Wan Tru Witnes blong Gudfala Plan blong Fasin blong Stap Glad blong God

Olsem wan yangfala man, mi bin atendem wan praevet jos skul we oli folem Kristin bilif. I bin wan gudfala skul, mo mi bin luk plante eksampol blong ol seves olsem hemia blong Kraes taem we mi stap longwe. Evri wik long skul, oli bin askem mifala blong mas stap go long klas ia blong relijin.

Long en blong yia blong skul blong mi, fas tem blong relijin klas ia, mifala i spendem nomo blong tokbaot topik ia “Mormonism” (olsem we minista we i tijim klas ia i talem). Klas i lukluk moa nao long pat ia from wanem “Mormonism” i rong.

Long fas klas, minista ia i wonem olgeta long wanem oli mas mekem sapos oli mitim ol “Momon.” Evriwan long klas i poenem mi mo talem, “Be Jared i wan Momon.” Afta long klas, mi toktok wetem minista ia, mo hem i glad blong helpem mi.

Blong fas taem long laef blong mi, mi nidim tumas blong save sapos gospel blong Jisas Kraes i bin tru o no, mo sapos Jos Ia blong Jisas Kraes blong Ol Lata dei Sent i bin Jos ia we Lod i putumbak long wol ia. Hemia nomo wan topik long laef blong mi we oli tokbaot nomo long klas. Bifo mi bin filim Tabu Spirit i bin stap wetem mi long taem we mi bin baptaes. Be, naoia mi filim bigfala nid ia blong gat moa save. Wan taem blong no luk save, i kam long laef blong mi Mi nidim blong faenemaot blong miwan.

Sam wik afta, mi ridim evri buk we mi save faenem abaot gospel we i kambak. Moa impoten, mi ridim Buk blong Momon; mo taem mi ridim Buk blong Momon, mi kam blong save se hem i toktok blong God mo wan narafala testeman blong Jisas Kraes. Sot taem afta, wan bisop we i gat lav, i bin helpem mi mo brata blong mi blong go long tempol mo misin. Stat long taem ia, ol desisen ia i bin blesem ol laef mo famli blong mitufala. Mi talem tangkyu bigwan long gudfala bisop ia.

Long gospel blong Jisas Kraes we i kambak, yumi gat blesing ia blong save se yumi kam wea, from wanem yumi stap ia, mo weaples yumi stap go long hem. Yumi save se yumi ol pikinini blong God, mo tru long Atonmen blong Sevya blong yumi Jisas Kraes, yumi save gobak stap long ples we God i stap long hem. Long Jon 3:16 yumi ridim:

“God i lavem tumas ol man long wol, nao hem i givim mi, mi stret Pikinini blong hem, mi wan nomo we hem i gat, blong olgeta man we oli bilif long mi bambae oli no save lus, oli gat laef we i no save finis.”

Afta we oli ronemaot hem long Amonaeha, wan enjel i bin kamaot long Alma mo komandem hem blong gobak mo prij bakegen long ol pipol long taon ia. Alma i gobak.

Mo taem we hem i go insaed long bigtaon, hem i hanggri, mo hem i talem long wan man se: “?Bae yu save givim, long wan wokman blong God we tingting blong hem i stap daon, wan samting blong kakae?”

Man ia hem i Amulek, we Lod i bin rere long hem blong i wok wetem Alma. Tugeta tufala i bin tijim plan blong God we i gat paoa blong fasin blong pemaot man.

Hop long saed blong spirit long Kraes hem i glad we yu tekpat long laef we i no save finis tru long “ol gudfala wok, mo sore, mo gladhat blong Tabu Mesaea” we yumi save gobak stap long ples we God i stap long hem.

Yumi save kasem paoa blong Atonmen blong Jisas Kraes taem yumi stap folem doktrin blong Hem. Taem yumi gat fet long Hem, mo givim wan hat we i fulap wetem sore mo wan spirit we i wantem blong sakem sin, mo kam long Hem tru long ol odinens blong Gospel—stap mekem mo givim ona long ol tabu kavenan—yumi kam tabu tru long Tabu Spirit, mo yumi kasem paoa blong Hem long ol laef blong yumi.

Profet blong yumi, Presiden Russell M. Nelson, i bin tijim yumi long kavenan lav ia blong God, Hesed. Taem yumi kasem ol odinens blong Gospel blong Jisas Kraes, mo mekem ol kavenan wetem God, yumi joen long God long wan spesel rilesensip we i joenem yumi long kavenan lav ia blong Hem.

I no longtaem i pas, mi bin gat blesing ia blong gat ol visita long open haos blong Auckland New Zealand tempol. Mi bin tekem plante man i go tru long open haos ia. Plante taem, bae mi askem ol visita ia se oli filim olsem wanem afta we oli go insaed long ol tabu rum ia blong Tempol. Plante oli tokbaot pis mo wanem we i joenem olgeta long God we oli bin filim. Tabu Spirit i bin testifae long ol visita ia se Tempol i haos blong Hem.

Olsem ol memba blong Jos, yumi save kasem paoa blong Sevya blong yumi Jisas Kraes mo Atonmen blong Hem taem yumi stap go long Haos blong Lod. Paoa ia bae i blesem ol laef blong yumi, mo ol laef blong ol pikinini blong yumi taem yumi stap fetful long ol kavenan we yumi bin mekem.

Wanwan long yumi i mas kam, wan dei, long dei blong yumiwan blong luksave. Yumi gat blesing blong gat wan God we i gat lav mo i moa kolosap long yumi, mo we i gohed blong stap biaen long yumi. Taem yumi askem God, wetem wan tru hat, wetem wan tru tingting blong wanem save, wetem fet long Kraes, bae hem i soemaot trutok blong ol samting ia long yufala, tru long paoa blong Tabu Spirit. Stat long dei ia i go, yumi laef long wan nomol nomo. Yet ol blesing blong kavenan lav blong Hem i stap long yumi, mo ol promes blong taem we i no save finis, mo laef we i no save finis, tru long plan blong fasin blong stap glad, oli stap long fored blong yumi.