Ana Iteraniba te Aono
E kanakoira nako Tahaa ni beku ibukiia natina
Elder ao Sister Baehrel, mai Montpellier Uoote n te Toulouse Titeiki, Buranti, a beku bwa mitinare taanga aika ikawai i Tahiti. A tia n tibwauaia taneiai aika kakukurei man kaunganano man aia tai n beku, ao te karaki aio e katea tamnein teuana maibuakon aia tai ae onoti.
E tamaroa ara taneiai inanon mwakoron ara mwakuri n taian mwkauri n ibuobuoki.
Tari Eric Graffe, e buokiira ma ara mwakuri, n tuangiira bwa te kangaanga n te atimwakoro ae Tahaa bon te ran ni mooi. Ti waekoa ni karaoa te maungatabu rinanon te witeo ma Madame Patricia Amaru, te Meeia i Tahaa.
Ni kubanakora, e waaki ma te tataro. Ti titirakinna bwa tera kainanoia aika kakawaki. Ma ranin matana, e tuangiira: “Ngkami kaekan au tataro, bukina bw ngkoananoa iai ara kangaanga ae kainanoan mwakuriiana ae katawe. Ao bon akea korakorau n katokia.”
E reitinako n kabwarabwara bwa te bwai n tibwatibwa te ran n mooi ea bane taina, ao ea kangaanga karokoan te ran n mwakoron te atimwakoro anne are e bubura.
Ngaia are tia nako Tahaa n noria bwa tera e kainanoaki. Bukina bwa karekean te ran te kabane ni kakabwai ibuakon ara mwakuri n ibuobuoki. tia rineia bwa tina karaoia bebwa ake tina karinii nakon ana aobiti te beretitenti. Ngkana e nakoraoi, te mwakuri n ibuobuoki aio e na kakabwaiaia maiuia ae raka iaon 2,000 te aomata.
Ngkane ti tia ni kawariia taabo aikai, Madame Amaru e nanokawaki ni kitaniira, ma iai ana boowi ae riai n iria, “ma te kairake n ataeinimwane man te ara ekaretia ae e na mwananga n mitinare”.
Ni koaua bon bootaki ae tabu ibukin kaukan ma warekan ana beebwa ni mitinare te tia mwananga n mitinare. Ti titirakinna ngkana kain ana utu te tia mwananga. “Tiaki!” e kaeka. “Ma I nanako n taabo ake i kaoaki.”
“Ti kukurei n iriko!”
Ngke ti roko, ti kunea bwa te mwaanga aio e onrake n te tangira ibukin te tia mwananga n mitinare aio are ea tia ni mate tinana n te ririki are mai mwaina. Irarikin anne, bon te moan mitinare ae e na mwananga man te mwaanga aio … inanon 40 te ririki!
Te beretitenti n te mwaanga e butiia te meeia ma kainaba bwa ana anga aia taeka. A uaia n anga taeka n reirei n aron te “karo”, ni kaunga bwa ena ongeaba man karinerine, n bwaina te nanorinano, ao moarara riki n aki tiku ikekei (Salt Lake City) imwiin ana mition.
Imwain nakona, ti reiakinna bwa te taanga aio, a rangi n rena ma kain aia kaawa, ao a bon tibwa tia naba n ira buakon kaukan te umwantabu. Irarikin anne, inanon te itiua-n namwakaina ni kateana, a butimwaiia kain te mwaanga ni kabane nakon mwengaia (tiaki ana tabo te kauntira, ma bon oin mwengaia) ibukin karaoan te bootaki n taromauri n te Taabati!
Bon ma nanora aika taonako n te tangira ma te kakaitaua ibukiia aomata aika aakoi man nanorinano are ngaia tia manga kitania naba.
N akea te raraoma, ti kaotia bwa Tamara are i Karawa e tataraia Natina ma te aakoi, ao E karokoira i Tahaa bwa tina beku ibukiia; ao bwa te Ekaretia bon angan karaon aio.