Bwebwenato ko an Ijo Jokwe Ie
Nabeina Green Market Incorporated
Juon Iaļ in Eddōkļo̧k ilo Tōmak, Jerbal, im Jukjukin Pād
Kōrā eo Pāleeō, Sister Birita, im n̄a kar kūr n̄an jerbal āinwōt mijenede ripālele ro ilo Nabeina, juon āne jidik ilo Pacific. Iien eo kōm kar itaakļo̧k, kōm ekar en̄jaake juon aenōm̧m̧an im wūn. Ālkin eļap jar, kōm ekar pukōt mālim jen mijen būreejtōn eo am, Būreejtōn Kendall n̄an joļo̧k iiō in mijen aetok eo am ilo Nabeina. Kajjitōk eo am ekar uwak, jinoin iaļ in tōmak, jerbal, im m̧weo eļap im̧ōn kapijuknen me enaaj ukōt mour ko ad n̄an indeeo im mour ko an ro jej jerbal n̄an er.
Mije ko im Appan̄ ko
Ilo Nabeina bwijin membōr in Catholic im Protestant, jejjo rej Armej ro Rekwojarjar ilo Raan Ko Āliktata. Jeere gospel eo eaar juon apan̄, ijoke kōm ekar en̄jaake kūr eo n̄an jerbal n̄an armej. Kōm ekar mije aer pen im jeraam̧m̧an, ilo m̧ool em̧m̧aan ro raar lukkuun jeļā ej rieo̧n̄ōd ro. Mekarta, maron̄ eo aer n̄an kakke n̄an baam̧le ko aer eaar kōm̧m̧an an pen jen jabwe kein eo̧n̄ōd. Kam̧oole apan̄ ko aer, kōm ekar en̄jake juon kōņaan ekajoor n̄an jipan̄.
Juon Im̧we Ekwojarjar: Kajjitōk Jipan̄ n̄an Armej
Juon jota, ilo kōjekļo̧kjeņ kōn aikuj ko an jukjukinped eo, kōm kar im̧we n̄an kappukōt jipan̄ jān Jāān in Jipan̄ ko an Armej in LDS. Kōm kar kalimjek juon būrojāāk eo me enaaj kar kōkajoore ri eo̧n̄ōd ro im kakke n̄an baam̧le ko aer im rie jeļāļo̧kjeņ eo an ajri ro nejier. Kōn tōl jān Elder im Sister Redmond, kōm ekar elmakote pepe eo kōn leļo̧k kabwebwein kein eo̧n̄ōd, juon booj aļaļ, im juon injin. N̄an am laudin̄din̄, elmakot in kar errā kake, im jāān in jipan̄ eo ekar weppān. Menin ekar kakkōļļeik juon ijjino an būrojāāk in kōm̧m̧an oktak.
Ļotak eo an Nabeina Green Market Incorporated
Jerbal ippān branch būreejtōn eo an ijo, Būreejtōn Mweea Mweea, kōm ekar kajutak juon ijjin ikijen eo̧n̄ōd an jukjukinped, kar kaweppāne im kadeļon̄ āinwōt Nabeina Green Market Incorporated. Elukuun ļap jen baj juon wōnmaanļo̧k bajjōk, ijjino in ej lale ippān doon im un̄n̄are pein make ilubwiljin armej in Nabeina.
Itaak tok in Kein Eo̧n̄ōd ko im Booj eo
Ook in eo̧n̄ōd raar itaak tok moktata, jukjukinped eo rekar kair im kōjerbali. Ke kim ej kōttar tok booj eo, ikar leļo̧k booj fiberglass eo waaō make n̄an ri eo̧n̄ōd ro. Ilo Pāpoode 9, 2025, booj aļaļ eo im injin eo rekar āliktata itaak tok. Juon iien aje ejenolo̧k ekar bōktok n̄an jukjukinped eo jim̧or ilo kam̧oolol im jar. Juon iien me ekar ļap jetōb, ilo kapen naan in kam̧ool ko ad kōn pein Irooj ilo jerbal in.
Kobain Jukjukinped im Jerbal Ippān Doon
Tōprak in būrojāāk eo an Nabeina Green Market Incorporated ej pedped ioon jerbal ippān doon. Kajjojo wiik, rieo̧n̄ōd ro rej bōk im kanwōde ook ko ilo iien kweilo̧k ko n̄an kōnono kake makūtkūt in eo̧n̄ōd ko im emmanļo̧k eo an jukjukinped eo. Ilo iien kobatok kein, elōn̄ rej kwaļo̧k ewi wāween an būrojāāk in kar kōjeraam̧m̧an mour ko aer. Juon iaan rieo̧n̄ōd ro, kōn mejen kemjaaļaļ, ekar ba, “Booj in ejjab baj juon booj wōt; ej juon menin letok jān Anij. Emōj an letok n̄an kōj kōjātdikdik im juon ilju im jekļaj.”
Kam̧oolol im Naan in Kam̧ool ko
Armej in Nabeina rej lukkuun kam̧oolol eļap kōn Jāān in jipan̄ an Armej in LDS. Kabwebwein kein eo̧n̄ōd ko im booj eo raar uwaake jar, kakke baam̧le ko kōn menin aikuj ko n̄an kemour er make. Iien kweilo̧k ko, elōn̄ rej kwaļo̧k naan in kam̧ool ko kōn wāween an jipan̄ in kakajoor tōmak eo aer. Juon iaan kōra ro ekar ba, “Kōm kar aolep jar kōn juon wāween n̄an kakke n̄an ajri ro nejim. Kiiō, kōn booj in im ook kein, jemaron̄ loe pein Anij ilo mour ko ad. Ejjan̄in kar meļokļok kōj.”
Iakwe im Jerbal kōn Tōmak Eļap
Men̄e enan̄in aolepen jukjukinped in ejjab jen tōmak eo ad, Sister Birita im n̄a ekar iien otemjej tōmak ilo jerbal n̄an aolep ajri ro nejin Anij. Kōttōpar eo am ejjab n̄an kwaļo̧k tōmak eo am ak n̄an kōmeļeļeik iakwe āinwōt Kraist ilo jerbal ko. Būrojāāk in ekar bōktok armej ippān doon mekarta kabun̄ ta, im jej kam̧m̧olol n̄an kar jet kein jerbal ilubwiden pein Irooj.
Būrojāāk Nabeina Green Market Incorporated eo ej juon kam̧ool n̄an kajoor eo an tōmak, jerbal, im jukjukinped. Kōn jipan̄ an Irooj, jipan̄ armej ro, im wujlepļok eo an armej in Nabeina, juon jekjek in rie mour ekar jutak. Kōjeraam̧m̧an in eletok eļap jeraam̧m̧an ko jej kwaļo̧ki, lale doon im un̄n̄are pein.
Sister Birita im n̄a kimij kam̧oole pein Anij ilo aolep bun̄ton ko, jān jinoin im̧we eo n̄an āliktata in aje eo an booj eo. Jejeļā en̄in ej juon ijjino n̄an Nabeina, im jej reimaanļok wōt lale elmen an Irooj naaj wōnmaanļo̧k wōt n̄an kōjeraam̧m̧ane er.
“Bwe I ar kwole im kom̧ ar naajdik Eō: I ar maro, im kom ar kaidaak Eō: I ar ruwamāejet, im kom̧ ar kadeļo̧n̄ Eō” (Matu 25:35).
Būrojāāk Nabeina Green Market Incorporated eo ej kalibubu jeje in ekwojarjar ilo an jukjukinped in juon wōt im kotak doon kōn tōmak im jerbal.