Kaekakin te Titiraki ae Moan te Tamaroa: Tera Nanomi Nakon te Kristo?

Te mii are e kabwarabwaraaki n Reirei ao Berita aika Tabu 76 e katuruturui koaua aika a kakaawaki ibukin Iesu Kristo:

• “Te Uea bon te Atua, ao akea riki te Tia Kamaiu i rarikina.” (kibu 1).

• E “nanoanga ao n akoi nakoia naake a maaku[a], ao e kukure[i] ni karineia naake a beku [irouna] n te raoiroi” (kibu 5).

• “Bwa e roko nakon te aonaba … ni uoti buren te aonaba, ao ni katabua te aonaba, ao ni kaitiakia man taian buakaka ni kabane; Bwa rinanona a na kamaiuaki ni kabane ake e katukuia te Tama i aan mwaakana ao a karikaki irouna” (kibu 41–42).

• Ao Iesu Kristo n tokina “e kakoroa bukin te mwakuri ni kamaiu ae kororaoi aei rinanon waanakon oin raraana” (kibu 69).

Iotebwa ao Sidney a ninikoria ni kakoaua koauan ao kakaawakin Iesu Kristo:

“E maiu!

“Bwa ti nooria, n angatain raoi te Atua; ao ti ongo te bwana ae riki bwa te kakoaua bwa boni ngaia ana Rikitemanna te Tama—

“Bwa mairouna, ao n rinanona, ao n nako mairouna, aonaaba ni kabane a karaoaki, ao kaaina akana iaona bon natin te Atua aika mwaane ao aine” (kibu 22–24).

Iesu Kristo e na kamaiuia “ni kabane ma ti [natin betetion]” (Reirei ao Berita aika Tabu 76:44). A tia ni kabwanina raoi kaekaan te titiraki “Tera Nanomi Nakon te Kristo?” man aki butimwaean te Tamnei ae Raoiroi ao kakeaan Iesu Kristo ao Mwaakana imwiin ae E kaotia nakoia (taraa kibu 43). Ni karaon anne, a tia “n tauria i bon irouia ao ni kamaemaea i mataia aomata.” (kibu 35).

A kanga naake n te abanuea are teretio ni kaeka te titiraki “Tera Nanomi Nakon te Kristo?” A rineia bwa a na aki butimwaea ana euangkerio Kristo, ke te koaua ibukin Iesu.” (Reirei ao Berita aika Tabu 76:82, 101), ao a aki butimwaea Ana tua, n riki bwa, “ taan kewe, ao taan tabunea, ao taan wenenibure, ao kabekaau” (kibu 103).

Mangaia are, a karekea te mangauti ao te mimitong ae rietata “are e riaon aia atatai aomata” (kibu 89). A kawakina te tua teuana n te abanuea ae teretio (taraa Reirei ao Berita aika Tabu 88:36) kantaningaia ni kabane bwa “a na bane ni katorobubua bubuaniwaeia, ao ni kabane neewe a na kaota aia bure nakon teuare e tekateka i aon te kaintokanuea n aki tootoki” (Reirei ao Berita aika Tabu 76:110).

A kanga naake n te abanuea are te Teretirio ni kaeka nakon te titiraki “Tera Nanomi Nakon te Kristo?” Ngkai a karekea “kakoauan Iesu,” a “aki kakaonimaki n te koaua” inanona; “a aki karekea te baunuea i aon abanuean Atuara.” (kibu 79). A kakabwaiaki ni “karekea rokon te Nati, ma tiaki bwaninin te Tama ” (kibu 77).

Iesu Krisot ao ana euangkerio ae akea tokina a kaewenakoira bwa tina aki ti ataia ma tina karaoia naba ao ni bwainna. Ni karekean bwaninin te Tama ao Natina, temanna e na karekea te otenanti n te tembora ao e na bwaina te kakaonimaki nakon berita akanne. Te burabeti Iotebwa Timiti e kamatata: “Ngkana te mwaane e karekea bwaninin ana nakoanibonga te Atua, e na karekea n te kawai are e karekea iai Iesu Kristo, ao anne man kawakinan tua ni kabane ao te ongotaeka nakoon otenanti ni kabane n ana auti te Uea.” Aomatan teretirio a aki kukurei ni butimwaea bwaninin te Tama.

A kanga naake n te abanuea are tiretio ni kaeka nakon te titiraki “Tera Nanomi Nakon te Kristo?” A karekea “te kakoaua ibukin Iesu”; ao ni kakoaua “arana;” ao a “bwabetitoaki ni katootongan taunakina, n taunaki n te ran n arana”” (kibu 51). Bwa man “kawakinan tuua [bwa] a na kona n tebokaki ao ni kaitiakaki man aia bure ni kabane, ao ni karekea te Tamnei ae Tabu man te katoka bai iroun are e katabuaki ao ni kabaeaki nakon te mwaaka aei” (kibu 52). A “tokanikai n te onimaki, [inanon te Uea Iesu Kristo], ao ni kabaeaki iroun te Tamnei ae Tabu n te berita” (kibu 53). A “kakororaoaki rinanon Iesu te tia raoi n te berita ae boou, are e kakoroa bukin te mwakuri ni kamaiu ae kororaoi aei rinanon waanakon oin raraana” (kibu 69).

Iesu Kristo e ata tibwangana n ana baire ni kakukurei te Tama: Boni Ngai te kawai, ao te koaua, ao te maiu: akea ane e nako n te Tama, ba ti i Ro” (Ioane 14:6). Akea ae e karekea mimitongin tiretio ke bwaninin te Tama n aki butimwaai ni kabane ake e anga te Tia Kamaiu rinanon Ana mwakuri ni kamaiu (taraa Reirei ao Berita aika Tabu 84:37–38): Ana tangira, mwaakana, raoiroina, ana toro, motiraoi, tuua, otenanti, ao berita.

E kabwarabwaraa Beretitenti Russell Nelson te kouru n te Ekaretia bon buokakiia natin te Atua ni karekea te maiu ae akea tokina: “Oin te kantaninga are e a kaman tei n te Ekaretia bwa e na karikirakea aia onimaki iroun ara Uea Iesu Kristo ao n Ana Mwakuri ni Kamaiu, ao ni buokiia ni karaoi ao ni kawakinii aia berita ma te Atua, ao ni kakorakorai man kabaeei aia utu.”

Beretitenti Nelson e kaungaira bwa tina karika te abanuea ae te tiretio bwa ana kouru, “n taratara raoi n iango [ara] babaire nako ngkai ti mena ikai iaon te aba e na karokoi [ra] n te aonaaba are imwiina.” Man kaekaan te kakao aei, ti na katauraoi ni kaeka te titiraki ae tamaroa “Tera Nanomi Nakon te Kristo?”

Te taratara n te mimitong e kakoaua nakoira bwa tiaki ti te inaomata n rinerine ae koaua ma te rinerine ni koaua ae taraaki. E kauringiira naba bwa, ibukin Iesu Kristo, ti “kabooakii man te bwaka” ao “kainaomataki n aki toki …n rinea te inaomata ao te maiu ae akea tokina, rinanon te Tia Raoi ae korakora ibukiia aomata ni kabane, ke n rinea te tautoronaki ma te mate” (2 Nibwaai 2:26–27). Tera ae ti na rineia? Arora n taai aika a na roko n te maiu aei ao n tokin kawaira ae akea tokina e ota mwaaka n aron ara onimaki iroun Iesu Kristo.