Jerbal in Menmenbwij: Ad Iaļan Tōmak im Ekkeijel

“Jisōs eaar ba n̄an e, N̄a jerkakpeje eo im mour eo. Eo ej lōke Eō, men̄e e mej, enaaj bar mour” (Jon 11:25).

Āinwōt juon baam̧le, kōm kar pepe bwe tampeļ im jerbal in menmenbwij an baam̧le enaaj m̧ōttan jerbal eo eļap ilo mour in pālele in am̧. Kiiō em̧ōj am̧ kadedeļo̧k taujin kain̄i ko an ro jibum̧ im jim̧m̧am̧ remej, ekoba bukwi etan riSamoa ro, eo me kōm kar jeļā ke raar ro elukkuun pen pukoti kōnke ejabwe meļeļe. Ijoke, ļeo pāleeō Sosene Faleeofe “Fe” ekar kōņaan wōt joļo̧k elōn̄ iien ko im raan ko ilo Family History Centre eo riiti microfilms in peba ko rōm̧ōr. Ālkin eļap kijenmej, ekar maron̄ in jerbali āt ko kar loi n̄an kobaiktok n̄an menmenbwij eo an. Ilo am̧ būkiļo̧k āt kein n̄an tampeļ kajjojo allōn̄, ekar menin kam̧ōņōņō n̄an jeļā bwe kōmij kobaik baam̧le ko am n̄an indeeo.

N̄an kōdāpakpakļo̧k jerbal in, kōm̧ kar kōm̧m̧an ilo kajjojo iiō raan in tampeļ kōn emān epepen in baam̧le eo ammim: ro jinō im jema, ļeo pāleeō im n̄a make, laddik eo nejum̧ im kōrā eo ippān, ļaddik ro jibum̧ rōrūtto, leddik eo jatū, im baam̧le eo an. Kōm kar kōm̧m̧ani peptaij ko, kapene, im karreo ko n̄an elōn̄ bukwi iaan ro uwaan baam̧le eo am̧ ilo raan in tampeļ ko an baam̧le in, kobaik ro uwaan baam̧le ko ilo juon wāween me kōm kar jab maron̄ kōm̧m̧ani.

Ilo bar juon en̄jake em̧m̧an, ikar juon rijerbal in kain̄i ilo tampeļ ke juon sister eaar itok n̄an booth eo aō. Jān naan eo an jinointata, Jetōb ekar lukkuun kajoor, im ikar jan̄ ilo aolepen kain̄i eo. Ke eaar ilo̧k, iaar keememej bwe āt eo ekar pād ilo kaat eo aō make, im iaar jeļā jān en̄jake in ke sister in ejitenbōro ilo ron̄ol eo eaar bōk jerbal eo iaar kōm̧m̧an ilo etan.

Kōm̧m̧ane wujlepļo̧k eo am̧ n̄an tampeļ im jerbal in menmenbwij an baam̧le eaar jab pidodo. Kōm̧ eaar aikuj wujlepļo̧k kōm make n̄an jipan̄ doon. Fe ejjan̄in kar jerbal ilo kamputōr m̧okta im ekar jab jeļā kōn kilen pukot site ko, ak ekar jab bōk iien eaetok n̄an e bwe en jeraam̧m̧an kōn an tōmak kōn jerbal ko rem̧m̧an. Eaar etal wōt im kōjerbal jeļā eo an n̄an kadedeļo̧k menmenbwij in Samoa eo an.

Juon Jadede ilo Family History Centre eo, iaar kōpeļļo̧k kōbat in microfiche eo, me ej kakoņ pija im peba ko raorōk. Ilowaan, iaar lo Kent, England, eo me raar likūti ilo laļ eo ebōd. Ke ij būki n̄an kōbat eo aer, iaar kile ke raar ejja jen eria eo baam̧le eo aō rej pād ie, iaar jijet im riiti kajjojo fiche. Āliktata, iaar lo juon baam̧le im jiljino ajri ro eo me iaar liin̄ ippāer āinwōt juon sister in baam̧le eo an uncle eo aō. N̄an iien eo, jekar jaje kōn baamle in. Ekar juon waanjon̄ak eo ealikkar kōn wāween an Jetōb aolep iien tōl kōj ilo jerbal in ekwojarjar.

Ļōmņak kōn iaļ eo aō make, jinō eaar ba bwe lukkuun jema ekar aje eō kōnke n̄a leddik, ekar kōņaan nejin ļaddik. Juon raan, ke ij katotoik nuknuk ko raar kwaļkwōļ, iaar en̄jake juon jetōb ekajoor n̄an kadedeļo̧k jerbal in menmenbwij eo an baam̧le eo an, n̄an kapidodoik būruwō ņae e n̄an joļo̧k eddodo in jum̧ae. Tokālik iaar lo eo nej jemen jema im bukwi etan baam̧le eo me ikar maron̄ in bōk er n̄an tampeļ. Ke ļōļļap in nej jema eaar mej, leddik eo nejin eaar letok mālim n̄an aō kadedeļo̧k jerbal in tampeļ eo ad im barāinwōt būratōr eo an emej, jouj bwe en wōr piten n̄an kōbabuik bōran ilo lan̄. Kōjeraam̧m̧an in petriak eo aō enaaj kūrm̧ool n̄e inaaj kadedeļo̧k menmenbwij in baam̧le eo aō, im imaron̄ kam̧ool bwe kōm kar lo eļap tōprak ilo jerbal in ekwojarjar.

“Im kiiō, m̧aan im kōrā ro jeiū im jatū rejitōnbōro, in kam̧ool n̄an kom̧ bwe erkein rej pedped ko kōn ro remej im ro remour im reban maron̄ watōki bajjōk im eļļā jāni, āinwōt aer ekkejello̧k n̄an lo̧mo̧o̧ren eo ad. Bwe lo̧mo̧o̧ren eo aer aikuji im eaorōk n̄an lo̧mo̧o̧ren eo ad, āinwōt Paul ej ba kōn ro jemān—bwe er ijello̧kwid reban maron̄ weepān—im kōj ijello̧kin rimej ro ad jeban weeppān (Katak im Bujen ko 128:15).

“Ro remej im rej ukeļo̧k renaaj bōk lo̧mo̧o̧r, kōn pokake n̄an kain̄i ko an m̧weo im̧ōn Anij” (Katak im Bujen Ko 138:58).