Bwebwenato ko an Ijo Jokwe Ie
Jab ilo Jabōt! Bwebwenato ippān Errol Bennett
Elder im Sister Baehrel, jān Montpellier Ward ilo Toulouse Stake, France, rej kiiō jerbal āinwōt mijenede ripālele ro an mijen ilo Tahiti. Rekar kwaļo̧k en̄jaake ko rekōbōkakak im reim̧we jen iien eo aer ilo jikin jerbal, im bwebwenato in ej letok jidikin juon iaan iien ko raorōk.
Ikar bōk juon iien in bwebwenato ippān Errol Bennett.
Ļotak ilo Papeete ilo Māe 7, 1950 Errol Bennett ej juon rikkure football im Oceania vice-champion ippān Tahiti. Jān ke kar 10 an iiō, ekar emman etan ilo tiim eo an Mairie School ilo Papeete, ijoke ke ar 17, kōn kobaļo̧k eo an ilo tiim eo an Pennant in Central Sport de Papeeta—club eo wōt eaar jeļā kake—kar jino mijak e im kautiej e kōn an mōkaj im aolep iien mije kōttopar eo. Tokālik naaj kar wonmaantak ippān mōkade tata ro.
Ilo Central Sport eo enkar Bennett eo ej kwaļok an kabwilōn̄lōn̄ im jeļā kōm̧m̧an deļon̄, eo me kar kōm̧m̧an an bōk taitōļ in kadeļon̄ eo ilōn̄ tata ilo ļiik eo an ri Tahiti jon̄ouljuon alen ikōtaan 1972 im 1983, ralitōk iaer juon ilok juon, kōn juon meļeļe in 28 n̄an 30 deļon̄. Bennett eaar jino erom juon star ilo Tahiti, jimor ilo club im lābōl in tiim.
Ilo Maaj in 1977, Errol Bennet ekar erom membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata innem makoko in ikkure soccer ilo raan in Jabōt. N̄an uwake, Napoléon Spitz, būreejtōn eo an club eo an Bennett im Fédération Tahitienne de Football (FTF), kar kūr juon an FTF membōr ro im kar kean̄ bwe aolepen club eo an renaj bōjrak jen ikkure soccer ilo raan in Jabōt. Ālkin jet kōnono ko, aolepen club eo raar errā n̄an bar jikejuuļi iien ikkure ko ilowan juon wiik.
Kāālet eo an Bennett n̄an jab ikkure ilo raan Jabōt eaar jab kapen an wōnmaanļo̧k. Central Sport ekar wiini championship eo an ri Tahiti ralitōk alen juon ilok juon jān 1972 n̄an 1979 im kar bōk taitōļ eo an South Pacific Tournament eo emen alen juon iien. Club in eaar bar etaļ wōt n̄an 7th round in Coupe de France, tōpare juon menin kakeemejmej 3–0 wiin jen US Orléans ilo Papeete tore ilo 1978–79 season eo.”
Kōn menin leļo̧k in an Bennett, tiim eo an ri Tahiti eaar wiini gold medal in ikkure ko ilo South Pacific ilo 1975, 1979, im 1983. Raar barāinwōt pād ilo nōmba ko ilōn̄tata ilo Oceania ilo 1973 ijo Bennett, rikōmman deļon̄ eo ilōn̄ tata, kar kadelōn̄ 3 goal ko, im tokālik ilo 1980 ejja Bennett ekar kadeļon̄ 1 goal ilo final eo nae Australia.
Errol Bennett eaar juon iaan ro rejeļā im ļap kile ilo ikkure in football ilo South Pacific, barāinwōt juon iaan ro re bun̄bun̄, jān Fiji n̄an New Zealand, Papua New Guinea im New Caledonia.
International Federation of Football History & Statitics (IFFHS) eo ekar vote e juon iaan 20 ri ikkure in Oceania ro an 20th century, im rikkure eo ejeļā tata an ri Tahiti ilo 20th century, maan ļo̧k jen Pascal Vahirua. Ekar kōjemļok an ikkure soccer ke eaar 42 iiō dettan.
Jen an kōņaan eaar bar juon būliijmān, Errol Bennett ej juon baba n̄an 7 ajri, ekoba Naea Bennett, star stricker n̄an AS Pirae im tiim eo an ri Tahiti aolepen laļ in.