Lepapulika Fakatemokālati ʻo Kongokoú

Naʻe papitaiso ʻa e kau fuofua papi ului ʻi he Lepapulika Fakatemokālati ʻo Kongokoú ʻi tuʻa he fonuá kimuʻa pea nau foki ki honau fonua tupuʻangá ʻo vahevahe ʻenau tuí mo e niʻihi kehé. ʻI he tūʻuta ʻa e kau faifekaú ʻi he DRC ʻi he 1986, naʻe ʻosi ʻi ai ha ngaahi kulupu ʻo e kau papi uluí ne nau fakataha ʻi he uike takitaha. Naʻe fokotuʻu ʻa e fuofua siteikí ʻi he 1996, pea naʻe fakatapui ʻa e fuofua temipale ʻi he fonuá ʻi he 2019. ʻI he ʻaho ní, ʻoku maʻu ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he Lepapulika Fakatemokālati ʻo Kongokoú ha:

• kāingalotu (fakafuofua ki he) toko 115,000

• ngaahi siteiki ʻe 27, ngaahi uooti mo e ngaahi kolo ʻe 289, ngaahi misiona ʻe 5

• temipale ʻe 1 (Kinisasa) mo e 3 naʻe fanongonongó (Lupumupasi, Kananga, mo Mupasi-Mai)

Houngaʻia Ko e Palani ʻa e Fakamoʻuí

ʻI he taimi naʻe ngāue fakafaifekau ai ʻa Sione Liuamipa mei Lupumipasí, naʻe mālōlō hono taʻoketé. ʻOkú ne pehē, “Naʻe kiʻi faingataʻa ke u tali koeʻuhí he ko e fuofua tokotaha ia ʻi hoku fāmilí ke mālōloó. ʻI he tokoni ʻeku palesiteni fakamisioná mo e folofolá, naʻe lava ke u tali ia, pea talu mei he ʻaho ko iá mo hono ʻomi au ʻe he aʻusia ko ʻení ke u ofi ange ki he Fakamoʻuí. ʻOku ou ʻilo ʻi Heʻene tuʻu haké, ʻe toe tuʻu hake ʻa e kau mēmipa kotoa hoku fāmilí kuo pekiá.”