Tuoa te Oo

Tamnein te tia korokaraki n te tabo ni man iroun Shaun Sutton

Ngke N nang roko n raabanen au tai ngke I riki bwa te mitinare n ibuobuoki n au tai ni kairake, I ira te wirikiriki bwa N na beku uabong te bong n te wiiki n te tabo ni man i Utah ibukin te tanganibuaka ao nikiraia utu ake a tiku ni maiu. Bon akea naba teutana au taneiai ae I a tia ni karekeaae irekereke ma te tabo ni man, ma I bon kukurei.

Ni moan menau ikekei, I tuangaki bwa N na kaitiaka aia tabo tenaan aoti. Raoraou ae rangi n tamaroa ao toau ni mwakuri n angareirei n te tairiki, Unimwaane Saltem, e mwiokoaki bwa e na kaota nakoiu te bwai ae N na karaoia.

N te bong are I a roko nte kabanea n tabo are N na kaitiakia, I rimwiin Unimwane Saltern n rinnako. I karekea te wirikiriki n au iango bwa N na tuatua ibukin kainaki te oo imwiira. I kaakeaa te iango arei ao I a waakina au mwakuri n kaitiaki.

Te aoti are e mena ni nnena, ae arana Shrek, bon temanna maibuakoia aoti ae rangi ni bubura n te tabo ni man. E a moanna n kakamwakuri n aki rau ngke ti kaitiaki. N te tai ae tawe, Shrek e ienikuri n otinako man matoroa are uki ao n biri rimoaia aoti ake mena itinaniku nte oo ni man.

Ti kakaitau, bwa temanna te mwakuri ae te aine ae rang mwaatai n te n aoti, e rawea te bwaketi n wiita ao n kairiira te aoti arei n kaokia. Ngke e kaoka Shrek nakon ana tabo, e taraai neierei ao n titiraki ma te manikangare,“Tera ae ti reiakinna?”

Te reirei ae ti riai n ataia bon kainan te oo n taainako. I bon kauringaki taekan te kibu ae tabu are I a tia ni warekia n te ingabong raoi anne are e reireinai n kakauongo nakon ana wirikiriki te Tamnei ae Tabu” (Motiaea 3:19).

Ngke Ngai ma Unimwaane Saltern ti rinnako n ana tabo Shrek, I aki mwannanoa ana wirikiriki te Tamnei ae Raoiroi ae I riai ni kaina te oo. I a tia n kanikinaea te Tamnei bwa te tia anganai taeka n reirei n tii bwaai are I taku “bwain te maeu n tamnei” bwaai aika irekereke ma koroboki aika tabu ke tuua. Te taneiai aei e karikai bwa N na nanorinano. I a ataia bwa e korakora riki wanawanan te Tamnei nakon are I ataia—e ngae ngke e roko bwa te beku ibukin tararuakiia maan!

E reirei Beretitenti Thomas S. Monson (1927–2018), “uringnga bwa te mwakuri aio tiaki am mwakuri ao ngai n tii ngaira. … Ngkana ti karaoa ana mwakuri te Uea, ti kabaeaki nakon ana ibuobuoki te Uea.”

Tao iaki reireia te euangkerio n te tabo n man, n aron are N karaoia nte tairiki anne ma Unimwane Saltern, ma I bon kabaeaki nakon te ibuobuoki ao te kairiri mai eta—e ngae inanon kaitiakan nneia aoti.