Raan in Kāām Eo Ewōttuwōt

“Game eo aō ej ilju, ke?” Lucy ear kajjitōk ke jinen ke ekar kitimij ilo jikin kiki eo an.

Jinen ekar em̧ajidjid. “Aaet! Ilju jota 6:00 awa.”

Lucy ekar jab maron̄ kōttar. Leddik in ekar reim̧aanļo̧k n̄an game in iakiiu eo an kumi eo an im̧aan tata ilo wiik ko. Im iiō in nuknuk ko aer raar piin̄! Leddik ekar kanooj in m̧ōņōņō ekar pen an kiki.

Bōtaab jibbon̄ōn eo tok juon, Lucy ekar reinam̧ōjļo̧k ilo wintō eo im kōjememe. Kōdo̧ ko rekūre raar pād ilan̄, im ekar pedkat aolep jikin. Ekar wōt aolepān bon̄ōn eo.

Leddik in ekar bukwelōlō n̄an ba jar in jibbon̄ eo an. “Jema Ilan̄ Ejitōnbōro, jouj im jipan̄ bwe lan̄ ņe en em̧m̧an n̄an game in iakiiu eo aō.”

Aolepān raan eo ilo jikuuļ, in an Lucy lōmņak kōn game eo. Leddik in ekar pijaikļo̧k e make an kōņak nuknuk piin̄ kāāl eo an, kotak lōn̄ļo̧k pein n̄an bo̧bo wiin. Bōtaab nam̧ōj, eļakkar baj wōt im tutu.

Lucy ekar m̧ōkaj an ba juon jar ilo ļōmņak eo an. Jema Ilan̄, jouj im jipan̄ aļ eo bwe en m̧ōkaj an waļo̧k bwe kōm en maron̄ ikkure joten in.

Ke peeļ in jikuuļ eo ekar jan̄, Lucy ekar bōk pāāk eo an im ettōr nam̧ōjļo̧k. Leddik in emaron̄ kar lo an aļ kar jino jede jān tulikin kōdo̧ ko!

Bōtaab ke jinen ekar itok im ektake, ekar wōr juon nuuj ejjab em̧m̧an. “Game eo n̄an joteniin ekāānjōļ,” lekar ba. “Joļo̧k aō bōd”

Lucy ekar kalimjōk lan̄ “Ako Aļ ej ejāde. Bōlen enej bōjrak an wōt.”

“Ijeļā,” jinen ekar ba. “Bōtaab jikin iakiiu eo ekar eppej kōn aolepān dān eo. Jekdo̧o̧n n̄e ebōjrak wōt eo, ekanooj in tutu im epedkatkat n̄an ikkure. Renaaj bar jikejuuļi game eo n̄an bar juon iien.”

Kōmejaaļaļ ekar to̧o̧r j ilo turin mejān Lucy. Leddik in ekar kanooj in ellotaan! Leddik in ekar lukkuun, lukkuun kōņaan ikkure bon̄ōn eo. Etke Jemādwōj Ilan̄ ekar jab uwaake jar ko an?

Ilo m̧weo, Lucy ekar en̄jake marok im nana tam̧m̧ūn āinwōt kōdo̧ ko. Leddik in ekar jab kōņaan riiti bok eo an em̧m̧an ippā . Im jekdo̧o̧n ta n̄e jinen ekar kōm̧m̧ane pasta eo enno tata ippān n̄an kōjota, ekar jab enno.

Ālkin kōjota eo, leddik eo jatin Lucy, Ellie, ekar tōbaļļo̧k n̄an ioon neen. “Ikkure ippa?” ekar kajjitōk.

Lucy ekar bōk kūtuwōn. “Aaet,” ekar ba. Innām ekar wōr juon an ļōmņak. “Jej aikuj kōm̧m̧an juon men ekam̧ōņōņō.”

Leddik in ekar bōk juon būruum̧ im lukwoj juon scarf n̄an jabōn n̄an kōm̧m̧ane juon būļāāk. Innām ekar ain aolep leddik ro jatin. Ekar kotak būļāāk eo im kar ba, “Ruwainene n̄an Raan in Kāām Eo Ewōttuwōt! Ej ijo kom̧ naaj limo n̄e kom̧ij jab maron̄ ikkure nam̧ōj.”

Leddik ro jatin raar pinnik.

“M̧oktata,” Lucy ekar ba, “jenaaj al kōn al in kāām eo ad.”

Leddik ro raar ettōn̄ dikdik ilo aer kar kine juon al kōjak im naan ko rej etal ippānļo̧k. Innām raar m̧aaj ipeļaakin ruum̧ eo kōn būļāāk eo aer, Al jon̄an wōt aer maron̄l.

“Kiiō jej aikuj in kajutak em̧ nuknuk ko im̧ōd!” Lucy ekar jipan̄ leddik ro jatin ain ko̧o̧j māņāņ ko im pet ko n̄an kōm̧m̧ane juon em. Ekar roļo̧k jejjo alen ko. Bōtaab ke raar kōm̧m̧ane, raar aolep kobo̧o̧b ilowaan n̄an ikkure ikkure ko.

Ejjab tok ekar iien kiki. “kōjatdikdik bwe enaaj bar wōt ilju,” Liza leddik eo jatin Lucy ekar ba. “Ibar kōņaan ikkure Raan in Kāām Eo Ewōttuwōt!”

“Kom̧m̧ool kōn am̧ ikkure ippān leddik ro jatūm̧,” Jinen ekar ba ke ekar atbakwoj Lucy goodnight. “Kwar kōm̧m̧ani men ko rem̧m̧an jekdo̧o̧n jekjek eo am̧ make. Ebun̄ būruō kōn kwe.”

Lucy ekar en̄jake m̧ōņōņō ke ekar tallōn̄ļo̧k n̄an jikin kiki eo an. Jar ko an raar jab uwaak ilo wāween eo ekar kōņaan. Bōtaab Jemādwōj Ilan̄ ekar jipan̄ elo juon men elimo n̄an kōm̧m̧ane ippān baam̧le eo an—im ekar kam̧ōņōņō jon̄anwōt kōņak nuknuk piin̄ eo ilo game in iakiiu eo an m̧oktata.

Kōpeļļo̧k PDF

Kōmeļeļe ko jān Apryl Stott