?Bae Mitufala I Save Luk Apugel blong Mitufala Bakegen?

I Kam long Brookie Dickerson, Arisona, YSA

Desisen blong mitufala blong akseptem wan invitesen we i kam long Presiden Nelson i lid i go long wan merikel we mitufala i no bin ting se bae hapen.

Long 1999, fas bon boe blong mitufala i bin ded. Hem i livim biaen wan waef mo wan bebi gel we i gat 1 yia we mitufala i gat wan gud rilesensip tugeta wetem hem mo stap toktok long mifala evri wik.

From ol bigfala hadtaem ia, nambatri yia betdei blong apugel blong mitufala i bin lastaem we mitufala i bin toktok wetem hem. Blong plante yia, mitufala i bin prea, livim kaekae, mo hop se bae mitufala i save luk hem bakegen.

Long Oktoba 2018 jeneral konfrens, Presiden Russell M. Nelson i bin mekem wan invitesen wetem wan promes: “Mi askem strong long yu blong faenem wan wei blong mekem wan apoenmen oltaem wetem Lod—blong stap insaed long tabu Haos blong Hem—mo afta, kipim taem mo dei blong apoenmen ia i strik mo wetem glad. Mi promesem yufala se Lod bae i tekem ol merikel we Hem i save se yu nidim, oli kam long yu taem yu stap mekem ol sakrifaes blong givim seves mo stap wosip long ol tempol blong Hem.”

Taem mi harem ol toktok ia, mi filim se Papa long Heven i stap toktok long mi tru long profet blong Hem. So, mi mo hasban blong mi i bin putum se bae mitufala i mas stat blong atendem tempol evri Tiusdei mo kipim komitmen ia “i strik mo wetem glad.”

Wan dei long 2019, wetem sapraes, 21 yia apugel blong mitufala i bin sendem mesej long mi onlaen. Mesej blong hem i kam sloslo fastaem, be taem hem i gohed blong mesej, hem i stat blong askem ol kwestin we i mekem mitufala i bin toktok fulap. Fastaem hem i no bin sua be afta, hem i letem mitufala blong kam pat long laef blong hem oltaem.

Long 2021 mifala i bin invaetem hem blong kam spenem Tanksgiving wetem famli blong mifala. Hem i bin akseptem, mo mifala i bin gat wan gudfala taem blong kam blong save hem. Hem i joen isi nomo wetem ol anti, angkel, nis, mo ol ni fiu blong hem. Hem i wantem Tanksgiving visit blong hem i kam wan tradisen.

Wan yia afta, wan pikinini boe we i bin ronwe, i joen bakegen wetem mifala. Long Maj 2024, hem i fastaem blong famli blong mifala i gat wan kam tugeta blong famli we i tekem evri pikinini we oli stap laef, ol hasban mo waef blong olgeta, mo evri 16 apu pikinini.

Oltaem mi biliv se profet oli toktok long bihaf blong Lod. Mi biliv se merikel we mi nidim ia i kam tru long daereksen mo promes we Presiden Nelson i bin talemaot.

Testemoni blong mi mo lav we mi gat long Papa blong mi long Heven mo Pikinini blong Hem, oli no stap, mo no stap nomo long merikel ia. Mi bin sapraes, long olsem wanem lav we Tufala i gat long mi mo olsem wanem ol promes blong Tufala we i gat paoa we i kam tru long wan profet.