Juon Kam̧ool Epen kōn Karōk in Mōņōņō eo an Anij Ekabwilōn̄lōn̄

Āinwōt juon likao, ikar pād ilo juon jikuuļ in kabun̄ ippān juon mantin tōmak an ri Christian. Ekar juon jikuuļ em̧m̧an, im ikar loe elōn̄ wanjon̄ak in jerbal āinwōt Kraist tōre eo aō ijen. Aolep wiik ilo jikuuļ kōmij aikuj pād ilo juon kilaaj in ekkatak an kabun̄.

Iiō eo aō āliktata ilo high school, aolepen tōōm̧ eo jinoin in kilaaj in ekkatak an kabun̄ ikar joļo̧k n̄an tapik in “Mormonism” (letok jān minister eo eaar kōjeikiik kilaaj eo). Eļaptata, kilaaj eo ekar pedped ioon etke “Mormonism” eaar bōd.

Ilo kilaaj eo jinoin, minister eo ekar kakkōl aolep kōn ta eo rej aikuj in kōm̧m̧ane eļan̄n̄e rej ioon “Mormon ro.” Aolep ro ilo kilaaj eo raar jittōn̄ tok n̄a im ba, “Ak Jared ej juon Mormon.” Ālkin kilaaj eo, ikar kōnono ippen minister eo, im ekar letok n̄an n̄a jipan̄.

Kein kajuon ilo mour eo aō, ikar lukkuun aikuj in jeļā eļan̄n̄e ak jab bwe gospel eo an Jisōs Kraist eaar m̧ool, im eļan̄n̄e Kabun̄ eo an Jisōs Kraist im Armej ro Rekwojarjar ilo Raan Ko Āliktata eaar Kabun̄ eo Irooj kar kōjepļaaktok n̄an ioon laļ in. Menin ekar jab bar juon kajjitōk bajjōk ilo mour eo aō. Emōj aō kar en̄jake mokta ļo̧k paotokin Jetōb Kwojarjar ilo kar iien peptaij eo aō. Ijoke, ij kiiō en̄jake juon menin aikuj eļap n̄an bōk juon jeļāļo̧kjeņ em̧wilaļļo̧k. Juon iien in aņtoone ekar itok ilo mour e aō. Ikar aikuj in jeļā kōn n̄a make.

Wiik ko tok jet, iaar bōk aolep bok ko imaron̄ rej mōttan ļo̧k wōt gospel eo kar kōjepļaaktok. Eaorōktata, ij riiti Bok in Mormon eo; im ke ij riiti Bok in Mormon eo, ij jeļā bwe eaar naan ko an Anij im bar juon kallim̧ur in Jisōs Kraist. Ālkin, juon bisop eo em̧m̧an ekar jipan̄ būratōr eo aō im n̄a pojak n̄an tampeļ eo im mijen ko am. Kāālet kein raar kōjeraam̧m̧an mour ko am̧ im baam̧le ko am̧ jen iien eo. Ewi jon̄an an ļap aō kam̧m̧oolol kōn bisop in em̧m̧an.

Ilo gospel eo kar kōjepļaaktok an Jisōs Kraist, epād ippād kōjeraam̧m̧an eo kōn jeļā ia eo jekar itok jene, etke jej pād ijn, ia eo jenej etal n̄ane. Jejeļā bwe jej ajri ro nejin Anij, im kōn Pinmuur eo an adwōj Rilo̧mo̧o̧r Jisōs Kraist, jej maron̄ bar jepļaak n̄an imaan mejen Anij. Ilo Jon 3:16 ej riit:

“Bwe kōn an Anij yokwe laļ, Ear letok juon wōt Nejin Ear keotak, bwe jabdewōt eo ej lōke E en jab jako, a en mour indeeo.”

Ālkin kar joļo̧ke ilo Amonaia, juon enjeļ ekar waļo̧k n̄an Alma jiron̄ e n̄an jepļaak im bar kwaļo̧k n̄an armej ro ilo jikin eo. Alma eaar jepļaak.

Im ke eaar deļo̧n̄e jikin kwelo̧k eo eaar juon rikwōle, im eba n̄an juon em̧m̧aan: Kwōn leļo̧k ke n̄an juon rittā karejeran Anij kijen n̄an m̧ōn̄ā?

Armej eo ekar Amulek, eo me Irooj ekar kōpooj e n̄an jerbal ippān Alma. Ippān doon rekar katakin ilo kajoor karok in lo̧mo̧o̧r an Anij.

Rikanaan Jekab ekar katakin ejja menin wōt bwe kōn “tōllo̧ke, im tūriam̧okake, im jouj an Messaia Ekwōjarjar” bwe jemaron̄ bar rool im jokwe imaan mejen Anij.

Jej deļon̄e kajoor in Pinmuur eo an Kraist jen ad ļoor katakin eo An. Āinwōt ad bōk tōmak ilo E, leļo̧k juon bōro erub im juon jetōb ettā, im itok n̄an E kōn kain̄i an gospel eo—kōmmane im kautiej bujen ko rekwojarjar—jej kakwojarjar jān Jetōb Kwojarjar eo, im jej bōk kajoor eo An ilo mour ko ad.

Rikanaan eo ad, Būreejtōn Russell M. Nelson, ekar katakin kōj moktaļo̧k kōn bujen iakwe eo an Anij, Hesed. N̄e jej bōk kain̄in ko an Gospel eo an Jisōs Kraist, im kōmmani bujen ko ippān Anij, jej jino in ekkeijelļo̧k ippan Anij ilo juon bujen jemjera eaorōk kōn deļon̄ n̄an bujen eo An.

Moktaļo̧k, ikar bōk juon kōjeraam̧m̧an in loloorjake ri lotok ro ilo Kaloojoj eo an New Zealand Temple. Ikar bōk elōn̄ armej. Emakijkij, aō maron̄ kajitūkin ri lotok rein ewi wāween aer en̄jake ālkin aer kar deļon̄e ruum ko rekwojarjar ilo tampeļ eo. Elōn̄ rej kōnono kōn aeņōmman im epaake eo n̄an Anij rej en̄jake. Jetōb Kwojarjar ekar kam̧ool n̄an ri lotok rein bwe Tampeļ eo kar Mweeo Im̧ōn.

Āinwōt ro uwaan Kabun̄ in, jej maron̄ in deļon̄e kajoor in an adwōj Rilo̧mo̧o̧r Jisōs Kraist im Pinmuur eo An kōn etal n̄an Mweeo Im̧ōn Irooj. Kajoor eo enaaj kōjeraam̧m̧an mour ko ad, im mour ko an ajri ro nejid im ajri jibūr ilo ad tiljek n̄an bujen ko jej kōm̧m̧ani.

Kajjojo iaad eaikuj itok, juon raan, n̄an raan in ad make ļōmņake. Jej jeraam̧m̧an n̄an bōk juon iakwe an Anij eo me eddāp n̄an ippād, im ej wōnmaanļo̧k n̄an kōj. N̄e jej kajjitōk ippān Anij, kōn juon bōro em̧ool, kōn lukkuun kōttōpar, im ewōr tōmak ilo Kraist, E enaaj kwaļo̧k m̧ool in n̄an kom̧, jān kajoor eo an Jetōb Kwōjarjar. Jān raan eo im etal kōm kar jab kōm̧m̧an jabdewōt. Kiiō kōjeraam̧m̧an ko in bujen iakwe eo An rej pād iood, im kallim̧ur ko an indeeo im mour indeeo, kōn karōk in m̧ōņōņō eļap an Anij, repād imaam.