7 Kawai ni Kaungako n te Anene

Tamnei iroun David Green

Inanon taai, te katangitang e a tia n riki bwa mwakoron te nebonebo irouia taan iriira Iesu Kristo.

E mwaiti taian areru n te O Tetemanti aika anene n neboa te Uea. Te Nu Tetemanti e rekootina aron Iesu ma Ana Abotoro, imwain rinnakona i Keketemwane, a anene n taromauri (taraa Mataio 26:30). Ao anene n taromauri a kakorakora te nebonebo n tain te bootaki n toa ni boong aikai.

Reitinakon karaoan booki n anene n taromauri aika boou e nang kakukurei, ao ti ingainga nakon anene n taromauri aikai boou inanon waakinan karaoana. Ma anene n taromauri tiaki ti te katangitangi ae kona ni kaungai nanora. Ana Gospel Library te Ekaretia ao Sacred Music apps a mwaiti katangitangi aika kakaokoro ae ti kona n karekei iai, moa man katangitang man rimoa nakon katangitangin boong aikai (tiaki ti kairake n ataei aika kona n unga n ongora nakon te Strive to Be aeubwam!). Rinanon bwaai aikai ao ko kona ni karekei katangitang aika kakukurei, kaunganano, e mwaiti ibuakoia aika airi ma aia nooti are ko kona n katangnga iai ke n aneneia i bon iroum.

Aikai tabeua iango ibukin buokam n karinii katangitangi aika kaunganano nakon am nebonebo ni mwengaam—e ngae ngkana akea rabakaum ni katangitang ao n anene:

• Kakauongo nakon anene n taromauri ao kuuna aika kaunganano inanon te wiiki. A kona n reke aikai n te Gospel Library ke te Sacred Music apps ke n te Music Library n ana webutiaite te Ekaretia.

• Kakaei rongorongon anene n taromauri aikai ao reiakina aron mwamiraakia.

• Anenea te anene n taromauri ao reiakinii mwakorona aika kakaokoro man kabonganaan Beebwan Nootina i aon te Sacred Music app ke iaon ana webutiaite te Ekaretia.

• Kakauongo nakon te Tabenaeko Kuaea ke Strive to Be iaon am tabo n ongongora (n aron Youtube, Spotify, Apple Music, Pandora).

• Reiakina katangakin te anene n taromauri ao kuuna aika kaunganano i aon te biano ke te kitaa ni kabonganaa beebwan nootina ake iaon te Gospel Library app ke iaon ana webutiaite te Ekaretia.

• Kamatebwaia ao iangoi raoi mwanewen anene aika kaunganano aikai.

• Iriira mwanewena ngkana ko kakauongo nakon aia kamataku kain te Tabaenako Kuaea n te Tembora Tikuea. Kamataku a kona n reke n ana tiaeno te kuaea iaon te Youtube.