“Kawakinan Ara Berita aika Tabu,” Riaona, Maati 2025.
Kabonganaan ana Maekatin te Ekaretia
Kawakinan Ara Berita aika Tabu
Te rongorongo ibukin ana maekatiin te Ekaretia n te namwakaina aei e kona ni buokiko ngkai ko ukoria n “kawakin berita aika tabu” ake ko a tia ni karaoi (Reirei ao Berita aika Tabu 25:13).
Reiakinara man Te Beebwa ni Kaongora Aei
Ongo bwanaia kaain karawa
N te iteraniba 2, E kauringiira Unimwaane Neil L. Andersen man te Kooram n Abotoro ake Tengaun ma Uoman bwa bwanaan te aonaaba e kona ni kakiriweei nanora man bwanaan te Tamnei. Iai bwaai ni kabwakabwaka inanom inanon maium are e a kangaanga iai aron am reitaki ma te Atua? Ko kona ni karaoa am kouru n te namwakaina aei n totokoi bwaai ni kabwakabwaka aikai, n aron kabanea riki am tai n nebonebo inanon te tembora ke karaoa am aki mamatam n taubaang man bwaai ni kaongora.
Buokiia Tabeman ni Karekei ana Kakabwaia te Atua
Te rongorongo i aon te iteraniba 18 e maroroakinna bwa a kanga kaain te Ekaretia ni kunea te kimwareirei ao n riki bwa kaain ana tembora te Uea, n aki taraia bwa a tia ni mare ke aekakira aroia. Tera ae ko kona ni karaoia ni buoka raoraom ae Itiaki n ataia ao ni karekei ana kakabwaia Tamara are i Karawa ake e anganiia natina ni kabane ake a kawakin aia berita ma Ngaia?
Karekea ao Kinaa te Kaotioti
Wareka te rongorongo i aon te iteraniba 44 iroun Elder Christophe G. Giraud-Carrier man te Itingaun ni kunei nimaua iango ibukin karekean ao kinaakin te kaotioti. Tera iteran nako maium ae ko kainnanoa iai te kairi mai ikarawa? Iangoia kamwakuri reirei aika a reiakinaki iroun Unimwaane Giraud-Carrier ngkai ko ukora ana kairi te Atua n te namwakaina aei.