Ururingan Beretitenti Nelson

Uabong imwiin kainan te maungatabu ni kabuta, taan kairiiri n te Ekaretia ao kaain te utu a anga aia taeka ni karabwarabwa ibukin Beretitenti Russell M. Nelson bwa te tama ma te kainaba ae tatangira, te rao, ao ana tia iriira te Uea Iesu Kristo ae nanomatoa, ao ana burabeti te Atua.

Maiun Beretitenti Nelson, “e kakoauaa nanomatoan ana kakoaua bwa te burabeti ao ana toro te Uea Iesu Kristo,” Beretitenti Dallin H. Oaks e taekinna n ana taunimate Beretitenti Nelson n Okitobwa 7, 2025, n te Tienta ni Maungatabu. Beretitenti Oaks e arana Beretitenti Nelson, are e a tia ni motirawa ma te rau ni mwengana n Tebetembwa 27, 2025, “raoraou ni koaua ao au tia reirei ae korakora.”

Beretitenti Oaks e arana naba Beretitenti Nelson bwa “temanna ana mitinare Iteraera ae korakora inanon ana beku.” E taku, “Moangarena, amaraun bwanana, ao korakorana e marau iai nanoia” aaba ao taan kairiiri aika kakaonimaki.

Beretitenti Oaks ao niman riki taan taetae a karinea Beretitenti Nelson ibukin ana tangira, mwakuri n ibuobuoki, ao nanomatoana iroun te Uea Iesu Kristo ao natin te Atua ni kabuta te aonaaba.

N raonaki ma taan taetae ake tabeman, e karabwaa Titita Wendy Watson Nelson ibukin tabeakinan ao boutokaan Beretitenti Nelson inanon aia 19 n ririki ni mareaki. E kaota naba ana kakaitau nakon buun Beretitenti Nelson are tia ni motirawa, Dantzel white Nelson, ao natiia ake 10 ibukin aia kakaonimaki nakon “are e reiakinna ao ni maiuakinna.”

Unimwaane Henry B. Eyring, are e beku ma Beretitenti Oaks ao Beretitenti Nelson n te Moan Beretitentii, e kakoaua weteana ni burabeti Beretitenti Nelson ao konabwaina ma nanona ni kakabwaiaia aomata.

“Ngke I beku irarikina n te Moan Beretitentii, ni moan Tianuare 2018, I riki bwa te tia kakoaua ae onoti nakon te koaua ae te Uea e kaira ana burabeti,” e taku Unimwaane Eyring. “I kakaitau ngkai I a tia ni kona ni kinaa Beretitenti Russell M. Nelson.”

N aia marooro, Unimwaane Jeffrey R. Holland man te Kooram n te Tengaun ma Uoman ao Beretitenti Camille N. Johnson, Beretitenti ni Kabuta n te Bootaki n Aine, a kamoamoa Beretitenti Nelson ibukin ana nanoanga ae e aki bwabwaka nakoia aomata inanon ao itinanikun te Ekaretia.

“Karekean te tibwanga n noria n tangiriia aomata ao aomata bwa a tangiria are e karaoi kanuringana aika tamaroa,” e taku Unimwaane Holland. E ururinga Beretitenti Nelson bwa “te tia tauii baai ao te tia kamaoi nano.”

Beretitenti Johnson e reitia n taku, “Beretitenti Nelson e bita te aonaaba temanna te aomata imwin teuana te kaitiboo, ao e a tia ni kaoira bwa ti na karaoa naba anne man katikan mwaakan te Uea bwa aine ao mwaane ngaira n te berita ae tabu.”

Uoman natin Beretitenti Nelson, Laurie N. Marsh ao Russell M. Nelson Jr., a taku bwa tamaia e maiuakina te kimwareirei bukina bwa e kabotoa maiuna iaon te Tia Kamaiu Iesu Kristo ao ni moanibwaia te mwakuri ni ibuobuoki nakoia aomata.

“Ti kaikawaaki n te mweenga ae boboto iaon te Tia Kamaiu ao n onrake n te kimwareirei,” e taku Titita Marsh. E taku bwa ana kouru aia utu bon te riki bwa te utu ae akea tokina.

Tari Nelson e reitia n taekinna bwa tamana e aki totoki ana mwakuri n ibuobuoki. “Beretitenti Nelson e kaotia nakoira i matara bwa bon akea te ‘motirawa’ n ana taratara ibukin Kaokan bwaai.” E taku bwa ngke e weteaki bwa e na kaira te Ekaretia, tamana e berita bwa e na beku ibukin te Tama ao Natina niua matena. “E bon karaoa raoi anne.”

Marjorie N. Lowder ao Gloria N. Irion. natin Beretitenti Nelson aika aine, a anga te tataro n ana taunimate. Te Tabaenako Kuaea n te Tembora Tikuea e katauraoa te katangitang.

Te taunimate ibukin Beretitenti Nelson e waaki imwiin te karinerine are e karaoaki ibukina n Okitibwa 1 ao ni katanoataaki man te Tabaenako n Tembora Tikuea. Beretitenti Oaks, Unimwaane Holland ao Eyring, Bitiobi n Tararua Gérald Caussé, Unimwaane Carl B. Cook man te Beretitentii n te Kaitingaun, ao Beretitenti ni Kabuta n te Moanrinan Beretitenti Susan H. Porter anga aia taeka ni karinerine, n tibwa aia taneiai aika onoti inanon aia tai ni beku ma Beretitenti Nelson ao aia namakin ibukin maiuna e rianako tamaroana, ana mwakuri n ai aron Kristo, ao ana reirei aika kairaki mai i eta.

N ana karinerine, Beretitenti Oaks e arana Beretitenti Nelson bwa “te burabeti n tangira” are e “reiakina te euangkerio n tangira.”

Ibukin rongorongon riki maiun ao ana mwakuri Beretitenti Nelson, taraa In Memoriam: President Russell M. Nelson, 1924–2025, boretiaaki bwa raon te Nobembwa 2025 maekatiin n te Ekaretia.