“Ij Ēn̄jake Aenōm̧m̧an ilo Būruō,” Liaona, Juļae 2025.
Pija ko kōn Tōmak
Ij Ēn̄jake Aenōm̧m̧an ilo Būruō
Āinwōt juon rijikuuļ in nurse, ikar en̄jake bwe ekar ejjeļo̧k aō iien n̄an kūr eo aō ilo Kabun̄ in im katak ko aō. Bōtaab ikar ekkatak ke ikar jodikdik bwe jerbal in jipan̄ im pokake kien ko an Anij rej tōl n̄an juon mour elem̧ōņōņō.
Pija ko jān Christina Smith
Jinoin aō jinotak erom̧ juon rūtto, ikar ļōmņak in kajenolo̧k eō make jān Kabun̄ eo an Jisōs Kraist im Armej ro Rekwojarjar ilo Raan Ko Āliktata. Ak ilo ejja iien eo wōt, ikar kile bwe ikar jab ļoore aolepen katak ko an Kabun̄ in. Ikar kāālet bwe eļan̄n̄e inaaj kajenolo̧k eō make jān Kabun̄ in, ikōņaan bwe en juon en̄jake eo em̧m̧an ippa.
Kōn menin, ikar kāālet bwe inaaj kar kajjeon̄ pokake men ko gospel in ej katakin. Innām tokālik, ikar en̄jaake itulowa bwe katak ko ejjeļo̧k kar meļeļeier, imaron̄ etal ilo ejjeļo̧k ajeļo̧k.
Kōn aolepen aō, “maron̄, ļōmņak, im kajoor” (Katak im Bujen Ko 4:2), ikar kajjieon̄ pokake ta eo Irooj ej katakin im kōttar ta eo enaaj waļo̧k. Ilo en̄jake eo, kar letok n̄an eō juon iien elem̧ōņōņō jon̄an an ļap ijjan̄in kar ioone m̧o̧kta. Jān aō kar ped wōt ilo Kabun̄ in, ikar en̄jake bwe imaron̄ mour juon mour elem̧ōņōņō, jeļā ta m̧ōņōņō eo em̧ool.
Ālkin men eo ekar waļo̧k, ikar kāālet n̄an etal im mijen im kwaļo̧k aeno̧m̧m̧an eo ikar en̄jake ilo būruō. Kōjekdoon apan̄ ko inaaj kar jelm̧ae, em̧ōj aō ekkatak bwe eļan̄n̄e inaaj jar n̄an Anij, E enaaj kajenolo̧k eō, letok n̄an eō kōjatdikdik, im jipan̄ eō meļeļe un ko n̄an men ko reppen ij iooni.
Ta Iakuj in Kōm̧m̧ane?
Āļkin mijen eo aō, ke ikar ekkatak n̄an erom juon nurse, ikar joļo̧k eļap iien kajjojo raan kōm̧m̧ane jerbal in kōmālmel ko an juon nurse. Ālkin wōt, ij kōm̧m̧an katak ko aō m̧ae 2:00 awa ak 3:00 awa jimarok. Innām ij kiiō kiki jidik m̧okta jān aō bar kōm̧m̧an eļap jerbal ilo jerbal in kōmālmel in nurse eo raan eo tok juon.
Ilo iien eo, ikar jerbal āinwōt juon būreejtōn an Likao ro. Ekar ben n̄an aō ekkatak im kakūrm̧ool kūr eo aō ilo Kabun̄ in. Ikar jeļā bwe eļan̄n̄e inaaj kajem̧ļo̧k kūr eo aō, ijoke, iban maron̄ katakin likao ro kōn aorōk in ļoor iaļ eo an Anij ak bōk kōjeraam̧m̧an ko em̧ōj An kepooji n̄an eō.
“Ta eo ij aikuj kōm̧m̧ane?” Ikar kajjitōk ippān Jema Ilan̄. “Ānbwinū im kemlij eo aō repokjaļjaļ, im ijjab tōmak ij kōm̧m̧ane kain jerbal eo kwōn kar kōm̧m̧an bwe in kōm̧m̧ane.”
Ālkin jar eo aō, ikar aenōm̧m̧an. Ikar en̄jake bwe Irooj ekar ba n̄an eō, “Ilo iien in kwoj joļo̧k ilo am̧ kate eok jerbal eļap an aorōk n̄an eok. Jikejuuļ eo am̧ eboub emaron̄ in ben, bōtaab eļan̄n̄e kwonaaj eļļā jān māllijon̄ in, inaaj kōjerbal eok n̄an kōjeram̧m̧an im jipan̄ elōn̄ ro jet ilju im jakļaj.
Uwaak in ekar letok n̄an eō peran bwe ewōr juon aō un aorōk, bwe n̄e inaaj niknik, inaaj maron̄ kōm̧m̧ane juon jerbal aorōk ilju im jakļaj.
Ikar kwaļo̧k n̄an likao ro eo jon̄an an ben jikuuļ n̄an eō. Bōtaab ikar bar ba n̄an er bwe Kabun̄ in im gospel eo rej aorōk im bwe rej aikuj ped ioļapļap in mour ko ad men̄e ewōr men ko reppen. Ikar kwaļo̧k iakwe eo aō n̄an er im jiron̄ er bwe ikar kate eō kakūrm̧ool kūr eo aō kōnke er rekar aorōk in wōt bar katak ko aō. Rekar drenin kemjaaļaļ kōnke m̧ool eo ilo men kein ekar un̄ūr būrueer.
Jeraam̧m̧an kōn Jerbal in Jipan̄
Ilo aō kar wōnm̧aanļo̧k im jerbal n̄an likao ro im katak er gospel in, ikar ļōmņak eļap kōn en̄jake ko aer ainwōt ro rerūtto rekapokpok ilo aer kobatok ilo kabun̄ in im ekkatak gospel in. Ikar mije ājmour eo aer ilo kōļmenļo̧kijeņ im kar jipan̄ er kōn aikuj ko aer make.
Jerbal ippān likao ro ekar jipan̄ eō ejaake juon maron̄ n̄an ekkatak im kile oktak dikdik ko ilo armej. Kiiō ke ij jerbal āinwōt juon nurse im ij lale elōn̄ rinan̄inmej ro, em̧ōj aō kōļapļo̧k maron̄ in n̄e ij ioon ro jet.
“Rinan̄inmej eo ej ba kwolikkuun meļeļe en̄jake ko an,” rijerbal ro m̧ōtta rej ba n̄an eo. Ak juon rinan̄inmej emaron̄ ba, “Ij loe bwe epidodo kenaan n̄an eok.”
Jerbal ilo kūr ko an Kabun̄ in ekar kōjeraam̧m̧an eō ilo m̧weo bar. Em̧ōj aō ekkatak n̄an kaorōk kōrā eo ippa ilo aō kar ekkatak n̄an kadikļo̧k aō ļōmņak kōn eō make.
“N̄e en kar n̄an Jemedwōj Ilan̄,” ij kajjitōk ippa make, “ekōjkan An maron̄ kōkajoorļo̧k baam̧le in, im ta eo ij aikuj kōm̧m̧ane n̄an katōprak men eo?”
Kōnke em̧ōj aō ekkatak kōn gospel in kōn aolepen būruō, ijelā ekōjkan im etke ij aikuj katakin ajri ro nejū bwe Kabun̄ in eaorōk. Kom̧ro kōrā eo pāleeo ejeļā wāween naajdrik baam̧le eo amim ilo jetōb kōnke kōm ekar pedped e katak ko amim ilo katak ko an Rilo̧mo̧o̧r.
Ij en̄jaake kōjatdikdik im aenōm̧man ilo būruō jān aō ļoore katak ko an Irooj im ron̄jake im̧we ko An. E ekar pād ippa jān jinoin, kōjeraam̧m̧an eō kōn pokake im kūr ko aō n̄an kōjeraam̧m̧an im jipan̄ ro jet. Mekarta apan̄ ko, ikar kōņaan mour ilo juon jekjek eo me imaro̧n̄ kōm̧m̧ane ta eo Jisōs Kraist ekōņaan (lale 2 Nipai 32:3).