ae le aafia ai lo latou mamafa. Ou te ita tele ai i lena mea!
-
E i ai so’u faafitauli i le tuinanau i faalefeusuaiga. E le o so’u sese le faigata ia te au o lena mea. Sa ou iloaina le faaosofia o lagona feusuai a o talasua tamaiti i le aoga e uiga i ai. Ina ua ou fesili i lo’u tina e uiga i ai, sa le mautonu o ia ma fai mai ia te au e aua lava ne’i faia ma aua lava ne’i toe talanoa i ai. Ae faapefea le taimi na faatalanoaina ai au e le epikopo i se taimi mulimuli ane? Pe na tatau ea ona ou ta’u atu ia te ia?
-
Sa ou lagona le maasiasi tele i le mea na tupu i lo’u fale i le va o o’u matua, ma na pau lava le mea na ou maua ai se lagona lelei o le ulaula. Sa ou maua ni sikaleti ma siitia ai ou lagona, o se faamalosiga na fesoasoani i lo’u lagona faanoanoa. Sa i ai lo’u lava olaga faalilolilo pe a ou ala i le po ma lē mafai ona ou moe. Sa ou faapea e mafai ona ou tuua i soo se taimi, ae sa ou le mafai lava. Ona uma lea o sikaleti na ou maua, ma sa tatau ona ou gaoi ina ia maua ai se tupe mo nisi sikaleti. Sa ou gaoia mea mai le mea sa ou faigaluega ai. Sa ou matua popole lava ne’i maua au, a le o se tasi o lo’u aiga pe sili atu foi ona leaga, e leoleo. Sa ou inoino i le le faamaoni, ae sa ou manaomia lena taimi ulaula na o au—o se mea mo na o au lava. Ou te matea sa ou lagona le faanoanoa mo au lava ia.
-
O le isi manatua leaga na tupu a o ou i ai i le kolisi. Sa ou fia pei o au uo na matou potu faatasi, ae e lei valaauliaina au i le tele o pati. Ou te manatua le po na iu lava ina ou alu ai i se pati sa tele ai le ava malosi. “Ia o le a le mea o le a tuu ai?” Sa ou mafaufau ai. Sa ou manao e avea o se tasi o lena vaega. Sa ou manao e fai sina fiafia mo le taimi e tasi. Ou te le manatua le mea na sosoo ai, ae ina ua ou ala ae, sa ou faatasi ma se tasi ou te le iloa lelei. Na faasolo mea mai le leaga i le matuai leaga lava. Aisea e le mafai ai ona fai sina a’u malologa? E leai se mea ou te fiafia ai na oo mai.
-
Sa foliga mai o le mutaaga o le lalolagi ina ua matou maua le tala ua maliu lo’u tuafafine. Sa savalivali o ia i le auala ma sa solia o ia e se taavale. Sa matuai faanoanoa lava lo’u aiga, ma o nisi o i matou sa faia ni mea e sili atu sa le tatau ona faia. Sa matuai ita tele lona toalua ma sa ia fai mai o le a ia le toe faatagaina lava le la fanau e toe talanoa mai ia i matou. Sa ia fai mai, ua faapogai e lo’u aiga le faalavelave i o latou olaga.
-
E foliga mai o loo faaauau pea e la’u fanau ia tu ma aga masani faaleaiga. Sa faaipoipo lo’u afafine i se tagata toilalo moni. E lei lava ni a laua tupe, ma o le mea moni, e le mafai ona ou lagolagoina pea i laua. Aisea e le sue ai sana galuega ona tumau ai lea? Ua ou matuai le fiafia lava. Ou te manao ia avea ma se matua lelei i lo’u afafine, ae o faafitauli faifai pea o tupe e mafua ai faafitauli i lo ma va. Maimau pe ana mafai ona ou taliaina lana tane, ae ou te le mafaia. Ou te faamalie atu.
-
O le Aso Sa e tatau ona avea o se aso faaleaiga maoae, a ea? Ou te lei manatu lava o le a tupu lenei mea. Sa ta’u mai e lo’u toalua ia te a’u anapo e manaomia sina avanoa, e pei o le valavala. E a? Ou te le talitonu i ai. Ioe, ou te le atoatoa, ae e leai se tasi e atoatoa. Le Atua pele, o le a se mea e mafai ona ou faia?
-
Sa ou talanoa i lo’u tagata lagolago e uiga i le manatu o le faia o se iloiloga o lo’u olaga. Na faailoa mai e la’u lagolago e i ai se ituaiga o mamanu i o’u lagona ma e i ai nisi mea e tatau ona ou talanoa ai i lo’u epikopo. A o ou toe faitau i a’u tusiga i la’u api talaaga mo nai vaiaso ua mavae atu, ua ou iloa ai ou te matele lava ina faanoanoa mo a’u lava. E i ai ni mea leaga na tutupu ia te au, e moni, ae ua amata ona ou iloa a ou tuuina atu au lava i le Alii, e mafai ona Ia aveesea nisi o o’u tiga. Ou te le tau faaaogaina pea la’u vaisu. E leai so’u mana e togi ai le solo, ae o loo i ai i le Alii lena mana.
-
Ua amata ona sili atu ona talafeagai ia te au tusitusiga paia ma upu a perofeta i le taimi nei. Ua ou vaaia le auala e faaaoga ai i lo’u olaga. Ua sili atu lo’u iloa o vaivaiga o uiga sa masani ona le vaaia e a’u. O nisi taimi ou te mafaufau ai pe ua faateteleina le leaga ona ua ou vaai manino atili i ai. Ou te iloa e tatau ona ou faaauau i isi laasaga ina ia mafai ona ou toe malosi moni.