Uwaake Kajjitōk eo Eļap: Koṃij Ļōmṇak Ta Kōn Ri Kraist?

Visōn in kar kōmeļeļeiki ilo Katak im Bujen Ko 76 ej kwaļo̧k aorōkin m̧ool ko reaorōk kōn Jisōs Kraist:

• “Irooj ej Anij, im ijjelo̧kin E ebar ejjeļo̧k Rilo̧mo̧o̧r” (eoon 1).

• E ej “Ij tūriam̧o im jouj n̄an ro rej mijak [E], im itok-limo n̄an kautiej ro rej jerbal n̄an [E] ilo jim̧we” (eoon 5).

• “E eaar itok ilo laļ in … n̄an ineek jero̧wiwi ko an laļ, im n̄an kakwōjarjare laļ in, im n̄an karreoiki e jān aolep jab weeppān; bwe kōn E aolep ren maron̄ mour ro Jemān eear likūt ilo kajoor eo An im kar kōm̧anm̧an jān E” (eoon 41–42).

• Im āliktata Jisōs Kraist “kar jerbale jān pinmuur weeppān in kōn kōto̧o̧rļo̧k in bōtōktōkin make” (eoon 69).

Josep im Sidney rekar peran ilo aer kam̧ool kōn m̧ool in im aorōkin Jisōs Kraist.

“Ej mour!

“Bwe kōm ar lo E, em̧ool ituanbwijmaron̄ in Anij; im kōm ar ron̄ ainikien eo ej kam̧ool bwe E ej eo Nejin Emake Keotak in Jemān—

“Bwe jān E, im kōn E, im ilo E, laļ ko rej im rekar ejaak, im ro rej pād ie rej m̧aan im kōrā ro nejin keotak n̄an Anijd” (eoon 22–24).

Jisōs Kraist enaaj lo̧mo̧o̧ren “aolep ijjeļo̧kun wōt [ro nejin ko̧kkure]” (Katak im Bujen Ko 76:44). Aolepeer em̧ōj aer uwaake kajjitōk eo “Ta am̧ ļōmņak kōn Kraist?” ilo aer kajekdoon Jetōb Kwojarjar im kariab im jab pokake Jisōs Kraist im kajoor eo An ālkin An kar waļo̧k n̄an er (lale eoon 43). Ilo kōm̧m̧ane menin, rekar “debwāāle e n̄an er make im likūt E n̄an kajjookok etoojlo̧k” (eoon 35).

Ekōjkan an ro ilo aelōn̄ in telestial uwaake kajjitōk eo “Koṃij ḷōmṇak ta kōn Ri Kraist? Rekar kāālet n̄an kejool gospel in im “naan in kam̧ool kōn Jisōs” (Katak im Bujen Ko 76:82, 101), im rekar kejool kien ko An, erom̧ ro “reriab, im rianijnij, im riļōn̄, im rijuwaļōn̄ļōn̄” (eoon 103).

Jekdoon ta, rej bōk jerkakpeje im juon jon̄an aiboojoj me “eļļāļo̧k jān aolep jeļā” (eoon 89). Rej ļoor juon kakien ilo aelōn̄ in telestial (lale Katak im Bujen Ko 88:36) aikuji an aolep “bun̄badik ilo bukwier, im lo otemjej naaj kwaļo̧k n̄an E eo ej jijet ioon tūroon eo indeeo im indeeo” (Katak im Bujen Ko 76:110).

Elmen an ro ilo aelōn̄ in terrestrial uwaake kajjitōk eo “Koṃij ḷōmṇak ta kōn Ri Kraist? Ilo an wōr juon aer “naan in kam̧ool kōn Jisōs,” er rej “jab kajoor” ilo menin; “kōn menin rej jab bōk kūrawūn eo ioon aelōn̄ eo an ad Anij” (eoon 79). Rej jeram̧m̧an n̄an “bōk iiaio eo an eo Nejin, ak jab jān dipiio jān Jemān” (eoon 77).

Jisōs Kraist im gospel eo An ejjeļo̧k jem̧ļo̧kin rej māllijon̄e kōj n̄an jab wōt jeļā ak barāinwōt n̄an kōm̧m̧ane im n̄an erom̧. N̄an bōk dipio in aiboojoj eo an Jemād im Nejin, juon eaikuj bōk kain̄i ko an tampeļ im tiljek n̄an bujen ko. Rikanaan Josep Smith ekar kalikkare: “Eļan̄n̄e juon armej ej bōk tarlep in priesthood eo an Anij, e ej bōke ilo ejja jekjek eo wōt me Jisōs Kraist ekar bōke, im bwe ej n̄an kōjparok aolepen kien ko im pokake aolep kain̄i ko an m̧weo im̧ōn Irooj.” Armej ro ilo aiboojoj an iju kaņ rejjab kōņaan bōk dipio in aiboojoj eo an Jemād.

Elmen an ro ilo aelōn̄ in selestial uwaake kajjitōk in “Koṃij ļōmṇak ta kōn Ri Kraist?? Rej bōk “naan in kam̧ool kōn Jisōs”; rej tōmak “ioon Etan;” rej “peptaij ālikin jekjek in kallib eo an, jān kar kallib ilo dān eo ilo Etan” (eoon 51). Rej “kōjparok kien ko [bwe] remaron̄ kwaļkoļ im karreo jān aolep jero̧wiwi ko aer, im bōk Jetōb Kwōjarjar jān likūt pā ko ioon jān eo kar kapiti im sili n̄an kajoor in” (eoon 52). Rej “anjo̧ ioon jān tōmak [ilo Irooj Jisōs Kraist], im rej sil jān Jetōb Kwojarjar in kallim̧ur” (eoon 53). Rej “koweeppān er kōn Jisōs rijojomar eo an bujen eo ekāāl, eo kar jerbale jān pinmuur eweeppān in kōn kōto̧o̧rļo̧k in bōtōktōkin make” (eoon 69).

Jisōs Kraist emeļeļe jerbal eo An ilo karōk in m̧ōņōņō eo an Jemān: “N̄a iaļ, im m̧ool, im mour. Ejjeļo̧k armej ej itok n̄an Jema, eļan̄n̄e jab kōn Eō” (Jon 14:6). Ejjeļo̧k juon ej bōk aiboojoj in Selestial ak dipio in Jemān ilo an jab bōk aolepen men ko Rilo̧mo̧o̧r ej letok kōn Pinmuur eo An (lale Katak im Bujen Ko 84:37–38): Iakwe eo An, kajoor, tūriam̧o, jouj, rijerbal ro, ekajet, kien ko, kain̄i ko, im bujen ko.

Būreejtōn Russell M. Nelson ej kwaļo̧k jerbal eo an Kabun̄ eo an Jisōs Kraist n̄an jipan̄ ajri ro nejin Anij bōk mour indeeo: “Jibadbad in kar an Kabun̄ in ium̧win juon iien eaitok ej n̄an jipan̄ aolep membōr ro kōļapļo̧k tōmak eo aer ilo ad Irooj Jisōs Kraist im ilo Pinmuur eo An, n̄an jipan̄ er ilo kōm̧m̧an im kōjparok bujen ko aer ippān Anij, im n̄an kōkajoorļo̧k im liāpe baam̧le ko aer.”

Būreejtōn Nelson ekar rojan̄ kōj n̄an kōm̧m̧an bwe aelōn̄ in selestial en ad juon kōttōpar indeeo, “likkuun ļōmņak kōn ia eo kāālet ko [ad] ioon laļ in renaaj likūt [kōj] ilo laļ eo ej itok.” Jān wōt ad uwaake kūr in, jenaaj pojak n̄an uwaake kajjitōk eo eļap “Koṃij ļōmṇak ta kōn Ri Kraist?

Visōn eo kōn aiboojoj in laļ ko ej kalikkar n̄an kōj bwe anemkwoj in kāālet ejjab wōt m̧ool ak ej barāinwōt bwe kāālet ko ad rej likkuun m̧ool aorōk. Ej barāinwōt kakeemejmej kōj bwe, kōn wōt Jisōs Kraist, jej “lo̧mo̧o̧r jān wōtlo̧k eo” im “anemkwoj indeeo … n̄an kāālet anemkwōj im mour indeeo, kōn Rijojomar eo an armej otemjeļo̧k, ak n̄an kāālet kōm̧akoko im kajoor eo an devil” (2 Nipai 2:26–27). Ta eo jenaaj kāālet e? Ilju im jakļaj eo ad ilo mour in im mour indeeo rej meram āinwōt tōmak eo ad ilo Kraist.