“Kea: Juon Jerbal in Ijjino eo Ipeļaakin Laļin ̄̄n̄an Em̧m̧anļo̧k eo ilo Mour an Kōrā im Ajri ro,” Liaona, Okwoj. 2025.
Kōrā in Bujen ro
Kea: Juon Jerbal in Ijjino eo Ipeļaakin Laļin ̄̄n̄an Em̧m̧anļo̧k eo ilo Mour an Kōrā im Ajri ro
Jej boktok iakwe im jipan̄ eo an Jisōs Kraist n̄an aolep ilo laļ in ilo ad kea kōn ro ilo m̧oko im̧ōd make, ro itūrid, im jukjuk in ped ko.
Jerbal eo eim̧we an Doulul eo an Kōrā ro eto an ped ilo jerbal in jipan̄ armej im kea kōn ro rej ped ilo aikuj jān ke ekar ijjinoe ilo 1842 eo. Ilo 20th century eo, kōrā ro ilo Doulul eo an Kōrā ro rekar jilkinļo̧k ine ko rekar kakkoņi n̄an jipan̄ naajdik ro rekar jorāān jān jorāān ko an laļ im n̄uta. Rekar ejaaki hospital ko, jipan̄ kōrā ro pād ilo jikuuļ in medical, im kar katakin kōrā ro lale nin̄nin̄ im kemour ajri, ekar ļap an jipan̄ kōļapļo̧k oran ribōroro ro im ajri ro rej kab ļotak. Rekar barāinwōt kaddōkļo̧k jeļāļo̧kijeņ jān aer ejaaki m̧ōn jikuuļ ko im būrokraam̧ in riit im jeje.
Rainin, ekepaak ralitōk milien kōrā ro ilo Doulul eo an Kōrā ro ipeļaakin laļin rej dim wōt ilo aer kea kōn ro rej ped ilo aikuj. Doulul eo an Kōrā ro ej rie en̄jake ko n̄an kōrā ro n̄an boktok im bōk jipan̄ eo an Rilo̧mo̧o̧r—ilo ānbwin im jetōb—n̄an aolep ajri ro nejin Anij. Āinwōt an sister ro leļo̧k im bōk jipan̄ eo an Rilo̧mo̧o̧r, rej erom̧ eļapļo̧k āinwōt E, en̄jake iakwe eo An, im kōņaan juon jemjerā em̧wilaļļo̧k Ippān.
Jerbal in ijjino eo an Kabun̄ in ipeļaakin laļin n̄an kōkm̧anm̧anļo̧k em̧m̧anļo̧k eo ilo mour ko an kōrā ro im ajri ro ej juon en̄jake—juon iien em̧m̧an n̄an boktok jipan̄ ilo ānbwin im jetōb n̄an aolepen ajri ro nejin Anij. Jej kōm̧m̧ane kōn Jetōb eo An, maron̄ eo an priesthood eo An em̧ōj letok, im kajoor eo An, eo jej bōk jān ad kejparok bujen ko ad Ippān.
Kōn jerbal in ijjino in jej kōttōpar n̄an kōm̧m̧ane tōprak eo eļap emaron̄ ilo kōjeram̧m̧an mour ko an kōrā ro im ajri ro kōn eria kein emen jej mije.
-
Mōn̄ā ko rōne kijen Ajri
-
Jerbal in lale ribōroro im nin̄nin̄ ej kab ļotak
-
Wā ko
-
Jeļāļo̧kjeņ
Etke jej mije kajoor ko ad, būruōd, im kein jerbal ko ilo juon jerbal in ijjino ipeļaakin laļin n̄an kōkm̧anm̧anļo̧k em̧m̧anļo̧k eo ilo ājmour an kōrā im ajri ro? Kōnke jej tōmak bwe eddōkļo̧k ilo aolepen laļin ej ijjinoe ippān kōrā im ajri ro. Būreejtōn Johnson ej katakin: “N̄e kwoj kōjeraam̧m̧an juon kōrā, kwoj kōjeram̧m̧an juon baam̧le, juon jukjuk in ped, juon laļ. N̄e kwoj kōjeram̧m̧an juon ajri, kwoj leļo̧k n̄an ilju im jakļaj.”
Āinwōt m̧ōttan jerbal in ijjino eo an aolepen laļin, Būreejtōnji eo Eoutiejtata ekar kōmālim $55.8 milien n̄an jibadbad ko tōl jān Kabun̄ in n̄an kōm̧ōkajļo̧k em̧m̧anļo̧k ilo m̧ōn̄ā ōne im ājmour ilo laļ ko 12 eļap aer aikuj. Ilo aer jerbal ippān doulul ko reļļap ejjab an kien, Kabun̄ in ekar jipan̄ būrokraam̧ ko me rejipan̄ ājmour eo im em̧m̧anļo̧k eo ilo mour an elōn̄ļo̧k jān 14 milien ajri ro im m̧am̧a ro rekaal im ro rej pojen wōr nejier ilo 2024.
Būreejtōn Camille N. Johnson ej loļo̧k juon jinen jilu ajri ilo juon iien ajeej m̧ōn̄ā ko ilo Costa Rica. “Ekar ļap an kam̧m̧oolol kōn m̧ōn̄ā n̄an ajri ro nejin rekwole,” Būreejtōn Johnson ej ba. “Ikar ba n̄an e bwe ij iakwe im, eļapļo̧k an aorōk, bwe Anij ej iakwe e.”
Mōttan juon Jibadbad Eļap an Aorōk
Ke n̄a (Būreejtōn Johnson) iaar etal n̄an Costa Rica iiō eo ļo̧k, ekar itok juon iien em̧m̧an n̄an aō jipan̄ ilo juon iien ajeej m̧ōn̄ā. Kar im̧we eō n̄an ioon elōn̄ kōrā im ajri ro im rekar itok n̄an bōk m̧ōn̄ā ko rem̧m̧an n̄an ājmour. Ikar bōk juon en̄jake alikkar bwe jekar kōm̧m̧ane ta eo Rilo̧mo̧o̧r enkar kōm̧m̧an bwe jen kōm̧m̧ane. Ikar ioon Yumana im ajri ro jilu nejin reaiboojoj. Kōrā in em̧ool ekar wia kake wūt ribbon ko ekar kōm̧m̧ani n̄an an maron̄ kakke n̄an baam̧le eo an. Ekar kam̧m̧oolol kōn m̧ōn̄ā ko n̄an ajri ro neij rekwole. Ikar ba n̄ane bwe ij iakwe im, eļapļo̧k an aorōk, bwe Anij ej iakwe. Yumana ekar bōk jipan̄ ilo ānbwin im jetōb ilo an kar en̄jake im kile iakwe eo an Anij.
Jej loe jerbal in ijjino in ipeļaakin laļin ej m̧ōttan jerbal in lo̧mo̧o̧r im mour indeeo. Ilo an armej bōk jipan̄ ilo ānbwin, jej kōjatdikdik im kōtmene ke renaaj en̄jaake iakwe eo an Irooj n̄an er im kōņaan deļo̧n̄e ak kam̧wilaļļo̧k juon bujen jemjerā Ippān.
Kijejeto ko n̄an kōkm̧anm̧anļo̧k ājmour im em̧m̧anļo̧k eo ilo ājmour an kōrā im ajri ro ej kakūrm̧ool eddo eo ekwojarjar n̄an kea im lale ro rej aikuj. Jerbal in ijjino in ej kōjeram̧m̧an armej ilo jekjek ko jet:
-
Ej kōļapļo̧k jeļā im jon̄an maron̄ ilo ļōmņak im kajoor ilo ānbwin ippān epepen eo ej walōn̄tak, jipan̄ er n̄an barāinwōt tōpar aurōkier ilo jetōb.
-
Ej kōpeļļo̧k jipan̄ n̄an ro ritūrid im ro m̧ōttad, elōn̄ iaer rekōnaan bar ekkatak wāween eo n̄an jipan̄ ajri ro nejier make.
-
Ej kōm̧m̧ane juon jerbal eo ej pedped ioon gospel me ej kwaļo̧k jerbal in jipan̄ ko eļap meļeļeier im iien ko rem̧m̧an n̄an jerbal in karejar n̄an kōrā ro, eļaptata kōrā ro rem̧m̧an ded.
Rum̧m̧an ded ro raan kein rekōņaan bōk koņaer ilo jerbal in eļap an aorōk, juon jerbal eo me ej kōm̧m̧an oktak em̧ool im oktak ilo laļin. Kōmij kōjatdikdik bwe jerbal in ijjino in ipeļaakin laļin enaaj jipan̄ sister ro lo bwe rej kadede ruwainene n̄an juon iaan jerbal ko reļļap ilo laļin: doulul eo ekwojarjar an Irooj n̄an kōrā ro ilo Kabun̄ eo An em̧ōj an jepļaaktok, ej Doulul eo an Kōrā ro.
Kōmij tōmak bwe jerbal in ijjino in ipeļaakin in laļin enaaj im̧we membōr ro ad im ro m̧ōttad n̄an jerbal ilo jukjuk in ped ko aer. Kōmij kōjatdikdik n̄an loe bwe:
-
Kabun̄ eo an Jisōs Kraist im Armej ro Rekwojarjar ilo Raan Ko Āliktata ej kōm̧ōkaj apan̄ ko rej jelōt kōrā ro im ajri ro im ajeļo̧k kein jerbal ko n̄an kōkm̧anm̧anļo̧k ājmour im em̧m̧anļo̧k eo mour ko aer.
-
Kabun̄ in im Doulul eo an Kōrā ro ilowaan rej ritōl ro an aolepen laļin ilo m̧admōde apan̄ ko ilo mour ko an armej.
-
Doulul eo an Kōrā ro ej tōl im ejaak kōn kōrā ro rej kōkm̧anm̧anļo̧k mour ko an kajjojo armej, baam̧le ko, im jukjuk in ped ko.
Menin ej kab jinoun juon men eļap im ļap me enaaj jipan̄ kōjeraam̧m̧an mour ko an elōn̄ armej ro renaaj leļo̧k im bōk jipan̄ eo an Rilo̧mo̧o̧r rainin, im ilo elōn̄ iiō ko rej itok, ilo an jerbal in ijjino in an aolepen laļin wōnm̧aanļo̧k im eddōkļo̧k.
Juon rijerbal etijem̧ļo̧k ilo medical ej etale juon ajri ilo Philippines. Mōn̄ā ko rōne kijen ajri ej juon iaan eria ko emen jej mije n̄an jerbal in ijjino ipeļaakin laļin an Kabun̄ in n̄an kōkm̧anm̧anļo̧k em̧m̧anļo̧k eo ilo ājmour an kōrā im ajri ro?
Ilowaan Jerbal in Im̧we ko Ad
N̄an jon̄e ilo aolepen laļin, Kabun̄ in ilo aolepen laļin ej ņa jikin kajjojo iaad membōr ro ilo kakobaik doulul ko im retijem̧ļo̧k ilo ņa mejļan jorāān ko reļļap ilo jikin ko rettoļo̧k. Bōtaab jerbal ko n̄an jipan̄ armej rej kōm̧m̧an ijo epaake m̧weo im̧ōm̧ ilo am̧ tōpareļo̧k ro itūrin wōrwōr eo am̧ ak ro ilo turājet in iaļ eo. Kwoj mour kake bujen ko am̧ ilo am̧ bōk koņaam̧ ilo jerbal in ad ipeļaakin laļin n̄e kwoj jerbal kōn tūriam̧o an Kraist im kea kōn ro ilo baam̧le eo am̧ make, ro ritūrūm̧, im jukjuk in ped ko.
Komaron̄ jab maron̄ in kōm̧m̧ane bōro̧o̧jin m̧weo im̧ōn juon ritūrum̧ ak etal n̄an bar juon laļ oktak n̄an karreoki lowaan m̧oko m̧ōn armej ālkin an kar waļok juon ļan̄ ekajoor, bōtaab komaron̄ riit n̄an juon ajri, ron̄jake juon m̧ōttam̧ eo ej apan̄ n̄ane, ak leļo̧k joortak ko? Aolep kijejeto ko rej ļap tokjeer im aorōk ilo jerbal in n̄an kea kōn ro rej aikuj. Kom̧m̧ool kōn am̧ āinwōt juon to in ekkeijel eo im ro jet remaron̄ bōk jipan̄ eo an Rilo̧mo̧o̧r ilo am̧ erom̧ pā ko Pein remera, nā ko Neen rem̧ōkaj, lo̧jiln̄i ko An rej ron̄jake, tie in ekōnono ko An rejouj.
Ilo an Kabun̄ in boktok doulul ko ippān doon n̄an jipan̄ ilo ājmour im em̧m̧anļo̧k eo ilo ājmour an kōrā ro im ajri ro ilo elōn̄ laļ ko, sister ro ilo Doulul eo an Kōrā ro rej boktok armej ro n̄an kwaļo̧k apan̄ ko ilo jukjuk in ped ko aer make. Kōrā ro ilo Doulul eo an Kōrā ro rej karōki aikuj ko, ain kein jipan̄ ko, im jipan̄ ņa mejļan apan̄ ko. Im jej kōm̧m̧ane menin kōn jipan̄ eo an Jetōb, jej boktok iakwe im jipan̄ eo an Jisōs Kraist n̄an aolepen ajri ro nejin Anij.
Loe aikuj ko an rilikin ro ilo Milan, Italy, sister ro ilo Doulul eo an Kōrā ro rekar karōke juon iien em̧m̧an n̄an jerbal in jipan̄ n̄an leļo̧k aer nuknuk ko im men ko kobban m̧weo. Jet sister rekar ajeļo̧k m̧weik ko em̧ōj aer kōjerbali, ak ro jet rekar karōki im karreoki menin leļo̧k ko. Kajjojo iaan menin leļo̧k ko an sister ro ekar aurōk. Sister ro ilo Doulul eo an Kōrā ro rekar jipan̄ rilotok ro en̄jake iakwe eo an Jisōs Kraist ilo aer kar itok n̄an donation center eo. Monia, juon sister ilo Doulul eo an Kōrā ro ilo jikin eo, ekar ba, “Jān men ko reddik ej waļo̧k men ko reļļap, Im jemaron̄ kōjeraam̧m̧an armej ro ilowaan im itulik in Kabun̄ in. Ej gospel in ilo an em̧m̧akūt.”
Ekōnono n̄an Doulul eo an Kōrā ro ej kab ejaak, Rikanaan Josep Smith ekar ba n̄an sister ro, “Kwōj pād kiiō ilo juon jōkjōk me komaron̄ m̧akūtkūt ekkar n̄an en̄jake ko me Anij ear likit ilo kom̧.”
Ak ilo Guadalajara, Mexico, Sister Yee ekar ekkatak kōn im kar loe elōn̄ waanjon̄o̧k ko rem̧m̧antata ilo an sister ro em̧m̧akūt ekkar n̄an en̄jake ko ilo aer kappukot n̄an kōtōprak juon aikuj ilo jikin eo.
Juon sister āinwōt ekar Sister Pulido, eo ekar loe aikuj eo ilo hospital eo ilo jikin eo n̄an jipan̄ baam̧le im kajjojo armej ro rekar itok jān jikin ko rettoļo̧k im rekar aikuj m̧ōn̄ā im nuknuk ko ilo aer kōttar an m̧ōj aer taktō. Ekar aintok 120 sister ro ilo Doulul eo an Kōrā ro, elōn̄ mijenede ro, im ro jet ilo jukjuk in ped eo n̄an kappukot menin letok ko an m̧ōn̄a, dren, ko̧o̧j, im nuknuk ko. Emaron̄ 1,500 armej rekar leļo̧k menin leļo̧k ko, im sister ro im ro jet rekar kōpooji m̧ōn̄ā in rālep ko im m̧ōn̄ā ko n̄an ekepaak 1,200 armej ro. Menin leļo̧k ko kar leļo̧ki n̄an ro rekar kōttar n̄an iien eo aer n̄an taktō ilo hospital eo.
Sister in ekar ba ekar kōm̧m̧ane menin kōnke ekar tūriam̧o kōn armej rein. Kōn denin kemjaaļaļ ilo mejen, ekar ettā ilo an kōmeļeļe bwe ekar bar juon iaan armej ro rej kōttar ilo hospital ke ļāeo pāleen ekar itok n̄an taktō kōn nan̄inmej in kāānjōr. Ekar ba kōjeraam̧m̧an eo im ikdeelel eo eļap ippān ej n̄an jerbal in karejar āinwōt an Rilo̧mo̧o̧r naaj kar kōm̧m̧ane.
Boktok Jipan̄ eo an Rilo̧mo̧o̧r.
Sister ro, em̧ōj lōke kōj kōn jerbal in ekwojarjar n̄an boktok jipan̄ eo an Rilo̧mo̧o̧r—ilo ānbwin im jetōb—n̄an aolepen laļin. Im jej kōm̧m̧ane menin ilo ad ļōmņak kōn ro reipaake kōj. Menin ej juon menin letok im kōjeraam̧m̧an. Bōk koņaad ilo jerbal in ijjino in ipeļaakin laļin n̄an kōkm̧anm̧anļo̧k ājmour eo ilo kōrā ro im ajri ro ej juon iaan en̄jake ko rellōn̄, ko rej kepaakeļo̧k kōj n̄an Rilo̧mo̧or. Kōm̧m̧an āinwōt An nej kar, jej en̄jake iakwe eo An; im ikdeelel eo ad im ad kallim̧ūr n̄an, juon bujen jemjerā eo Ippān ej eddōkļo̧k.
Kom̧m̧ool kōn am̧ jipan̄ kōm boktok iakwe im jipan̄ eo an Jisōs Kraist n̄an sister ro im brother ro ad aolep jikin.
Ilo kajjeon̄ n̄an āinwōt Jisōs Kraist, men eo aurōktata emenin aikuj n̄an kōj āinwōt rijilōk ro An ej n̄an kile aikuj ko an kajjojo armej ro reipaake kōj im em̧m̧akūt kōn kijenmej im iakwe.
Būreejtōn Russell M. Nelson ekar ba n̄an kōj ilo Nokon eo an Doulul eo an Kōrā ro Ipaļaakin Laļin, “Ij kōjeraam̧m̧an eok n̄an kile bwe menin letok kwojarjar ko am̧ āinwōt leddik eo nejin Anij lewaj kajoor jab wōt n̄an ukōt mour ko ak n̄an ukōt laļ in!”
En̄in ej eddo eo ad eļap!
Ej juon iien aiboojoj n̄an erom̧ kōrā in bujen ro im ro uwaan juon doulul me ej boktok jipan̄ eo an Rilo̧mo̧o̧r—ilo ānbwin im jetōb—n̄an ro jeid im jatid ipeļaakin laļin. Kōttōpar eo eļap im aurōktata ilo leļo̧k jipan̄ im un̄n̄are peid make ej n̄an kōpooje iaļ eo n̄an an ro jeid im jatid bōk ikdeelel eo im iakwe eo im tūriam̧o eo eped n̄an ro rej kōm̧m̧an im kōjparok bujen ko ippān Anij.
Kōmij kwaļo̧k am naan in kam̧ool bwe Jisōs Kraist ej jipan̄ eo im bwe jipan̄ eo E ej letok ejjeļo̧k jem̧ļo̧kin.