Ti Kona ni Manga Noora Tibura te Aine?

Te kamataata n te tamnei iroun David Malan/Malan Creative

N te ririki 1999 ao e mate natira te mwaane. A tiku imwiina buuna ma natina te aine ae teuana ana ririki ae ngaia ae ti karekea mairouia te reitaki ae kakukurei ao ni kaunga, te reitaki ni katoa wiiki.

Ibukin kangaanga aika a kanakokawaki, ana kateniua ni koronririki tibura te aine bon te kabanea n tai ae ti reitaki iai mangaia. Inanon ririki aika a mwaiti, ti tataro, aki mamatam, ao ni kantaningaia bwa ti na manga kona n noria riki.

N tain te maungatabu ni kabuta n Okitobwa 2018, e karaoa te kakao Beretitenti Russell M. Nelson ma te berita: “I kaungai ngkami bwa kam na kakaea angan kawaimi ni kabaea ami tai n taainako ma te Uea—n rin n Ana auti ae tabu—ao kawakina raoi te tai anne ma te kimwareirei. I berita nakoimi bwa te Uea e na uoti kakai ake E atai bwa kam kainanoi n te tai are kam karaoi iai anga nano ni mwakuri ao n taromauri inanon Ana tembora.”

Ngke I ongo taeka aikai, I namakinna bwa e taetae Tamara are i Karawa nakoiu rinanon Ana burabeti. Ngaia, ae ngai ma kainabau ti motikia bwa ti nang moanna n nanakon te tembora ni katoa Kauabong ao ni kawakina te motinnano anne “ma te kimwareirei.”

N te bong teuana n 2019, tibura te aine ae-21-ana-ririki n te tai anne e kanakoa ana rongorongo nakoiu i aonrain ma tiaki ana kaantaninga. E roko ni karaurau ana reitaki n te moantai, ma ngke e reitinako ana rongorongo, e moanna ni kanakoa ana titiraki are e a kauka iai te reitaki ni marooro ae kamimi iroura. E kariaia bwa ti na irekereke ma maiuna n te moan n tai ao n reitinako imwiina.

N 2021 ti kaoia bwa e na kabanea ana tai ma ara utu n Te Bong ni Kakaaitau. E kariaia, ao e reke ara tai ae tamaroa ni kina. E waekoa ni kabaeaki ma ai tinana, ai tamana, ai natina aine, ao ai natina mwaane. E tangira bwa e na reitinako roorokona n tain Te Bong ni Kakaaitau n taainako.

N te ririki are imwina, e a manga reitaki ma ngaira natirra te mwaane ae e a maan ni mwaninga taekara. N Maati 2024, ibukin te moantai inanon ara utu, ti karaoa ara reitaki n ara utu are raonaki ma ataei ni kabane aika a maiu, buuia, ao tiibu ni kabane aika 16.

I a tia ni kakoaua n tainako bwa e taetae te burabeti ibukin te Uea . I kakoaua ae te kakai ae rangi ni kainnanoaki aei e roko ibukin ana kairi ao ana berita Beretitenti Nelson aika a kaokaki.

Au koaua ao au tangira ibukin Tamara are i Karawa ao Natina aki, ao a bon aki, kaantaningaaki n te kakai aei. I miimi, ma, bwa e kanga n onoti Aia tangira ibukiu ao e kanga korakoran Aia berita are e roko rinanon te burabeti.