Juon Leta n̄an ro Epen Aer Joļo̧k Bōd

Ro m̧ōtta rejitōnbōro,

Metak ak ļōkatip emaron̄ in juon en̄jake an aolep. Armej ro ipeļaakid ekkā aer ba ak kōm̧mani men ko rej kallu kōj, kajjirere, ļōkatip, dike, ak jab kam̧m̧oolol.

Elōn̄ iiō ko remootļo̧k, ikar metak jān juon eo ilo kabun̄ in. Ikar illu im inepata, im ikar kōņaan bwe armej eo en jeorļo̧k an bōd, ak ekar jab. Ikar kajjieon̄ meļo̧kļo̧ke ta eo ekar waļo̧k, ļōmņak bwe metak im illu eo aō renkar makonļo̧k.

Bōtaab ikar ineek en̄jaake in illu ko ippa ilo elōn̄ iiō ko. Ekar pen an jako aō matōrtōr armej eo.

Juon raan ikar ekōnono kake menin ippān juon m̧ōtta. Juon ļōmņak eaar itok n̄an būruō:

Jeorļo̧k bōd.

Jetōb ekar im̧we eō n̄an jeorļok an armej in bōd eo ikar dāpiji aō matōrtōre. Ikar bwilōn̄

Ekōjkan ao naaj aikuj jeorļo̧k an armej in bōd? Ña eo rekar kōmetak e, kōn menin n̄a eo rej aikuj jeorļo̧k bōd ippān.

Ikar apan̄ kōn im̧we in ilo juon iien aitok kitien. Ijowōtke, ikar kejokļo̧kijeņ kōn waanjon̄o̧k eo an Rilo̧mo̧o̧r eo aō im katak ko An kōn jeorļok bōd.

“Bwe eļan̄n̄e kom̧ij jeorļo̧k bōd ko an armej, barāinwōt Jememwōj i lan̄ E naaj jeorļo̧k bōd ko ami:

“Bwe eļan̄n̄e kom̗ij jol̗o̗k bōd ko an ro jet n̄ae kom̗, Jemāmi ilan̄ enaaj joļo̧k ami bōd” (Matu 6:14–15).

Barāinwōt ioon dōbwāāl eo, Rilo̧mo̧o̧r ekar akweļap ippān Jemen n̄an jeorļo̧k an ritariņae ro rekar dōbwāāle E bōd (lale Luk 23:34).

Ij barāinwōt keememej kūr eo an Būreejtōn Russell M. Nelson n̄an “kōjerbal ettā bōro, peran, im kajoor eo emenin aikuj jim̧or n̄an jeorļo̧k bōd im n̄an kappukot jeorļo̧k bōd. …

“… Eļan̄n̄e jeorļo̧k bōd kiiō āinwōt epen, akweļap kōn kajoor kōn bōtōktōk in pinmuur eo an Jisōs Kraist n̄an jipan̄ kom̧.”

Kōn menin ilo kōļmenļo̧kijeņ, ekar ļap aō jar. Ikar jar n̄an Jema Ilan̄, ba, “Eļan̄n̄e ej Ankilaam bwe in jeorļo̧k an armej in bōd, kōpeļļo̧k kōjem ko im jipan̄ eō kōm̧m̧an bwe en tōprak, kōnke ejjeļo̧k kajoor ippa n̄an make kōm̧m̧ane.”

Raan eo tok juon ilo jikin jar, ikar jelm̧aiki armej eo ekar kōmetak eō. Kar tōl jān Jetōb, ikar en̄jake bwe ij aikuj aer jeorļo̧k aō bōd. Ikar jeorļo̧k bōd bwe ikar jab juon m̧ōttā eo em̧m̧an ilo elōn̄ iien ko im kar kajjitōk aer jeorļo̧k aō bōd. Rekar, im n̄an bar kōrooltok rekar kajjitōk aō jeorļo̧k aer bōd kōn ta eo rekar kōm̧mane. Ikar jeorļo̧k aer bōd.

Ikar en̄jake aō emerara ke ij etal. En̄jake ko aō remetak rekar jab aolep jako juon ot iien, bōtaab ekar em̧m̧anļo̧k aō en̄jake. Ikar rōļo̧k jān metak eo im būrom̧ōj eo ekar jelōt eō ilo juon iien aitok. Imaron̄ kiiō wōnm̧aanļo̧k kōn aenōm̧m̧an.

Jet iien āinwōt epen n̄an jeorļo̧k bōd. Bōtaab dāpdep wōt illu ej kōmetak kōj m̧aanļo̧k. Jemedwōj Ilan̄ ejjab kōņaan bwe jen en̄taan kōn metak, būrom̧ōj, im illu bwe Jisōs em̧ōj an kōļļāiki n̄an kōj bwe jen anjo̧ jene. Kōnke E ej iakwe kōj, E ekōņaan bwe jen en̄jake lan̄lōn̄

Mōtta, jouj im m̧ōņōņō in bōjrak jān eddo ko kwoj dābiji. Leļo̧ki n̄an Rilo̧mo̧o̧r im kadeļo̧n̄e iakwe eo An ilo mour eo am̧. Jab kāālet n̄an metak wōt. Ijjelo̧kin kāālet E.

Sister Kristin M. Yee, Rikakpilōklōk eo Kein Karuo ilo Būreejtōnji eo Euteij ilo Doulul eo an Kōrā ro, ekar kam̧ool: “Irooj ej aikuji ad jeorļo̧k bōd n̄an em̧m̧anļo̧k eo ad make. Bōtaab Ejjab kajjitōk ippād n̄an kōm̧m̧an ilo An jab jipan̄, An iakwe, An meļeļe. Kōn bujen ko ad ippān Irooj, kōj kajjojo jemaron̄ bōk kajoor in kōkajoorļo̧k eo, tōl, im jipan̄ eo jej aikuji n̄an jim̧or jeorļo̧k bōd im n̄an joļo̧k bōd.”

Ro m̧ōtta rejitōnbōro, eļap rej iakwe eok. Iaļ eo am̧ n̄an jeorļo̧k bōd emaron̄ jab āinwōt eo aō. Bōtaab kōnke jej aolep ajri ro nejin Anij im eļap iakwe kōj, E ej kea kōn kajjojo iaad, ekkar n̄an aikuj ko ad make. E enaaj kwaļo̧k n̄an kōj wāween kōmour, men̄e ebōk iien.

Ij kōjatdikdik bwe kwoj kappukot jeorļo̧k bōd eo jetōb eo am̧ eļap an aikuji. Ij kōjatdikdik bwe naan ko aō rejipan̄ eok, ak eo eļapļo̧k an aurōk, ij kōjatdikdik bwe Jetōb ekar kam̧ool n̄an eok kōn m̧ool eo bwe Rilo̧mo̧o̧r emaron̄ boktok n̄an kōj aenōm̧m̧an, emerara, im likieo.

Kōn iakwe,

Eo m̧ōttam̧