Öldungur James E. Evanson

Öldungur James E. Evanson ólst upp á sykurrófubýli í litla þorpinu Barnwell, austur af Lethbridge, Alberta, Kanada.

Öldungur Evanson var afkomandi trúfastra brautryðjenda og ólst upp á heimili þar sem „fagnaðarerindið var kennt og eftir því var lifað“.

Þegar hann var 10 ára las hann öll 16 bindin af hinum myndskreyttu sögum Mormónsbókar og kirkjunnar, sem fjölskyldan átti, og ákvað að fylgja fordæmi Josephs Smith. Hann laumaðist inn í trjálund hinum megin við veginn frá heimili sínu, kraup, baðst fyrir og hlaut staðfestingu frá heilögum anda um að Jesús Kristur væri frelsari hans, að Joseph Smith væri sannur spámaður og að Mormónsbók væri sönn.

Sú sannfæring hefur hvatt til ævilangrar dyggrar þjónustu í kirkjunni, þar með talið sem svæðishafi Sjötíu, stikuforseti og forseti Orem-trúboðsins í Utah. Þegar öldungur Evanson var kallaður þjónaði hann sem hugdjarfur athafnaleiðtogi í deild sinni í Lethbridge.

James Eugene Evanson fæddist í Taber, Alberta, 16. ágúst 1968, og var eitt af átta börnum sem fæddust þeim Dale Eugene og Phyllis Tanner Evanson.

Eftir að hafa þjónað í fastatrúboði í Tempe, Arisóna, giftist öldungur Evanson Jody Karil Zobell 20. desember 1989 í Salt Lake-musterinu. Þau eiga saman fimm börn og ellefu barnabörn.

Öldungur Evanson ávann sér B.A. gráðu og doktorsgráðu í tannskurðlækningum frá Alberta-háskóla og starfaði sem tannlæknir á einkastofu í 26 ár.