“Kabun̄ eo an Jisōs Kraist kar Kōjepļaaktok,” Liaona, Jān. 2025.
Kōjerbal Māākjiin ko an Kabun̄ in
Kabun̄ eo an Jisōs Kraist kar Kōjepļaaktok
Ilo Itok, Ļoor Eō eo an iiō in ekkatak kōn Katak im Bujen Ko enaaj kameej wāween an kar Irooj kōjepļaaktok Kabun̄ eo An im gospel eo kōn rikanaan ro an raan ko āliktata. Elōn̄ ennaan ko ilo māākjiin eo an allōn̄ in rej kameej kōjeraam̧m̧an ko an Jepļaaktok eo.
Katak jān Māākjiin In
Bōk Ko̧naer ilo Aintok eo
Ilo peij 2, Būreejtōn Russell M. Nelsonej ej kwaļo̧k wāween ko jemaron̄ kuktok n̄an Rilomo̧o̧r eo, kuktok ippān Rikwojarjar ro, im kuk tok ilo jerbal eo An. Ļōm̧ņak in kōm̧m̧ane juon kōttōpar allōn̄ in n̄an bōk ko̧naam̧ ilo juon ian kuktok kein jilu.
Jerbal ilo Kabun̄ eokar Kōjepļaaktok
Elder Patrick Kearon jān Doulul eo an Rijilōk ro Jon̄oulruo ej kōnono kōn iien ko adilo Kabun̄ eo an Jisōs Kraist im em̧ōj an jepļaaktok n̄an “jipan̄ ro jet ilo iakwe” (lale peij 8). Ewōr ke armej ro ilo ward ak branch eo am̧ im rej ļo̧n̄tak? Komaron̄ jar kake armij rein im kajjitōk kōn im̧we kōn ekōjkan jerbal n̄an er.
Katak jān Kean̄ eo an Jepļaaktok eo
Ilo 2020 Būreejtōnji eo Kein Kajuon im Doulul eo an Rijilōk ro Jon̄oulruo rekar kadiwōjļo̧k: Juon Naan in Kean̄ n̄an Laļ in kōn Ribukwi Iiō in M̧akūtkūt eo Eaorōk” (lale peij 40). Ilo am̧ riiti kean̄ eo an Jepļaaktok eo, komaron̄ ļōm̧ņaki kajjitōk kein: Iien ta ko raorōk kōņaan kaki, im ekōjkan an kar Irooj tōl iien kein?