Jekjek ko Reļam waan n̄an Erom̧ Eļapļo̧k Āinwōt Kraist ilo Ad Jerbal in Karejar

Jān Francisco Lázaro Campos de Sousa, Brazil

Ilo juon iien kweilo̧k an būreejtōnji eo an doulul eo an em̧maan ro, ikar en̄jake juon ikdeelel n̄an loļo̧k juon em̧m̧aan eo ekar jab niknik tok, juon eo ijjan̄in kar ioone. Juon raan ālikin aō kar wia ikar en̄jake bwe in ekkairirļo̧k n̄an m̧weo im̧ōn. Ikar āliklik, bōtaab en̄jaake eo n̄an ioone em̧maan in ekar kajoorļo̧k. Ikar kwaļo̧k kajjeō n̄ane im kar ba ta eo ekar itok n̄an kōļmenļo̧kijeņ eo aō. Ikar ba n̄ane bwe Irooj ej aikuji, im ej aikuji Irooj.

Ekar kwaļo̧k an metak jān an ajimakeke im apan̄ ko jet. “Kwonaaj elolo m̧ōttam̧ ilo doulul eo an em̧m̧aan ro, ro im renaaj jipan̄ im rie eok,” ikar ba n̄ane. Ekar m̧ōkaj im errā ilo kūr eo aō im kar kobatok ilo kweilo̧k ko ilo raan in Jabōt.

Ikar jab jeļā kar kajjeen m̧okta, bōtaab Irooj ekar jeļā im ekar en̄jake ilo būruōn. Men eo ikar en̄jake ekar m̧ool. Ilo ad jerbal in karejar n̄an ajri ro nejin Jemed im jar n̄an jeļā aikuj ko aer, Irooj enaaj tōlļo̧k kōj n̄an er. Jej jim̧ōr en̄jake menin ekam̧ōņōņō in ”kotak lōn̄ļo̧k pā ko rej allitoto, im kōkajoor bukwe ko rem̧ōjņo” (Katak im Bujen Ko 81:5).

Jān Ana Rodriguez Ramirez, Spain

Juon raan ilo mijen eo aō, kom̧ro mijenede eo m̧ōtta ekar en̄jake n̄an loļo̧k juon sister ilo ward eo. Kom̧ro ekar m̧wijit pepa ko im kōm̧m̧an jekjek in menono im je naan ko ie n̄an kakeemejmej e kōn jon̄an aorōkin.

Kom̧ro ekar tōprakļo̧k m̧weo im̧ōn, ļōmņak ke en kar jako m̧weo. Ke kom̧ro ekar karōke jekjek in menono ko, wa eo waan ej bōjrak tok m̧weo. Kom̧ro mijenede eo m̧ōtta ekar kajjeon̄ ņooje bwe en jab loe, bōtaab ekar ejjeļo̧k tōprak. Ekar loe kom̧ro.

Sister eo ekar diwōj jān wa eo waan kōn drenin kemjaaļaļ ilo mejen. Ekar atabo̧kwij kom̧ro im ba, “Komiro ej enjeļ ro aō. Aolep iien kwoj ped n̄e ij ļap aō aikuji kom̧. Kom̧m̧ool.”

Ekar kadeļo̧n̄ kom̧ro im ba n̄an kom̧ro kōn juon raan aitok kōn juon jekjek enana an baam̧le eo an. Kom̧ro ekar ron̄jake wōt. Kom̧ro ekar kwaļo̧k eo jon̄an an Anij iakwe e im bwe E ejjab meļo̧kļo̧k ta eo ej ioone. Kom̧ro ekar riiti jeje ko rekwojarjar ippen, im m̧weo im̧ōn ekar obrak kōn Jetōb Kwojarjar ke kom̧ro ej etal jene.

Rijilōk ro an Jisōs Kraist rej “m̧ōņōņō in kaenōm̧m̧an ro rej pād ilo aikuj in aenōm̧m̧an” (Mosiah 18:9). E ej lōke kōj n̄an erom̧ m̧ōttan jerbal in karejar eo An eļap—eutiejļok im ekwojarjarļok. N̄e jej bōk ad iien n̄an jeļā kajjeen armej ro im ron̄jake er, eļapļo̧k ad pojak n̄an erom̧ enjeļ ro an Anij ilo laļin.

Jān Talia Rodríguez, Switzerland

Jar ej juon m̧ōttan eo aorōk in jerbal in karejar āinwōt Rilo̧mo̧o̧r. Jar emaron̄ jinoe kappukot eo ad n̄an jeļā wōn jen kōjeraam̧m̧an e. Emaron̄ jipan̄ kōj itok n̄an meļeļe ankilaan lan̄ ikkijeen wāween kōjeraam̧m̧an. Jar ej barāinwōt juon bun̄tōn eo aorōk ilo ekkatak wāween kōm̧m̧ani jerbal ko ad.

Ļeo ippa, Mario, ekar en̄taan kōn COVID ilo jinoun an waļo̧k nan̄inmej in m̧okta jān an kar wōr uno ko. Bisop eo ekar kajjitōk ippān juon elder ilo ward eo, Moronai, n̄an etal im leļo̧k kōjeraam̧m̧an in priesthood.

Kōnke ekar jab kōņaan bōk nan̄inmej eo im kajeeded e n̄an baam̧le eo an, Moronai ekar aikuji uwaak eo jān lan̄ m̧okta jān an wōnm̧aanļo̧k. Ekar juubkwe ilo jar ippān kōrā eo pāleen, kōttar n̄an juon alikkar ekaennōm̧m̧an. Ke rekar en̄jake aenōm̧m̧an, kōrā eo pāleen ekar ba n̄ane, “Etal kōn kejparok, Moronai.”

Ke ekar deļo̧n̄e m̧weo im̧ōm, kom̧ro ekar loe juon ritariņae an Irooj. Ļeo ippa ekar jan̄ kōn lan̄lōn̄ ke ekar loe brother eo ekar peran ilo an leļo̧k kōjeraam̧m̧an eo ekar kōņaan bōke. Ekar juon en̄jake epen kōmeļeļeiki.

Rilo̧mo̧o̧r ekar itok ilo rijerbal eo An, n̄an brother eo amim ejitōnbōro, eo ekar likūt pā ko pein ioon bōran Mario im kōjeraam̧m̧ane āinwōt an nej kar Kraist kōm̧m̧ane.

Jān Geiziane Morais Freitas Duarte, Brazil

Juon iien iaar jerbal in karejar n̄an juon sister eo ear bōjrak an itok im jar. Ke ikar loļo̧k e, ij kwaļo̧k n̄an e jon̄an an Irooj iakwe e im baam̧le eo an. Ij karuwaineneiki er aolep iien n̄an itok im jar Jabōt eo tok juon. Menin ekar to kitien kōm̧m̧ane, ak rekar jab itok. Ikar en̄jake pere. Kapo eo n̄an bōjrak ekar kajoor. Ak aolep iien kom̧ro kam̧pānien eo aō ej loļo̧k m̧weo im̧weer, ekar wōr kōttōpar in mour indeeo. Aolep iien jej pijaikiļo̧k aer ped ilo tampeļ, ekkōņak nuknuk mouj. Kom̧ro ekar jeļā bwe kemij aikuj kar kajjeon̄ wōt.

Ālkin elōn̄ jar ko im loļo̧k ko, raan eo ekar āliktata itok—baam̧le eo ekar itok im jar! Rekar itok wōt kajjojo wiik. Baam̧le eo ekar ļap aer kate er n̄an kaddōkļo̧k tōmak eo aer im ped ilo iaļaņ bujen eo. Ekar alikkar bwe gospel in ekar kōkajoor er.

Āliktata, ikar bōk juon kūr n̄an iien liāp eo aer ilo tampeļ. Ke ikar lale kain̄i eo ekwojarjar, ikar jab maron̄ kabōjrak an to̧o̧r drenin kemjaaļaļ in lan̄lōn̄. Ekar juon menin bwilōn̄.

Elōn̄ iien ko ikar kōņaan ebbweer. Ak aolep iien aō loļo̧k er, ij loe tampeļ eo. Anij ekar kwaļo̧k n̄an eō jidikin karōk eo An n̄an baam̧le in. E ekar kōjerbale eō āinwōt juon An kein jerbal n̄an tōparļo̧k wōt baam̧le in. Ij kam̧m̧oolol E kōn An kwaļo̧k n̄an eō erreiļo̧k eo em̧ool kōn jerbal in karejar.

Lan̄lōn̄ eo im kajoor in jerbal in karejar rej waļo̧k n̄e jej erom̧ juon kōjeram̧m̧an ilo mour eo an juon armej, jerbal n̄an er āinwōt an nej kar Rilo̧mo̧or kōm̧m̧ane. Būreejtōnji eo Eļap an Doulul an Kōrā ro Camille N. Johnson ekar katakin bwe “jabdewōt iien eo kwoj kōm̧m̧ane jabdewōt men n̄an boktok jipan̄ n̄an ro jet—ilo mour in ak mour in jetōb— … kwoj boktok n̄an er iakwe eo an Jisōs Kraist. Ij kam̧ool bwe ilo am̧ kōm̧m̧ane, kwonaaj jeram̧m̧an n̄an lo jipan̄ n̄an eok make ilo E.”

Ej ļapļo̧k ad erom̧ Rilo̧mo̧o̧r ilo jerbal in karejar eo ad ilo ad jitļo̧k n̄an Irooj n̄an jipan̄ ilo kijejeto ko ad. Jej ļoor im̧we ko, jeļā kajjeen ro jej jerbal ippāer, jar kake er, jipan̄ er kōm̧m̧ani im kejparok bujen ko, im kate kōj ilo kijejeto ko ad.

Jerbal in karejar eo an Rilo̧mo̧o̧r—juon illak juon—ej juon jon̄o̧k em̧man n̄an kōj make (lale 3 Nipai 11:15). Āinwōt an Elder Juan Pablo Villar jān Jiljilimjuonn̄oul kar katakin: “Eļan̄n̄e jej ļoor Jisōs Kraist—Maajta rikaki eo—im jerbal in karejar n̄an ro jet āinwōt An nej kar kōm̧m̧ane, Enaaj kōkajoor im kappeik kōj. Ilo jerbal in karejar eo ad, jemaron̄ kōjeram̧m̧an mour ko an ro jet im lo aenōm̧m̧an im m̧ōņōņō n̄an kōj make.”