Ana Iteraniba te Aono
Tiaki n te Tabati! Kaitiboaki ma Errol Bennett
A tibwa beku bwa taanga ni mitinare Unimwaane ao Titita Baehrel, man te uoote ae Montepellier n Titeiki ae Toulouse, Buranti. A tia n tibwai aia waaki ni kaira nanoia aomata man aia tai n aia mwakuri, ao te karaki aei e kaota aron teuana man taai ake a waaki iai aika a okoro.
E reke au tai ni kaitibo ma Errol Bennett.
E bungiaki i Papeete n 7 Meei, 1950, bon te tia butibooro Errol Bennet ao te kauoman n tiambion man te Ocenia i Tahiti. Ma ngke 10 ana ririki, e karekea atongana ae raoiroi n ana tiim te reirei ae Mairie i Papeete, ma ngke 17 ana ririki ma rinna n ana tiim te Botaki n Takakaro ae te Central Sport de Papeete—are bon ti te kirabu ae rin iai – e karineaki ao man mamaekaki ibukin birimwaakana ao ana karoro booro. E aki toki ni kakarekea te kangaanga ma taan rabakau n te takakaro.
E kaota rianakon rabakauna ni karoro booro Bennet n te Tabo n Takakaro, are e a kareke iai nakoina atongana ae te kabanea n bubura ana bwii n te takakaro 11 te tai i marenan 1972 ao 1983, waniman ngaiia, ma aia karoro booro ae 28 nakon 30 mwaitina. E riki bwa te aomata ae tanoata Bennet i Tahiti, n te kirabu ao n irouia tiim nako.
N Maati 1977, E kaaina Ana Ekaretia Iesu Kristo ibukiia Aika Itiaki ni Boong aika Kaitira Errol Bennet ao imwiina e katoka takakaro n te Tabati. Ni kaekaana, Napoléon Spitz, te beretitenti n ana kirabu Bennet ao te Bootaki ni Butibooro i Tahiti ae te Fédération Tahitienne de Football (FTF) a booa aia boowi kaain te FTF ao ni katanoata bwa aia kirabu ni kabane a nang aki takakaro n te Tabati. Imwiin tabeua taai ni marooro, a boonnanoia kirabu n takakaro bwa a na manga karekea te tai ni boo teuana i nanon te wiiki.
E aki totokoa arona n takakaro Bennet man aki takakarona n te Tabati. E moanna ana tiiim ae Central Sport n ana kaboo n takakaro Tahiti ae waniua te tai ae reitinako man 1972 nakon 1979 ao n taua te takakaro n te South Pacific Tournament aua te tai ae reitinako. E reke naba iroun te kirabu te 7th n raaun n te Coupe de France, ao ni karekea te tokanikai ae ururingaki ae 3-0 aia bwii i aon kaain te US Orléans i Papeete n 1978-79.”
Man korakoran Bennet, e karekea te metera ae te koora ana tiim Tahiti n te South Pacific Games i nanon 1975, 1979, ao 1983. A kauoman iaan Oceania n 1973, ike e a moanna n ana bwii n te butibooro Bennet, 3 ana rin, ao n 1980, n ana karoro booro Bennet ae 1 n te kabanea n boo ma Aotiteria.
Erro Bennet bon temanna mai buakoia aika a taarena ao ni karineaki n te takakaro ae butibooro n te Aono n Tebetebeke, ao temanna naba ae kinaaki, mai Biti nako Nutiran, Papua New Guinea ao New Caledonia.
E rineaki man te International Federation of Football History & Statistics (IFFHS) bwa temanna mai buakoia 20 taan takakaro aika a kinaaki n te 20 n titenture, ao te tia takakaro ae rianako i Tahiti n te 20 n tienture, imwain Pascal Vahirua. E katoka ana takakaro n ana ririki ae 42.
Bon te bureitiman ngaia, Errol Bennett iai 7 natina ni ikotaki ma Naea Bennet, te tia karoro booro ibukin AS Pirae ao ana tiim te aba ae Tahiti.