Te mau ’api nō pātifita
’Eiaha i te mahana Sābati ! Fārereira’a e Errol Bennett
Elder ’e Tuahine Baehrel, nō te pāroita Montpellier i te titi nō Toulouse, Farani, e tāvini nei ’ei ’orometua pa’ari i te misiōni nō Tahiti. ’Ua fa’a’ite mai rāua e rave rahi nā tupura’a fa’auru nō tā rāua tau i reira, ’e teie ’ā’amu hō’ē ïa o te reira mau taime ta’a ’ē.
’Ua ha’amaita’ihia vau i te fārerei ia Errol Bennett.
Fānauhia i Papeete i te 7 nō Mē 1950, e ’aito tu’e pōpō ’o Errol Bennett nō Oceania ’ei ti’a nō Tahiti. Mai te 10ra’a o tōna matahiti, ’ua ha’amata tōna ro’o i te tu’i i roto i te pupu ha’api’ira’a nō te Mairie Papeete, i te 17ra’a rā, e ta’ata ’aravihi roa a’e ’oia i te pupu nō Central Sport nō Papeete—te pupu ana’e o tāna i mātau—e mea ri’ari’ahia ’ōna ’e te fa’atura ato’a hia nō tōna vitiviti ’e te tītau i te rē. I muri a’e rā, tā’iri pauroa hia nāna te mau professionels.
I roto ia Central Sport ’ōna i te fa’a’itera’a i tōna ’aravihi nō te tītō i te rē, mea nā reira ’oia i te ō ra’a i te Ligue nō Tahiti ’ahuru ma hō’ē taime mai te matahiti 1972 ē 1983, va’u taime o nā matahiti ’aita e fa’aeara’a ma te fāito 28 ē 30 rē. E ’aito tu’iro’o mau ā ’o Bennett i Tahiti, ’e tāna iho club ’e te pupu mā’iti nō Tahiti.
I te ’āva’e Māti matahiti 1977, ’ua melohia mai ’o Errol Bennett nō te ’Ēkālesia a Iesu Mesia i te Feiā Mo’a i te Mau Mahana Hope’a nei ’e mai te reira atu taime ’ōna i te pāto’ira’a ’ia tu’e i te pōpō i te mau mahana Sābati. ’Ei pāhonora’a i te reira fa’aotira’a tāna, ’ua ruru te presideni nō te club a Bennett ’e te Fédération Tahitienne de Football (FTF) ’o Napoléon Spitz i te tā’āto’ara’a o te mau melo o te FTF ’e ’ua haumau i te fa’aotira’a ē, e fa’aea rātou i te tu’e i te pōpō i te mau mahana Sābati. I muri e rave rahi ’āparaura’a, te tā’āto’ara’a o te mau club i te fa’ari’ira’a ’ia taui i te mau mahana tu’era’a i roto i te hepetoma ana’e.
’Aita te fa’aotira’a a Bennett ’eiaha e ha’uti i te mahana Sābati i fa’ahuru ’ē i tāna manuiara’a. ’Ua upo’oti’a Central Sport i te Championnat nō Tahiti e va’u a’e taime tu’utu’u ’ore, mai te matahiti 1972 ē 1979 ’e te rē nō te Championnat nō Pātifita Apato’a e maha a’e taime mutu ’ore. ’Ua tāpae roa te club i te demi-final o te tu’era’a ’āu’a nō Farani, ’e ’ua upo’oti’a ato’a i ni’a ia Marite Orléans i Papeete i te matahiti 1978-79.
’Aua’e maoti ’o Bennett te pupu mā’iti nō Tahiti i upo’oti’a ai i te fēti’a ’auro i te mau Jeux du Pacifique Sud 1975, 1979 ’e 1983. ’Ua tae ato’a rātou i te tu’era’a hope’a i Oceania i te matahiti 1973, i reira ’o Bennett i te tītōra’a e 3 tāpa’o, ’e i te matahiti 1980, ’o Bennett noa ā tei tītō 1 rē i te final i ni’a ia Auterāria.
’O Errol Bennett hō’ē ïa ’aito tu’e pōpō fa’atura-roa-hia i Patifita Apato’a, ’oia ato’a ’ua tu’i te ro’o mai Fītī ē Niu Terani, Papua New Guinea ’e i Taratoni.
’Ua mā’itihia e te International Federation of Football History & Statistics (IFFHS) ’ōna a’e te mātāmua o nā 20 ’aito tu’e pōpō rahi a’e i Oceania nō te 20ra’a o te tenetere, ’e te ta’ata Tahiti tu’e maita’i a’e o te 20ra’a o te tenetere, i mua ia Pascal Vahirua. ’Ua tātūha’ahia ’oia i te 42ra’a o tōna matahiti.
’Ei muto’i ’oire tātufa’ahia, e metua tāne Errol Bennett nō nā 7 tamari’i, mai ia Naea Bennett tei ha’afēti’ahia ’ei « butteur » nā te pupu AS Pirae ’e te pupu mā’iti a Tahiti.