Vaisū
Faafetai

Faafetai

O Le Faamalologa e ala i le Faaola: O Le Polokalama o le Toe Faaleleia Mai Mea ua Fai ma Vaisu Taiala e 12-Laasaga e Toe Faaleleia: ua fetuunaia uluai laasaga e 12 a le Alcoholics Anonymous World Services, Inc. i se auivi o aoaoga faavae, mataupu faavae ma talitonuga o Le Ekalesia a Iesu Keriso o le Au Paia o Aso e Gata Ai. O loo lisiina iinei uluai laasaga e 12, ma o laasaga e 12 e pei ona faaaogaina i lenei polokalama o loo faaali mai i le vaega atoa o totoe o lenei taiala.

Ua toe lolomi ma fetuunai ia laasaga e 12 i lalo o le faatagaga a le Alcoholics Anonymous World Services, Inc. (AAWS). O le faatagaga e toe lolomi ma fetuunai laasaga e 12 e le faapea ai ua iloiloina pe faamaonia e le AAWS ia anotusi o lenei lomiga pe ua ioe foi le AAWS i manatu o loo faaalia iinei. O le Alcoholics Anonymous (AA) o se polokalama o le toe faaleleia mai le na o le inu ava malosi. O le faaaogaina o laasaga e 12 e fesootai ma polokalama ma gaoioiga ua mamanuina i le AA ae o lena mea o loo talanoaina ai isi faafitauli po o soo se isi lava matalalaga e le o se AA, e le faapea ai e ese mai ai. Ma le isi, e ui o le AA o se polokalama faaleagaga, ae o le AA e le o se polokalama faalelotu. O lea, e le faifai mea faatasi ai pe au faatasi ai le AA ma soo se vaega, aulotu, po o se faatuatuaga faalelotu patino.

O laasaga e 12 a le Alcoholics Anonymous:

  1. Ua matou ta’utino atu ua matua faatoilaloina i matou e le ‘ava ua le mafai e i matou ona pulea o matou olaga.

  2. Ua matou talitonu o loo i ai se Malosi e sili atu i lo i matou, e toe aumaia le toafilemu.

  3. Faia le faaiuga e liliu ma suia loa le loto ma le ola, i lalo o le vaaiga a le Atua e pei ona matou malamalama ia te Ia.

  4. Faia se suesuega ma le lototele i o tatou lava tagata lilo.

  5. Ta’utino i le Atua, ia te i matou ma se isi uso a tagata le uiga moni o o matou sese.

  6. Ua matou matua sauni lava e talia le aveese e le Atua o nei faaletonu o le olaga.

  7. Tagi atu ma le faamaulalo ia te Ia, ina ia aveese e Ia o tatou vaivaiga.

  8. Tusia uma suafa o e ua afaina, ona matou o lea ma toe galueaina auala e faaleleia ai ma i latou.

  9. Faia tuusa’o faaleleiga ma ia tagata, vagana ua e iloa o le a afaina ai o ia ma nisi tagata.

  10. Faaauau pea le suesuega o le olaga, ma afai ua tatou sese, ta’utino loa lava.

  11. Saili e ala i le tatalo ma mafaufau loloto ina ia maua le fesootaiga ma le Atua pei ona tatou malamalama ia te Ia, tatalo pea ia iloa Lona finagalo mo i tatou, ma le malosi e faatino ai Lona finagalo.

  12. O le i ai o se fagua faaleagaga ona o le taunuuga o nei Laasaga, sa matou taumafai ai e tauaveina lenei feau mo i latou o loo aafia pea i le ‘ava malosi, ma ia faia pea nei mataupu faavae i a tatou mataupu uma.

Alcoholics Anonymous World Services, Inc.®