Jenaaj ke Bar Loe Leddik eo Jibwid?

Kōmeļeļe jān David Malan/Malan Creative

Ilo 1999 eo rūttotata ļaddik nejūmim ekar jako. Ekar jako jān eo pāleen im juon nejin leddik juon an iiō eo jemjerā eo am ippān doon elimo im kōmij iaiio̧ ippān doon aolep wiik.

Kōn iien kein rekabūrom̧ōjm̧ōj, kemeem eo kein kajilu an leddik eo jibūmim ekar iien eo āliktata in amim kar kōnono ippān. Ilo elōn̄ iiō ko, kōm kar jar, jitlo̧k, im kar kōjatdikdik bwe jenaaj kar maron̄ loe bar juon alen.

Ilo Oktoba 2018 kweilo̧k eo eļap, Būreejtōn Russell M. Nelson ekar kōm̧m̧ane juon kūr ippān tok juon kallim̧ūr: “Ij rōjan̄ kom̧ n̄an pukot juon wāween kōm̧m̧ane juon iien aolep raan ippān Irooj—n̄an pād ilo m̧weo ekwojarjar im̧ōn Irooj—innām kōjparok iien ņe kōn jejjet im lan̄lōn̄. Ij kallim̧ur kom̧ bwe Irooj enaaj bōktok kabwilōn̄lōn̄ ko Ejeļā ke kom̧ij aikuji ilo ami kōm̧m̧an kaarmejete ko n̄an jerbal im kabun̄jar ilo tampeļ ko An.”

Ke ikar ron̄ naan kein, ikar en̄jake bwe Jemedwōj Ilan̄ ekar kōnono n̄an eō kōn rikanaan eo An. Kōn menin, kom̧ro ļeo ippa ekar jōke n̄an jino etal n̄an tampeļ aolep Juje im kejparok kallim̧ur eo “ilo jim̧we im lan̄ļōn̄.”

Juon raan ilo 2019, leddik eo jibūmim kiiō 21 an iiō ekar jeje tok ilo ejjeļo̧k kar kōtmene. An ekōnono tok ekar rum̧ij kar m̧okta, ak ilo an ennaan ko an itok wōt, ekar jino kajjitōk kajjitōk ko me rekar kōm̧m̧an menin an kajoorļo̧k am kōm̧m̧ao. Ekar āliklik m̧okta in kadelon̄ kōm ilo mour eo an ak ekar oktak.

Ilo 2021 kōm ekar karuwaineneik e n̄an Thanksgiving eo ippān baam̧le eo am. Ekar errā, im ekar juon iien em̧m̧an n̄an jeļā kajjeen. Epidodo an epaake ro nej jinen, nej jemen, im ro nej nejin. Ekar kōņaan bwe lotok eo an ilo Thanksgiving en juon iminene.

Juon iiō tokālik, juon nejimim ļaddik ekar kattoļo̧k e jān kōm ekar bar enaan tok. Ilo Maaj 2024 jinountata n̄an mour eo an baam̧le eo am, kōm ekar kōm̧m̧ane juon reunion an baam̧le eo ekar kobaik aolep ajri ro remour, ro pāleer, im aolep 16 ajri ro jibūm.

Eto aō tōmak bwe rikanaan ro rej ekōnono n̄an Irooj. Ij tōmak bwe jon̄an kabwilōn̄lōn̄ in eļap kar aikuji ekar itok kōnke kōn tōl im kallim̧ur eo an Būreejtōn Nelson.

Naan in kam̧ool im iakwe eo aō n̄an Jemedwōj Ilan̄ im Eo Nejin rekar jab, im rejjab, pedped ioon kabwilōn̄lōn̄ in. Ij bwilōn̄, ijo wōt ke, kōn eo jon̄an an m̧ool iakwe eo Aer n̄an eō im jon̄an an kajoor kallim̧ūr ko Aer rej itok jān rikanaan eo.