Jepooļ kōn Dekā Tipdikdik ko, Kakajoor jān Tōmak

Tijem̧ba 17, 2024, ekar ijino āinwōt aolep raan ilo Port Vila, Vanuatu. Jikin eo eaar mour kōn kein pojak ko an holiday, im ikar pād ilo jikin jerbal ilo mon wia nuknuk eo ebun̄bun̄, jipan̄ ri wia ro im jipan̄ kōn menin leļo̧k ko. Innām, ilo ejjeļo̧k kakkōļ, ijo itulaļ ippād ekar ļap an makūtkūt.

Āinwōt juon mijenede eo 26-an iiō ej rool tok, kiiō ej jerbal ilo stake būraimere, iaar jelm̧ae elōn̄ mālijon̄ in kakajoor tōmak mokta—ak ejjeļo̧k men emaron̄ in kepooj eō n̄an iien in. Kiiō, ilo iien in ejidimkij an tarpok, ikar jab mijak. Ikar ron̄ juon ainikien edik, emera ej jiron̄ eō n̄an jar, “Jane, kwoj jamin jorāān.”

Ta eaar jino āinwōt juon wūdidid edik ekar kōm̧m̧an n̄an juon makūkūt an laļ ekajoor. N̄an kōm̧m̧ane, armej raar ko n̄an kōjeparok, ak mokta jen ō maron̄ tōpar diwōjļo̧k eo, ekar lel aera ippān juon tipi ekar wōtlo̧ka Ikar okjak n̄an laļ ilo an marok kar jepooļ eō.

Ium̧win jidik iien, wiwijet ekar kajeon in kamijak iō, ijoke jidik, em̧ool en̄jake ekar kobrak būruō. Mekarta ikar lokjak, ikar jeļā ikar jab make iaaō. Juon minit tokālik juon ainikien edik im emera ekar ba, “Bōk mejam im oktak!” Ke ikar oktak, ikar loe bwe pā ko peiū raar EMMAN, bōra eaar EMMAN, im ejeļo̧k men ilo ānbwinū eaar jorrāān. Imaron̄ jijjet jiddik ak ban jutak kōn wōt kiin em̧ eo im eddo ijo ilōn̄ū.

Juon jikin epaak, ikar ron̄ ainikien juon kōrā im ļaddik eo nejin, eaar bar waļok ilaļin dekā tipdikdik ko. Kōm ekar kōnono n̄an doon, lale bwe ippān doon bwe en itok jipan̄. Ekar wōr juon aer taļbo̧o̧n, ak ekar lukkuun pen tōpar aolep āinwōt network ko raar jorāān. Ekar mootļo̧k awa in am kar kōttar, jab maron̄ emmakūt, ron̄jake anikien jilel ko im armej ro rej jerbal ilōn̄im. Iaar jar, tōmak bwe Jema Ilan̄ ekar jeļā ia eo iaar pād ie im bwe enaaj kar jilkintok jipan̄.

Ke ekar jino bon̄, juon kōjeraam̧m̧an ejeļo̧k kōtmāne eaar itok—mejatoto erreo. Kōjekdo̧o̧n an mwilaļ ijo m̧weo eļap eaar okjak ie, jej maron̄ in emeņoņo wōt, im ikar en̄jake juon aenōm̧m̧an elur iooō. Men̄e jekjek eo eaar nana, ikar jeļā ilo būruō bwe Anij eaar jeļā kōj.

Jibbon̄ in raan eo tok juon, kōm ekar ron̄ ainikien ko ilōn̄im. Tiim in jipan̄ ekar itok. Juon likao edik ekar pād ippa ekar ikkūr ļok, im ejjab etto rijipan̄ ro raar uwaak. Juon iļo̧k juon, raar jerbal ilo tiljek n̄an kōm̧m̧ane juon iaļ, bōktok mokta jinen n̄an kōjparok im tokālik e. Mokta jen emakūt, raar kallim̧ur bwe ren kar rool tok n̄an ippa. Ikar lale an meram jidik jidik jako ļo̧k, im ej kab kein kajuon jen tore eo eaar makūtkūt laļ, aō kar make iaaō.

Ekar bōk eļap iien, im bar juon alen ikar bar jar. Ikar kōjekļo̧kjeņ kōn kōjeraam̧m̧an ko ilo mour e aō: iakwe eo an baam̧le e aō, kajoor eo ikar bar bōke jān jerbale juon mijen, im bujen ko ikar kōm̧m̧ani ippān Jema Ilan̄. Ilo iien eo, ekwojarjar, ikar en̄jake juon kam̧ool eļap bwe iaar pād ilo Pein.

Āliktata, juon rijipan̄ ekar kūr eō kōn eta. Sister Jane, kwoj ke maron̄ loe meram eo ippa?” Ikar bōk bōra im kar loe juon jurōn meram edik ej pejlo̧k ilo marok. “Aaet!” Ikar bar ikkūr, denin kemjaaļaļ ekar toor jen meja.

Tiim in jipan̄ eo ekar kanooj in jerbal. Rekar bar ba n̄an n̄a ke renaaj etal im lale bwe en ejeļo̧k okjak ej waļo̧k. Ikar jeļā bwe jerbal ko aer re kauwōtata, im iaar unoojdikdik im jar kōn kōjeparok eo aer im n̄a. Jidik kōn jidik, rekar bōki dekā tipdikdik ko mae iien rej tōpar eō. Ke pā ko rekajoor raar kotak eō n̄an meram, ikar ilbōk kōn reitok in mejen elōn̄ armej rej kōttar—elamōjmōj, jan̄, jar. Innām ikar ron̄ juon ainikien eto aō kōttare. “Jane, mama e.” Pā ko pein Mama raar jepooļ e eō, im iaar jeļā bwe iaar pād kapijuknen.

Ālkin 27 awa in lokjak ilaļ in m̧weo eļap me ekar wōtlo̧k, ikar waļo̧k ilo ejeļo̧k jorāān. Būruwō ekar obrak kōn kam̧oolol—jab wōt n̄an kōjeparok eo aō ilo ānbwin ak n̄an ejeļo̧k kajjitōk iman mejen Anij ilo mour eo aō. Kōn jar im tōmak, ikar kajoorļo̧k, aenōm̧m̧an, im eļaptata jeoor. Ij lukkuun kam̧oolol kōn gospel eo an Jisōs Kraist, kōn kajoor eo an jar, im kōn jeļāļo̧kjeņ eo jekdo̧o̧n ewi marok in mālejjon̄ ko ad, meram eo An enaaj pukōt kōj aolep iien.

Editor’s Note: The 7.3 magnitude 2024 Makūtkūt in laļ eo ilo Port Vila ekar lel turin kiāpitōļ eo an Vanuatu ilo 12:47:26 VUT ilo 17 Tijem̧ba 2024. Ilo jon̄an in 14 armej raar jako ilo makūkūt in laļ eo, kakinejnej elōn̄ ļo̧k jen 250 armej ro.