N Nikoaki Raoi ni Matu iroun te Uea

Kamataata n te tamnei iroun David Malan/Malan Creative

Ngke ara moan n nati, ae Caden, 10 ana namwakaina, kainabau, ae David, ao Ngai ti katikua inanon baia au karo bwa a na tararuaia n te moan tai. Ti nako n amwarake ao imwiina ti nako n te tabo n tamnei. N te tai are a reke ara popcorn ao n tekateka, e a tareboon tinau.

E aki ikeike natira, ao iaon kawaina te amburanti!

Ti buti n oki ma te nako n nano ao ni biri nako nanon te auti n noora Caden inanon bain tinau, ni matangare nakoia neeti ake a ira te amburanti. E bon marurung, ma e a tia n rinanon te aoraki ae karina.

Aki kona taokita n ataa aron rikin te aoraki ke aoraki ke ake uoua aika tibwa riki, ma a kabwarabwara bwa e na buokia te bwainaoraki. Ngkai aitibwa au moan n tai n riki bwa te tina, I bon rangi n nako n nano n aki ataa te bwai ae N na karaoia. E taraa n Akea ana Kangaanga Caden, ma e roota au onimaki te bwai ae riki. I moanna n taonaki n te nako n nano ao te raraoma.

Uoua te ririki imwiina ao e anga ana iango te neurologist (te taokita n te kaburoro) bwa e na karaoaki te electroencephalogram (EEG) iaon Caden, te kakaae are e na noora aron mwakurin ana kaburoro ngkai e matu. Ngkana e taraaki mwiina bwa e raoiroi, ao e kona ni katoka ana bwainaoraki.

I raraoma ibukin te tutuo ibukina bwa e a tia Caden ni katoka mamatuna n motirawa n te ririki are imwaina. Ti na kanga ni karekea matuna n ana aobiti te taokita ma taian uaea aika a biriaitua iaon atuna?

Te tairiki anne imwiin te tutuo, ao David e angan Caden ana kakabwaia man te nakoanibonga. Ngke e waaki nako te kakabwaia, ao I namakina te Tamnei ae korakora. I ataia bwa a na bane n nakoraoi bwaai ni kabane. Bon te moan n tai man te tai are e moan tai are e roko iai aoakina are I a namakina iai te rau.

N te bong are imwiina ao a kanim bwaai n tutuo taokita nakon atuun Caden. Imwiina ti kawenea iaon te taibora n tutuo ao ti kamatea te taura.

E bon matu inanon tabeua miniti. E kona n aki riki aei bwa kanga te kakai,bwa e tuai kona ni matu ni matuuna i marenan taii bon irouna inanon e riaon teuana te ririki.

E aki mwaninga taekara Tamara are i Karawa. E mena Tamneina ikekei n ana aobiti te Taokita arei, ni karaua nanon Caden ao ni kamwengaraoai. E bitaki anuau nakon taian kataaki ao kakabwaia n te nakoanibonga n te bong anne. I ataia bwa e bon koaua mwakan te nakoanibonga.

Caden ngkai ai bon te kairake n ikawai. E tuai ni manga aoraki ma ngke te teei ae euarereke ngaia. E a tia ni kaitara ma kakaewenako riki tabeua ma e a tia n tokanikai iaon angiia. I ataia bwa e teimatoa te Uea n tararuaia ao ni kabebetea makuu (taraa Ruka 8:50).