“Naan in Kapilōk eo Aō n̄an Rum̧m̧an Ded ro kōn Jerā im M̧are,” Liaona, Juļae 2025.
Rūm̧m̧an Ded ro
Naan in Kapilōk eo Aō n̄an Rum̧m̧an Ded ro kōn Jerā im M̧are
Jerā ej juon wāween n̄an jeļā eļan̄n̄e juon armej ej armej eo ejim̧we n̄an ijjinoe juon iaļan jibadek aitok ippān.
kōmeļeļe ko jān Stephen Neilsen
Ikōņaan ļōmņak kōn jerā āinwōt juon kein jerbal.
Kein jerbal ko rej jipan̄ eok katōprak juon kōttōpar. Unin jerā ej n̄an ejaake jemjerā ko me renaaj tōl n̄an m̧are im, wōnm̧aanļo̧k wōt n̄an kakūrm̧ool karōk eo an Anij n̄an ajri ro Nejin.
Jerā ej juon wāween n̄an jeļā eļan̄n̄e juon armej ej armej eo ejim̧we n̄an ijjinoe juon iaļan jibadek aitok ippān. Āinwōt an Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, kar katakin, “Ro m̧ōtta rejjan̄in m̧are, kōmij kapilōk kom̧ n̄an kajebwebweik iiao̧ ko ami ippān leo n̄e kwe leddik ak lieo n̄e kwe ļaddik n̄an jon̄ak in jera ko me ewōr maron̄ eo ie n̄an kajoorļo̧k n̄an m̧are.”
N̄e jej kōnono “etke” jerā, jej kōnono kōn kalōk jemjerā ko ippān doon indeeo. Jej kōnono kōn ekkeijele kōj ippād make im ippān doon n̄an Rilo̧mo̧or eo. Ak jet iien, eļan̄n̄e jejjab kōjparok, jemaron̄ oktak im pedped wōt ioon ad etal im date im jeļā kajjeen armej ro jon̄an m̧are eoktak im juon ļōmņak n̄an tokālik.
Ikōņaan lewaj n̄an kom̧ jet naan in kapilōk ko kōn wāween am̧ maron̄ kōkm̧anm̧anļo̧k en̄jake eo am̧ kōn jerā. Eiten aolepen naan in kapilōk kein aō rej itok jān en̄jake ko aō make, im ij kōjatdikdik enaaj jipan̄ eok.
Kōm̧man bwe Jerā en Wōr Unin
Eļan̄n̄e emōj kar kajjitōk ippōm̧ ekōjkan am̧ jerā, ij kōjatdikdik bwe “ewōr kōttōpar ie” ej juon iaan uaak ko am̧ jinountata. Kōtļo̧k bwe in kajjieon̄ im kōmeļeļeik menin kōn juon waanjon̄o̧k.
Eļap jān jimettan in iien ko am̧ro korā eo pāleeo kar jerā ekar bōk jikin ilo am̧ro ettoļo̧k jān doon. Ikar ioone Catherine ke ikar jikuuļ ilo Santiago, Chile. Kom̧ro ekar jino jerā, bōtaab ekar bar ro̧o̧l n̄an ijo jikin ilo Antofagasta m̧okta jān aō kam̧ōj degree eo aō. Kōnke kom̧ro kar kōņaan bwe jemjerā eo am̧ro en kajoorļo̧k, juon kattōn ak ruo kattōn ilo juon allōn̄, ij etal ilo bus eo 20 awa in an ettōrļo̧k n̄an Antofagasta ilo Taije ālkin rālep, joļo̧k iien ilo jem̧ļo̧kin wiik ko ippān Catherine (ekūtbuuj etal n̄an iien jar), im bar bōke bus eo bar 20 awa n̄an jepļaak n̄an Santiago n̄an tōpare kūlaaj eo aō ilo 8 awa jibbon̄ ilo jibbon̄in M̧ande.
Ilo raan ko kom̧ro ejjab maron̄ pād ippān doon, kom̧ro ej ekōnono ilo taļeboon. Kōnke ejjanin̄ kar wōr cellphone iien ko, ikar wiaki juon phone plan me ej kōtļo̧k aō kōm̧m̧ani call ko ewōr aitokier ilo taleboon ko iloblej. Ij joļo̧k elōn̄ awa ko ilowaan em̧ jiddik ko an taļeboon, im eļan̄n̄e ewōr juon armej aikuji n̄an kōjerbale, ij kune call eo im bar mōkaj im ko̧o̧ļe Catherine n̄e em̧ōj er.
Ilo aolepen jekjek in, kōnke elōn̄ bar apan̄ ko ilo kar jemjerā eo am̧ro, ikar aikuj ekkatak n̄an m̧ool ilo wāween aō ekōnono ippān Catherine.
Ij kipel kom̧ n̄an kōm̧m̧an bwe jerā en wōr unin im en m̧ool. Būreejtōn Russell M. Nelson ekar kajjitōk ippād n̄an m̧ool ilo mour in rikaļoor eo ad. Jemaron̄ barāinwōt kappukot n̄an m̧ool ilo wāween ad jerā.
Jej aikuj kajjitōk kajjitōk ko raorōk:
-
Ta am̧ ļōmņak kōn mour in, baam̧le, im eo aorōktata, Rilo̧mo̧o̧r?
-
Ijeļā ta men ko kwoj kōm̧m̧ani im jab kōņaan kōm̧m̧ani, ak ta en̄jaake ko am̧ kōn gospel in?
-
Ta jon̄o̧k ko im tōmak ko am̧?
Kajjitōk ko rem̧ool rej aikuj ettōr wōt ilo kōm̧m̧ane elōn̄ kain m̧akūtkūt ko rem̧ool. Limo, ak kwon bar kōm̧m̧ani men ko an jetōb ippān doon. Kōm̧m̧ani m̧akūtkūt ko me renaaj jipan̄ eok meļeļe im likkuun m̧ool in jeļā kajjeen doon.
Tōmak Ijelo̧kin Mijak
Ālkin jidik iien am̧ jerā, emaron̄ kile bwe ej juon kāālet eben n̄an kāālet n̄an m̧are. Ikar ikūm̧kūm̧ wōt m̧ae iien eo kom̧ro Catherine ekar m̧are!
Kāālet n̄an m̧are emaron̄ juon kāālet epen, bōtaab ejjab juon kāālet kwoj kōm̧m̧ane juon wōt kattōn. Kāālet n̄an m̧are ej meļeļein kāālet n̄an bar leļo̧k am̧ n̄an eo m̧ōttam̧ indeeo ilo aolepen mour eo am̧ im kōkajoorļo̧k kallim̧ūr in ippān doon.
N̄e elōn̄ am̧ kajjitōk kōn m̧are ak gospel in, kwoj aikuj “ekkatak kake ilo ļōmņak eo am̧; innām kwoj kajjitōk [ippān Irooj] eļan̄n̄e e jim̧we” (Katak im Bujen Ko 9:8) Kwoj aikuj bar kajjitōk ippam̧ make, “Ij ke kōņaan kāālet n̄an erom̧ m̧ōttan menin ilo aolepen mour eo aō?”
Ke ikar m̧are, jet armej rekar kajjitōk ippa eļan̄n̄e ikar ikūm̧kūm̧ n̄e imaron̄ nej kar jepel āinwōt kar jinō im jema. Uwaak eo aō ej aolep iien jaab. Ke ikar m̧are, ikar kāālet bwe inaaj kar kōm̧m̧ane jabdewōt men eo ebōk n̄an kōm̧m̧an bwe m̧are eo aō en jerbal. Meļeļein ke inaaj kāālet n̄an ļoor Rilo̧mo̧o̧r aolep raan im lem̧ōņōņō ilo aō m̧are n̄an kōrā eo ippa. Ikar kāālet n̄an jab kōtļo̧k bwe mijak kōn jepel en jipeļļo̧k eō jān juon kāālet eo em̧m̧an im ejim̧we.
Būreejtōn Jeffrey R. Holland, Ripinej Jenkwan Būreejtōn eo an Doulul eo an Jon̄oulruo Rijilōk ro, ekar ba: “Kōn jabdewōt kālet ko ijeņ ewōr kakkōl ko im kōļmenļo̧kjeņ ko n̄an kōm̧m̧ani, bōtaab to̧o̧n wōt an naaj wōr, lale bwe kapo enaaj ko jān men eo em̧m̧an. Eļan̄n̄e eaar jim̧we ke kwar jar kake im kar lōke im kar mour kake, ej bar jim̧we kiiō. … Jelm̧aik pere ko am̧. Kamineneik eok kōn ta ko rej kamijak eok. ‘Kom̧win jab joļo̧k ami peran.’”
Jab Kōttar M̧ōņōņō
Men eo in em̧ool bwe elōn̄ iaami ewōr an kōņaan ko rem̧m̧an im rem̧ool n̄an kappukot juon m̧ōttan. Kwojeļā bwe menin ej juon ikdeleel em̧m̧an im jim̧we, bōtaab n̄e kwoj apan̄ n̄an kappukot juon eo kwoj koņ ippān, kwoj en̄jake am̧ jab wōnm̧aanļo̧k ilo iaļan bujen eo.
Kōn menin, Sister Kristen M. Oaks ekar ba: “N̄e kwoj loe am̧ make kōkaļļāik iien am̧ kōttar n̄an juon iien m̧are, jab kōttar ak jino kōppopo. Kōpooj eok make ilo mour in—kōn jeļāļo̧kjeņ, kapeel, im karōk. Jab kōttar an itok m̧ōņōņō n̄an eok. Pukot iien ko rōm̧m̧an n̄an jerbal in jipan̄ im ekkatak. Im men eo eaorōktata, lōke Irooj, ‘kūr ioon etan Irooj raan otemjeļo̧k, im jutak pen ilo tōmak kōn men eo enaaj itok’ [Mosaia 4:11]. Im ij kallim̧ur ilo am̧ kōm̧m̧ane, m̧ōņōņō enaaj itok n̄an ippam̧.”
Iaļan jibadōk eo am̧ ilo iaļan bujen eo ejjab bōjrak kōnke kojjan̄in m̧are. Bujen eo am̧ ej ekkeijel wōt ippān Rilo̧mo̧o̧r. Eļan̄n̄e kwoj apan̄ kōn kaarmejete, ajimakeke, ak mijak, boktok E n̄an apan̄ ko am̧. E enaaj kotak eok. E enaaj jipan̄ eok.
N̄an jet, jerā kōn bōro em̧ool n̄an kappukot juon pāleer indeeo eban m̧ōkaj an jebar leen. N̄an jet enaaj. Jekdo̧o̧n ta, ijeļā bwe Anij enaaj kakūrm̧ool aolep kallim̧ur ko E ekar kōm̧m̧ani n̄an kōj eļan̄n̄e jej m̧ool im lōke ilo E.
Jekdo̧o̧n ia eo kwoj pād ie ilo laļ in ak ta eo ej bōk jikin ak jaab ilo mour eo am̧, kōnke Jisōs Kraist, kwomaron̄ m̧ōņōņō ilo aolep jekjek. E im katak ko An rej uwaak eo aolep iien.